Chapter Title : ഗായത്രി എന്റെ അമ്മ 2 [ഗുൽമോഹർ]

വരുന്ന ചിരിയെ മറച്ചു പിടിച്ചു...
എന്നാലെ നാളെ എവിടേക്കും പോകേണ്ട...
സ്കൂളിലെ നാൻസി ടീച്ചറിന്റെ കുട്ടിയുടെ ബർത്ഡേയാണ്...
ഞാൻ നിന്നെയും കൂട്ടി വരാമെന്നാണ് പറഞ്ഞത്...
പോയിട്ട് പെട്ടെന്ന് വരാം...
ഓ ആയിക്കോട്ടെ പൊന്നുന്ന് പറഞ്ഞു കവിളിൽ ഒരു നുള്ളും നുള്ളി പോകുന്ന അവന്റെ മുഖത്തു തെളിഞ്ഞു കാണുന്ന ആ സന്തോഷം കാണുമ്പോ ഒരു അമ്മയെന്നതിൽ കവിഞ്ഞു സ്വയം മാറാൻ ശ്രമിക്കുന്ന തന്റെ മനസ്സിലൊരു നേർത്ത തണുപ്പ് പരക്കുന്നതറിഞ്ഞു അവൾ....
സ്നേഹം കൊണ്ടു മാറ്റാൻ കഴിയാത്തതെന്താണ് ഈ മനുഷ്യർക്കിടയിലുള്ളത്.
മഴയ്ക്ക് ഒരു ശമനവുമില്ല...
ക്ലാസ്സ്‌കഴിഞ്ഞു
വീട്ടിലോട്ട് കയറിയപ്പോൾ തന്നെ ആള് ഹാളിൽ ടീവിയും കണ്ടു ഇരിക്കുനുണ്ട്...
കുളിമുറിയിൽ കയറി ഒന്ന് മേല് കഴുക്കി...
തല നനയ്ക്കേണ്ടയെന്നു വിചാരിച്ചു.ഒന്നാമത് ഒടുക്കത്തെ തണുപ്പാണ്..
റൂമിലോട്ട് കയറിയപ്പോഴാണ് കട്ടിലിൽ ഒരു കവർ കിടക്കുന്നത് കണ്ടത്.
പൊട്ടിച്ചു നോക്കിയപ്പോൽ നല്ല ഡിസൈനിൽ ഉള്ളൊരു ചുരിദാറാണ്...
അധികം വർക്ക് ഒന്നുമില്ലാതെ സിമ്പിൾ ആയൊരു ചുരിദാർ..
അപ്പോഴാണ് നിലത്തു വീണുകിടക്കുന്ന കുറിപ്പ് ശ്രദ്ധയിൽ പെട്ടത്...
അമ്മ പ്ലീസ്...
എന്റെ ചക്കരയല്ലേ..
പറ്റില്ലാന്ന് പറയല്ലേ..
എന്റെ ഒരുപാട് നാളയുള്ള ആഗ്രഹമാണ്...
നാളെ പരിപാടിക്കുപോകുമ്പോൾ അമ്മ ഈ ചുരിദാർ ഇടണം..
പ്ലീസ് പ്ലീസ് പ്ലീസ്...
എന്റെ ചക്കര മോളല്ലേ...
വായിച്ചപ്പോൾ ചിരിയും കരച്ചിലും ഒരുപോലെ വന്നുപോയി....
ഇട്ടുനോക്കിയപ്പോൾ കറക്റ്റ് സൈസാണ്...
അത്ഭുതം തോന്നിപോയി..
ഇത്രയും കൃത്യമായി ഇതെങ്ങനെ ഇവൻ വാങ്ങിയത്....
അതെടുത്ത് മുഖത്തോട്ട് അടിപ്പിച്ചു ആ പുതുമയുടെ മണമൊന്നു ആഞ്ഞു ശ്വസിച്ചു...
ചെറുതിലെയുള്ള ഒരു ശീലമാണ് അത്...
ഒന്നൂടെ അതിന്റെ ഭംഗി നോക്കി മടക്കി അലമാരയിലോട്ട്
വച്ചിട്ട് ഹാളിലോട്ട് ചെന്നപ്പോൾ ആള് ഇടം കണ്ണിട്ട് നോക്കുന്നുണ്ട്...
അമ്മേ... അമ്മേ..
എന്താടാ...
അത് കണ്ടിലെ..
എന്ത്‌...
ഞാനൊന്നും കണ്ടില്ല...
അമ്മേ കളിക്കല്ലേ..
നാളെ പോകുമ്പോൾ ആ ചുരിദാർ എന്തായാലും ഇടണം..
പ്ലീസ്..
എന്റെ ചക്കരയല്ലേ..
എന്റെ നല്ല ഗായത്രികുട്ടിയല്ലേ..
ആ നോക്കട്ടെ...
ആ...
പിന്നെ ഉണ്ണീ...
നാളെ ഇവിടുന്നു നമുക്ക് കുറച്ചു നേരത്തെ ഇറങ്ങണം...
പരിപ്പാടി കഴിഞ്ഞു ടൗണിലൊന്ന് പോകണം...
നീ കിടക്കാൻ പോകുമ്പോൾ ഉമ്മറത്തെ ചവിട്ടി അകത്തോട്ടു കയറ്റിയിട്ടേക്ക്..
ഞാൻ കിടക്കട്ടെയെന്നാൽ..