Chapter Title : ഗോമതി മുതൽ ഷീല വരെ 2 [Chullan]

ചേച്ചി എന്നെ നോക്കി നിൽക്കുന്നു. ഞാൻ സങ്കടത്തോടെ നടന്നു. വീട്ടിൽ ചെന്നിട്ടും എനിക്ക് ഒരു ഉഷാറുണ്ടായില്ല. ഒരു വിധത്തിൽ അന്നത്തെ ദിവസം കടന്നു പോയി. പിറ്റേന്ന് ശനിയാഴ്ച രാവിലെ മുറ്റത്ത് ആരോ സംസാരിക്കുന്നത് കേട്ടാണ് ഞാൻ ഉണർന്നത്. സമയം രാവിലെ ഏഴു മണി കഴിഞ്ഞു. ഞാൻ ജനലിൽ കൂടി നോക്കിയപ്പോൾ ഗോമതിച്ചേച്ചി അമ്മയോട് സംസാരിക്കുന്നു. അല്പം കഴിഞ്ഞ് ചേച്ചി പോയി. ഞാൻ പ്രഭാതകൃത്യങ്ങൾ കഴിഞ്ഞ് അടുക്കളയിൽ ചെന്നു. അമ്മ കഴിക്കാൻ എടുത്തു തന്നു.

"ഗോമതി ചേച്ചി എന്തിനാ വന്നത് അമ്മേ?"

ഞാൻ ചോദിച്ചു.

"അതോ ഗൗരി വന്നിട്ടുണ്ട് അവളുടെ വീട് പൊളിച്ചു മേയുകയാണ് അതിന്  അനിയെ കൊണ്ടുപോകാൻ ആണ് ഗൗരി വന്നത്. അപ്പോൾ അനിതക്കു കൂടി പോകണമെന്ന്. അവർ നാളെ വൈകട്ടത്തേനെ വരു. അപ്പോൾ ഇന്ന് വൈകിട്ട് ഗോമതി തനിച്ചേ ഉള്ളു. രാത്രി കൂട്ടുകിടക്കാൻ നിന്നെ വിടാമോ എന്നു ചോദിക്കാൻ വന്നതാ"

ഇതിനു മുൻപും പലതവണ ഗോമതി ചേച്ചി തനിച്ചായപ്പോൾ ഞാൻ കൂട്ട് കിടക്കാൻ പോയിട്ടുണ്ട്. പക്ഷെ അപ്പോൾ അമ്മ പറഞ്ഞത് കേട്ട് ഞാൻ വാ പൊളിച്ചിരുന്നു പോയി. ഞാനെന്താണ് കേൾക്കുന്നത് ഇന്ന് രാത്രി മുഴുവൻ ഞാനും എന്റെ സ്വപ്ന സുന്ദരിയും തനിച്ച്. എന്റെ ശരീരത്തിൽ കുളിരു കോരി. ഉള്ളിലുള്ള സന്തോഷം പുറത്തു കാട്ടാതെ ഞാൻ ചോദിച്ചു.

"അമ്മ എന്തു പറഞ്ഞു?"

"നിന്നെ വിടാമെന്ന്"

അമ്മ പറഞ്ഞു.

"അയ്യോ''

ഞാൻ താല്പര്യമില്ലായ്മ കാണിച്ചു.

"എന്താടാ"

അമ്മ ചോദിച്ചു.

"അവിടെ കിടക്കാൻ കട്ടിലൊന്നും ഇല്ല. കറണ്ടും ഇല്ല. എനിക്ക് പറ്റില്ല"

ഞാൻ പറഞ്ഞു.

"ഇതിനു മുൻപും അവിടെ കട്ടിലും കറന്റും ഒന്നും ഇല്ലാഞ്ഞല്ലോ അന്ന് നീ പോയി കൂട്ടുകിടന്നിട്ടില്ലേ?"

അമ്മ അല്പം ദേഷ്യത്തോടെ ചോദിച്ചു

"എന്നാലും....."

ഞാൻ വീണ്ടും ജാട കാണിക്കാൻ തുടങ്ങി. എന്നാൽ മനസ്സിൽ സന്തോഷവും, അത് പുറത്തു കാണിക്കാൻ പറ്റുമോ?

"ഒരു എന്നാലും ഇല്ല ഒരു ദിവസത്തെ കാര്യമല്ലേ ഉള്ളു. അവൾ എപ്പോഴും നമ്മളെ സഹായിക്കുന്നതല്ലേ. പറ്റുകേല എന്ന് എങ്ങനാ പറയുന്നത്"

അമ്മ പറഞ്ഞു. ഞാൻ മനസ്സില്ലാ മനസ്സോടെ സമ്മതിക്കുന്നതു പോലെ അഭിനയിച്ചു. കാപ്പി കുടിച്ചു കഴിഞ്ഞ്