Comments

ഇപ്പോൾ പേപ്പർ അല്ലാതെ കാര്യമായ വായനയില്ല. പഠിക്കുന്ന സമയത്ത് മലയാളം അത്ര നല്ല വശമുള്ള ആളും ആയിരുന്നില്ല. എന്നാൽ നാലാം ക്ലാസ് മുതൽ ഐസ്ക്രീം എന്ന പേരിൽ ശാസ്ത്ര സാഹിത്യ പരിക്ഷിത്ത് പ്രസിദ്ധീകരിച്ച ചെറിയ പുസ്തകങ്ങൾ വായിച്ചിരുന്നു. ഏതാണ്ട് അഞ്ചാം ക്ലാസിൽ എത്തിയപ്പോൾ ടോംസ്വായർ വായിച്ചതോർക്കുന്നു. ബാലരമയും, പൂമ്പാറ്റയും തുടങ്ങി അന്നുള്ള സകല മാ വാരികകളും, ശാസ്ത്ര വാരികകളും, സിനിമാ വാരികകളും വായിച്ചിരുന്നു. പിന്നീട് തോമസ് പാലായുടെ കഥകൾ ( പള്ളിക്കൂടം കഥകൾ ) മുതലായവ. എന്നാൽ ഭാഷയും, വികാരവും ഒന്നിച്ച് ഇഴചേർന്ന്‌ പോകുന്നത് മനസിലാക്കിയത് വൈക്കം മുഹമ്മദ് ബഷീറിന്റെ കഥകൾ വായിച്ചപ്പോഴാണ്. ആദ്യം ഇതൊരുമാതിരി അലമ്പ്, അളിഞ്ഞ കഥയാണല്ലോ എന്ന്‌ കരുതി. അദ്ദേഹത്തിന്റെ ജന്മദിനവും, മതിലുകളും മറ്റും വായിച്ചപ്പോൾ മനസിലായി ഇതെല്ലാം അദ്ദേഹത്തിന്റെ ഗിമിക്കുകൾ മാത്രമാണ് എന്ന്‌. പിന്നെ ലിയോ ടോൾസ്റ്റോയ്, മാക്ട്വയൻ ( ടോം സ്വായറിന്റേയും മറ്റും മൂല കഥ), മലയാറ്റൂർ, കോനൻ ഡോയൽ, അഗതാ ക്രിസ്റ്റി, മാസ്കിം ഗോർക്കി, ലളിതാംബിക അന്തർജനം, ചാൾസ് ഡിക്കൻസ്, ഡാനിയേൽ ഡിഫോ തുടങ്ങി പഴയ കാലഘട്ടത്തിലെ എല്ലാ എഴുത്തുകാരുടേയും, എല്ലാ കഥകളും വർഷങ്ങളോളം വായിച്ചു. രണ്ടാം ഊഴം, വിക്രമാദിത്യ കഥകൾ, പഞ്ചതന്ത്രം കഥകൾ, ഐതീഹ്യമാല എന്നിങ്ങനെ എന്തും ഏതും വായിച്ചു. എങ്കിലും പിന്നെയും ബഷീറിന്റെ കഥകൾ എന്നെന്നും സ്വാധീനിക്കുന്നതായി തോന്നി. ഇപ്പോൾ എഴുതുമ്പോഴും അത് എന്റെ ഭാഷയിൽ ഉണ്ട്. ഒരു ക്യാൻസർ പോലെ. മുറിച്ച് മാറ്റിയാൽ പോലും പോകാതെ. എന്റെ അഭിപ്രായത്തിൽ അദ്ദേഹത്തിന്റെ കഥകൾ മുഴുവൻ വായിക്കുക. ഭാഷ മലയാളത്തിന്റെ പല വകഭേദം ആണെങ്കിലും അവയെ കഥയുമായി ചേർക്കുന്ന ഒരു മാസ്മരീകത അവയ്ക്കുണ്ട്. ആകാശ മിഠായി പോലെ. മലയാളി ആയി ജനിച്ചിട്ട് ബഷീറിനെ അറിഞ്ഞില്ലെങ്കിൽ ഒന്നും അറിഞ്ഞില്ലാ എന്നാണ് അർത്ഥം. മുകുന്ദനും, മലയാറ്റൂരും, ഒ. വി. വിജയനും ഒക്കെ കുറച്ചുകൂടി ഗഗനമായ സാഹിത്യ വായനയ്ക്ക് വഴി നൽകുന്നവരാണ്. നല്ലൊരു ലൈബ്രറിയിൽ മെമ്പറാകുക. അപ്പോൾ പുസ്തകങ്ങളെ തനിയെ സ്നേഹിക്കാൻ തുടങ്ങും. വായിക്കാൻ തുടങ്ങുന്നതോടെ ഭാഷ എളുപ്പമുള്ളതാകും. നമ്മൾ അറിയുക പോലുമില്ല ഏങ്ങിനാണ് വാക്കുകൾ ഒഴുക വരുന്നത് എന്ന്‌. ഒരു വാക്കിന് പകരം പല വാക്കുകൾ ഉള്ള പദസമ്പത്ത് ലഭിക്കാൻ വായന കൊണ്ടേ കഴിയൂ. കൊളോക്യൽ ആയുള്ള എന്റെ ഈ കമ്പി എഴുത്തല്ലാതെ ശാസ്ത്ര വിഷയങ്ങളും, ചരിത്രവും എല്ലാം ഞാൻ എഴുതാറുണ്ട്. അതിലെ ഭാഷ ഒരിക്കലും ഇതായിരിക്കില്ല. അതായത് നല്ല മലയാളത്തിൽ പ്രബന്ധങ്ങൾ എഴുതാൻ പഠിക്കുക. അത് കഴിഞ്ഞ് വേണം ഗ്രാമീണവും, സാസ്ക്കാരീകവുമായ വ്യത്യാസങ്ങൾ നിറഞ്ഞ ഭാഷയിലേയ്ക്ക ചേക്കാറാൻ. ഭാഷ നമ്മൾ സ്ക്കൂളിൽ പഠിക്കുന്നത് ബേസ് മാത്രമേ ആകുന്നുള്ളൂ. സാന്തർഭ്ഭീകമായി പേന ചലിപ്പിക്കേണ്ടപ്പോൾ കടലാസിലേയ്ക്ക് പകർന്നു നൽകേണ്ടത് നമ്മുടെ ഉള്ളിലുള്ള വികാരങ്ങൾ വായിക്കുന്നവർക്കും കൂടി തോന്നിപ്പിക്കുന്ന അക്ഷരങ്ങൾ ആയിരിക്കണം. ആദ്യം ഒരു ചെറിയ കഥ എഴുതുക.

