Chapter Title : ഗിരിജ ചേച്ചിയും ഞാനും 8 [Aromal]

കുളി കൂടി കഴിഞ്ഞതോടെ എന്റെ ഷീണമെല്ലാം പമ്പ കടന്നു. ഞാൻ കുളി കഴിഞ്ഞിറങ്ങിയപ്പോളേക്കും അച്ഛനും അമ്മയും എന്നോട് പറഞ്ഞിട്ട് ജോലിക്കു പോകാനിറങ്ങിയിരുന്നു . കുളിയൊക്കെക്കഴിഞ്ഞു ഞാൻ കോളേജിലേക്ക് പോവാനുള്ള ഡ്രസ്സ് ഒക്കെ എടുത്തിട്ടു. ജീൻസും ഷിർട്ടുമാണ് സാധാരണ ഞാൻ കോളേജിൽ ഇട്ടോണ്ട് പോകുന്നത്. കോളേജിലേക്ക് പോകാനുള്ള ഒരുക്കങ്ങളൊക്കെക്കഴിഞ്ഞു ബാഗും എടുത്തു വീടും പൂട്ടി ഞാൻ പുറത്തേക്കിറങ്ങി. ഞാനുച്ചക്കു ചോറുണ്ണുന്നത് കോളേജ് ക്യാന്റീനിൽ നിന്നായതു കൊണ്ട് വീട്ടിന്ന് ചോറു കൊണ്ടുപോകുന്നത് പതിവില്ലായിരുന്നു. വീട് പൂട്ടി താക്കോല് ഗിരിജ ചേച്ചീടെ വീട്ടിൽ കൊടുത്തിട്ടാണ് ഞാൻ കോളേജിൽ പോവാറ് വൈകുന്നേരം വരുമ്പോ അവിടെ ചെന്നു വാങ്ങിക്കും. പതിവ് പോലെ ഞാൻ വീട് പൂട്ടി താക്കോലുമായി ഗിരിജ ചേച്ചീടെ വീട്ടിലേക്ക് ചെന്നു.ഉറക്കമൊക്കെ കഴിഞ്ഞു ചേട്ടൻ തിണ്ണയിൽ വന്നിരിപ്പുണ്ട്. ആ മുഖം കണ്ടാൽ അറിയാം ഇന്നലത്തെ കെട്ടു വിട്ടിട്ടില്ലെന്നു മുഖമൊക്കെ ഇടുമിച്ചിരിക്കുന്നു. "ഇപ്പോഴാണോ എഴുന്നേറ്റേ " "ഇന്നലെ ഇച്ചിരി കൂടിപ്പോയി.... അതാ താമസിച്ചേ " ചേട്ടൻ ഒരു കോട്ടുവായയോട് കൂടി പറഞ്ഞു. "ഞാൻ രാവിലെ ഗിരിജ ചേച്ചിയോട് ചോദിച്ചാരുന്നു.... അന്നേരം എഴുനേറ്റില്ലെന്നാ പറഞ്ഞെ" "മ്മ്... ഇന്ന് ക്ലാസ്സുണ്ടോ പൊന്നൂസേ " "അഹ് ഉണ്ടേ....ഇന്നിറങ്ങാൻ കുറച്ചു താമസിച്ചു പോയി.... ഗിരിജ ചേച്ചിയെന്തിയേ കണ്ടില്ലലോ" "അവള് കൊച്ചിനെ കൊണ്ടെ വിടാൻ പോയി " "എന്നാ ശെരി... ഞാൻ പോയേക്കുവാ... വരുമ്പോ കാണാം" ഞാൻ താക്കോല് ചേട്ടന്റെ കയ്യിൽ കൊടുത്തിട്ട് വീട്ടിൽ ചെന്നു ബൈക്കുമെടുത്ത്‌ കോളേജിലേക്ക് പോവാനിറങ്ങി. വീട്ടിൽ നിന്ന് മെയിൻ റോഡിലേക്ക് അല്പം ദൂരമുണ്ട്. ഞാൻ മെയിൻ റോഡിലേക്ക് പോകുന്ന വഴിക്കു വെച്ചു ഗിരിജ ചേച്ചിയെ കണ്ടുമുട്ടി.