Chapter Title : ഗതിമാറിയൊഴുകുന്ന നദിപോലെ 1 [സ്പൾബർ]

“ ഞാനത് പറഞ്ഞതല്ലേ ചേച്ചീ… എനിക്ക് കഴിയില്ല… പ്രതികാരത്തിനൊന്നും ഞാനില്ല… “..

മഹി താൽപര്യമില്ലാതെ പറഞ്ഞു..

“ എന്നാ ഞങ്ങള് ചെയ്താലോ…?”..

“എന്ത്…?”..

“ അഛനെ കൊന്നവരോട് ഞങ്ങള് പ്രതികാരം ചെയ്യും… അവര് കൺമുമ്പിലൂടെ നടക്കുമ്പോ ഞങ്ങൾക്ക് സമാധാനമായി ഉറങ്ങാനാവില്ല… ഒരു മകനുണ്ടായിട്ടെന്ത് കാര്യം… ?.. ചുക്കിനും ചുണ്ണാമ്പിനും കൊള്ളില്ല… എന്താ വേണ്ടതെന്ന് ഞങ്ങൾക്കറിയാം… ഇത് നിന്നോടൊന്ന് പറഞ്ഞൂന്നേ ഉള്ളൂ… ഉം… പൊയ്ക്കോ…”..

സ്മിത കൽപനപോലെ പറഞ്ഞു..പക്ഷേ മഹി പോയില്ല… രണ്ടാളെയും മാറിമാറി ഒന്ന് നോക്കി..

“ അവരോട് പ്രതികാരം ചെയ്യണമെങ്കിൽ ആദ്യം നിങ്ങളെന്നെ കൊല്ലേണ്ടിവരും… ഞാൻ ജീവിച്ചിരിക്കുമ്പോ അയാൾ ചത്തതിന് പ്രതികാരം ചെയ്യാൻ ഈ വീട്ടീന്നാരും പുറത്തിറങ്ങില്ല… “..

മഹിയുടെ ശബ്ദമുയർന്നത് കേട്ട് സ്മിതക്ക് വിറച്ച് കയറി..

“ ചേച്ചീ… ചേച്ചിയെന്തിനാ ഇവനോടിതൊക്കെ പറയുന്നത്… ?..

എല്ലാം നമ്മള് തീരുമാനിച്ചതല്ലേ… ?”..

നീതു ഇടക്ക് കേറി പറഞ്ഞു..

“നിങ്ങളെന്ത് തീരുമാനിച്ചാലും വേണ്ടില്ല… പക്ഷേ, ഇനിയീ കുടംബത്തിൽ ഒരു ചോരക്കളി ഞാനനുവദിക്കില്ല…”..

“ അതിന് നിന്റെ അനുവാദമൊന്നും ഇവിടാർക്കും വേണ്ട…”..

“വേണ്ടി വരും… നിങ്ങളെന്റെ പെങ്ങൻമാരാ… അഛനില്ലാത്ത സ്ഥിതിക്ക് നിങ്ങളെന്ത് ചെയ്യുന്നുണ്ടെങ്കിലും എന്റെ അനുവാദം വേണ്ടി വരും… “..

“അയ്യടാ… അതങ്ങ് പള്ളീ ചെന്ന് പറഞ്ഞാ മതി… നീ കേട്ടോടീ നീതൂ… ഒരാങ്ങള വന്നിരിക്കുന്നു… നമ്മളിനി മുള്ളണേൽ അവന്റെ അനുവാദം വാങ്ങണമെന്ന്… ഒന്ന് പോടാ

ചെക്കാ… “...

സ്മിത പുഛത്തോടെ പറഞ്ഞു..

“എനിക്ക് കൂടുതലൊന്നും പറയാനില്ല…

ഈ പേരും പറഞ്ഞ് രണ്ടും വീടിന് പുറത്തിറങ്ങില്ല… പ്രതികാരം ചെയ്യാനാണെന്നും പറഞ്ഞ് ഇറങ്ങിയാ മഹിയുടെ മറ്റൊരു മുഖം നിങ്ങള് കാണും…”..