... എനിക്കൊരു അമ്മായി ഉണ്ടായിരുന്നു...

( പണ്ട് പണ്ടൊരു രാജ്യത്ത് ഒരു രാജാവുണ്ടായിരുന്നു എന്ന്‌ പറയുന്നത് പോലെ) പിന്നെ അതിനെ വികസിപ്പിക്കുക.

അവർക്ക് ഒരു മകളുണ്ടായിരുന്നു, ഒരു സുന്ദരി.

അധികം വർണ്ണനയൊന്നും ആവശ്യമില്ല, എന്തെന്നാൽ സുന്ദരി എന്നു പറഞ്ഞാൽ ഒരോർത്തർക്കും ഓരോ കൺസെപ്റ്റ് ആണ്. വായിക്കുന്നവർ അത് അവരുടെ ഇഷ്ടത്തിന് എടുത്തോളും, നമ്മൾ അടിച്ചേൽപ്പിക്കരുത്.

എന്തെങ്കിലും പ്രത്യേകത കൂടുതൽ ഉണ്ടെങ്കിൽ അത് മാത്രം ബൂസ്റ്റ് ചെയ്ത് എഴുതുക.

അവൾക്ക് മുട്ടൊപ്പം മുടിയുണ്ടായിരുന്നു എന്ന്‌ എഴുതേണ്ടതില്ല.
ജെസ്റ്റ്
മുട്ടൊപ്പം മുടി.
എന്ന്‌ മാത്രം പറഞ്ഞാൽ മതി. നമ്മൾ ഉദ്ദ്യേശിക്കുന്നത് നമ്മുടെ നായികയെ ആണെന്ന്‌ വായനക്കാർക്ക് മനസിലാകും. ബാക്കി രൂപം എല്ലാം അവർ വട്ട മുഖത്തിനും, നീണ്ട മുഖത്തിനും വേണ്ട വണ്ണം നീണ്ട മുടി പ്രതിഷ്ടിച്ചു കൊള്ളും.

ഒരു ദിവസം ആ വീട്ടിൽ ചെല്ലുമ്പോൾ അമ്മായി വീട്ടിലില്ല.

