Chapter Title : ഹാർട്ട് അറ്റാക്ക് 2 [കബനീനാഥ്] [climax]

നിരക്കിയതും വാതിൽ പുറത്തു നിന്നും തള്ളി , പ്രഭ അകത്തേക്ക് കയറി വന്നു…

ശ്യാമിനെ മറികടന്ന് സോഫയിൽ ഭയന്നു ചുരുണ്ടിരുന്ന ലയയെ ടീച്ചർ വലിച്ചെഴുന്നേൽപ്പിച്ചു…

കവിളടക്കം ഒരടി കിട്ടി ലയ , ഒന്നു വേച്ചു…

ലയയുടെ കൈ പിടിച്ചു വലിച്ചു കൊണ്ട് , ടീച്ചർ ശ്യാമിന്റെ മുന്നിലെത്തി നിന്നു…

“”നീ… നീ ഇവിടെ തന്നെ കാണണം… മാഷ് ഇപ്പോഴെത്തും………. “

ടീച്ചർ ലയയേയും വലിച്ചുകൊണ്ട് വാതിൽ കടന്നു… ….

😮‍💨   😮‍💨  😮‍💨   😮‍💨

കൈകളിൽ കോർത്തു കിടക്കുന്ന ചന്ദ്രദാസിന്റെ മൃതശരീരവുമായി, ശ്യാം അര നിമിഷം പകച്ചു നിന്നു…

എല്ലാം തകർന്നു… ….

ലയ ഓടിക്കയറിയ വാതിലിലേക്ക് , ഭ്രാന്തനേപ്പോലെ ഒന്നു നോക്കിയതും താഴെ പാദപതനം ശ്യാം കേട്ടു…

ബോഡി അവിടെയിട്ട് രക്ഷപ്പെട്ടാലോ എന്നവൻ ഒരു നൊടി ചിന്തിച്ചു……

തന്റെയും ലയയുടെയും ഫിംഗർപ്രിന്റുകൾ… ….? ? ?

താനും ഒരാവശ്യവുമില്ലാതെ ഇതിൽ കുടുങ്ങിയിരിക്കുന്നു…

ഒരിടി കൂടി കാതടിപ്പിക്കുന്ന ശബ്ദത്തിൽ വെട്ടി…

അവർ സ്റ്റെപ്പുകൾ വേഗത്തിൽ കയറി വരുന്ന ശബ്ദം കേട്ടു…

സമയമില്ല… !

വേഗം… ….!

വേഗം……….!

അവന്റെ ഉള്ളിൽ നിന്നാരോ അലറി വിളിച്ചു കഴിഞ്ഞിരുന്നു…

ലൈറ്റ് ഹൗസിലെ പ്രകാശം ചുറ്റിത്തിരിയുന്നതു പോലെ അവന്റെ മിഴികൾ ഒന്നു പരതി…

എന്ത് വഴി… ….?

താഴെ പടികൾ… ….

ഒന്ന് ലയയുടെ ഫ്ളാറ്റ്…

മറ്റേത്……….?

നൊടിയിടയിൽ ശ്യാം ബോഡി വരാന്തയിലൂടെ വലിച്ചിഴച്ചു കൊണ്ട് തന്റെ ഫ്ളാറ്റിന്റെ ഡോർ ചവിട്ടിത്തുറന്നു…

ബോഡിയുടെ കാലുകൾ ഹാളിലേക്ക് നിരങ്ങിക്കയറിയതും ലാൻഡിംഗിൽ സംസാരം കേട്ടു…

ജസ്റ്റ് എസ്കേപ്പ്ഡ്…….....!!!

ചുവരിലേക്കു ചാരി ശ്യാം മിഴികളടച്ചു കിതച്ചു……….