ഇതിൽ നിന്നും ആ വീട്ടിൽ മറ്റാരും ഇല്ലാ എന്നും, മകൾ മാത്രമേ ഉള്ളൂ എന്നും വായനക്കാർ ഗ്രഹിക്കുന്നു. ആദ്യമേ കയറി അമ്മാവന്റെ പേര് പറഞ്ഞാൽ പിന്നീട് അമ്മാവനെ നമ്മൾ വാക്കുകളിലൂടെ ചന്തയ്ക്ക് വിടണം. അതിന്റെ ആവശ്യമില്ല.

എന്നെ കണ്ടതും അവൾ ഉമ്മറത്തേയ്ക്ക് ഇറങ്ങി വന്നു.

ഇപ്പോൾ എന്തു തോന്നുന്നു. ഒരു സാധാരണ വീട്, ഇടത്തരം ആളുകൾ. അല്ലാതെ ഒരു വലിയ വീടും, പണക്കാരും ആയിരുന്നെങ്കിൽ ഉമ്മറം എന്ന വാക്കിന് പകരം നമ്മൾ പൂമുഖം എന്നോ സിറ്റൗട്ട് എന്നോ ഉള്ള വാക്കേ ഉപയോഗിക്കൂ.

ഞാൻ പണ്ട് കണ്ടതിലും ഭംഗി വച്ചിരിക്കുന്നു. ഞങ്ങൾ സംസാരിച്ചിരുന്നു. കുറച്ചു കഴിഞ്ഞ് അവൾ കുടിക്കാനായി എന്തെങ്കിലും എടുക്കാം എന്ന്‌ പറഞ്ഞ് ഉള്ളിലേയ്ക്ക് പോയി. പഴയ ഫ്രെയിം ചെയ്ത ഫോട്ടോ ഭിത്തിയിൽ ഇരിക്കുന്നതു കണ്ട് നോക്കാനായി ഞാൻ ഉള്ളിലേയ്ക്ക് കടന്നു....

ഇങ്ങിനെ അങ്ങ് എഴുതി പോയാൽ മതി. അനാവശ്യമായ വാക്കുകൾ ഒഴിവാക്കുക എന്നതാണ് പ്രധാനം. ( എന്റെ കഥയിൽ ആവശ്യത്തിലധികം അനാവശ്യ വാചകങ്ങൾ ഉണ്ട് എന്നത് വേറൊരു കാര്യം. അത് ഒരോരുത്തരുടേയും അഭിരുചിയുടെ വ്യത്യാസമാണ്)
കഥ ആദ്യം മോശമായി എന്നോർത്ത് വിഷമിക്കേണ്ടതില്ല. പിന്നെയും എഴുതുക, ഭാഷ നന്നാകും, ഒഴുക്കും വരും.
എല്ലാവിധ ആശംസകളും.

നന്ദി ഇനിയും വായിക്കുക.

തുടരൂ ??

നന്ദി സുഹൃത്തേ, ഈ കഥയുടെ അടുത്ത ഭാഗം പെൻഡിങ്ങിൽ വച്ച് മട്ഒരു കഥയിലേയ്ക്ക് പോയി. എല്ലാ കഥയും പാതി വഴിയിൽ നിർത്തുന്നൂ എന്ന പരാതി എനിക്ക് ഓൾ റെഡി ഉണ്ട്. പക്ഷേ എല്ലാ കഥകൾക്കും എൻഡിങ്ങ് ഉണ്ട്. അത് അവതരിപ്പിക്കാനുള്ള ആ ഒരു അവസാന ക്ലൈമാക്സിന്റെ പോരായ്മ തോന്നുന്നതിനാൽ പലതും നിർത്തുകയാണ്- തൽക്കാലത്തേയ്ക്ക്. പക്ഷേ പൂർത്തീകരിക്കും. എപ്പോഴെങ്കിലും.

താങ്ക്സ്, ഇനിയും വായിക്കുക.

താങ്ക്സ് സുഹൃത്തേ..

:-), പങ്കജ് ഉധാസിന്റെ "ചിട്ടി ആയിഹേ" ഇന്നലെ ഡൗൺലോഡ് ചെയ്ത് കേട്ടതേ ഉള്ളൂ, ദാ ഇന്ന്‌ ആള് പോയി. കാലം പോകുകയാണ്. അതുപോലെ ആ കഥയിലും ചില മാറ്റങ്ങൾ വേണമെന്ന്‌ തോന്നി. പലതും എടുത്തു കളഞ്ഞു. ചിലത് കൂട്ടി യോജിപ്പിച്ചു. ഗോപുവിനെ ഈ അടുത്ത കാലത്ത് കണ്ടിരുന്നു. അതേ സ്വഭാവം, ഈ കഥയിലും പറയുന്നതിലും കുസൃതി. നാക്ക് ഒരു ഒന്നര മീറ്റർ വരും. ഒരു മാറ്റവുമില്ല. :-)

ഈ കഥ പെൻഡിങ്ങിലാ മറ്റൊരു കിടിലൻ കഥ, ഒറ്റ സ്ട്രെച്ചിൽ എഴുതി ഇടുകയാണ്. ഒൺലി വൺ പാർട്ട്. നോ സബ് ചാപ്റ്റ്ഴേസ്.!!

ആ കഥ ഉപേക്ഷിച്ചിട്ടില്ല, അതിന്റെ കഥ പൂർത്തിയായിട്ടില്ല. ഇനിയും അത് എഴുതാനുണ്ട്, അതിനിടയിൽ ഈ പഴയ കഥ കണ്ടപ്പോൾ ഒന്നു കൂടിഎഡിറ്റു ചെയ്ത് ഇട്ടു എന്ന്‌ മാത്രം.

ചിത്ര,
എല്ലാ മനുഷ്യരിലും നല്ലവരും ചീത്തയും ഉണ്ട് എന്ന്‌ വിശ്വസിക്കുന്നവനാണ് ഞാൻ. പല നാടുകളിലൂടെ പല തരത്തിലുള്ള മനുഷ്യരെ കണ്ടിട്ടുണ്ട്. ഒരാളെ ഒറ്റ നോട്ടത്തിൽ അതിനാൽ തന്നെ മനസിലാകും. പണ്ട് യാഹൂ മെസഞ്ചറിന്റെ കാലം മുതൽ ചാറ്റിങ്ങുണ്ടായിരുന്നു. അതിനാൽ തന്നെ അപ്പുറത്തിരിക്കുന്ന അണോമിനസ് ആയുള്ള ആളെ എങ്ങിനെ ഹാൻഡിൽ ചെയ്യാം എന്ന്‌ നന്നായി അറിയാം. ഈ അകൗണ്ടോ, പേരോ, ജാതിയോ, മതമോ ഒന്നും എന്റേതല്ലാ എന്ന്‌ ഊഹിക്കാമല്ലോ? ജീവിതത്തിൽ തന്നെ നിരവധി പെണ്ണുങ്ങളുമായി ബന്ധമുണ്ടായിരുന്നതിനാൽ ഒരു ഇമയനങ്ങുന്ന ചലനം മതി ആളെ മനസിലാക്കാൻ. കൊല്ലക്കുടിലിൽ സൂചി വിൽക്കേണ്ടാ എന്നോ; പി.സി.ജോർജിനെ തെറി പറയാൻ പഠിപ്പിക്കേണ്ട എന്നോ പറയേണ്ടി വരും. ഇമോഷണൽ ഡ്രാമായും വിലപ്പോവില്ല, എന്റെ കഥകളിൽ അതുണ്ടായിരിക്കാം. ഈ കാണുന്നതെല്ലാം പൊയ്, ഇനി കാണാനിരിക്കുന്നത്?  ........................ നിജം. ഈ കഥയെഴുതുന്ന സോജൻ തോമസ് ഒരു ഐഡന്റിറ്റി മാത്രമാണ്. അങ്ങിനൊരാളെ നിങ്ങൾക്ക് ഒരിടത്തും കണ്ടെത്താൻ ആകില്ല. അയാളുടെ പേർസണാലിറ്റിയും ഒർജിനലല്ല മരിച്ചു പോയ ഒരാളുടെ കടമെടുത്തത് എന്നും പറയാം. നിങ്ങൾ കുഴപ്പക്കാരനാണെങ്കിലും എനിക്ക് പ്രശ്നമൊന്നും ഇല്ല, എനിക്ക് കുഴപ്പം വരാതെ നോക്കാൻ നന്നായി അറിയാം, നിങ്ങൾ സ്വയം സൂക്ഷിച്ചാൽ നന്ന്‌. എല്ലാ തട്ടിപ്പും, എല്ലാ കാലവും, എല്ലായിടത്തും വിജയിക്കില്ല. അത് നന്നായി ഓർമ്മയിൽ ഇരിക്കട്ടെ.