Chapter Title : ഹരികാണ്ഡം 1 [സീയാൻ രവി]

കുട്ടികളും. നിർമല ചേച്ചിയെ ഒരു മിന്നായം പോലെ കണ്ടു, കൈവീശിക്കാണിച്ചു. ഇരുട്ടിത്തുടങ്ങിയിരിക്കുന്നു പതിയെ ഇറങ്ങി വീട്ടിലേക്കു നടന്നു. അത്താഴം പുറകിൽ വെച്ചിട്ടുണ്ട്, കമല പോയിക്കാണണം. ചെന്ന്കുളിച്ചു ഭക്ഷണവും കഴിച്ചു കട്ടിലിലേക്കു മറിഞ്ഞു. രാവിലെ ഉണർന്നപ്പോൾ വൈകി, പെട്ടെന്ന് കുളിച്ചു റെഡിയായപ്പോഴേക്കും കമല ഫുഡ് കൊണ്ടുവന്നു. ഒന്ന് കെട്ടിപ്പിടിക്കാൻ നോക്കിയപ്പോൾ കമല കുതറി മാറി. പുറത്തായി മാഷെ, ഇനി നാലഞ്ചു ദിവസത്തേക്ക് തൊടാൻ നിൽക്കണ്ട.

അതൊരു ഊമ്പിയ പരിപാടിയായി. ഞാൻ ഭക്ഷണവും കഴിച്ചു സ്കൂളിലേക്കിറങ്ങി. രാവിലെ തന്നെ ആലീസിനെ കാണാൻ പോകാൻ ഒരു കാരണമില്ല ചുമ്മാ കടയിൽ ചെന്ന് കയറാൻ പറ്റില്ലല്ലോ. നേരെ സ്കൂളിലേക്ക് പോയി. വനജ വന്നിട്ടില്ല, എല്ലാവരോടും കുശലം പറഞ്ഞു സീറ്റിലേക്കിരുന്നു. കുട്ടികൾ രാവിലെ തന്നെ ഹോംവർക് കൊണ്ട് വെച്ചിട്ടുണ്ട്. ഓരോന്നായി നോക്കിത്തുടങ്ങി. വകതിരിവുള്ള കുട്ടികൾ കുറവാണെന്നു തോന്നി, ഒന്നു രണ്ടു ടെസ്റ്റ് പേപ്പർ നടത്തി നോക്കാം. ബെല്ലടിച്ചു, ഒന്നാമത്തെ പീരീഡ് ഫ്രീ ആണെനിക്ക്. വനജ ഇനിയും വന്നിട്ടില്ല, അവളുടെ ക്ലാസ്സിലേക്കൊന്നു പോകാമോ എന്ന് ശാന്ത ടീച്ചർ ചോദിച്ചു. അവരാണ് ശെരിക്കും ഹെഡ്മാസ്റ്ററിൻ്റെ പണി ഒക്കെ എടുക്കുന്നത്. ഞാൻ തലകുലുക്കി ക്ലാസ്സിലേക്ക് നടന്നു. ഉച്ചവരെ നാലുപിരീഡും പഠിപ്പിക്കേണ്ടി വന്നു. തൊണ്ടയിലെ വെള്ളം പറ്റാറായി, ഉച്ചയൂണിൻ്റെ ബെൽ അടിച്ചു. സ്റ്റാഫ് റൂമിൽ ചെന്നപ്പോ വനജ വന്നിട്ടുണ്ട്. കൊച്ചിന് സുഖമില്ലത്രേ, ഉച്ച കഴിഞ്ഞവൾ പോയി, എനിക്കൊരു അധിക ക്ലാസ് കൂടി, ഇന്ന് എല്ലാ പിരീഡും പഠിപ്പിക്കേണ്ടി വന്നു. അല്പം താമസിച്ചാണ് സ്കൂളിൽ നിന്നിറങ്ങിയത്, ഹെഡ്മാസ്റ്ററിൻ്റെ റൂമിൽ ആളുണ്ടെന്ന് തോന്നി, സാർ പോരുന്നുണ്ടോ എന്നൊന്ന് ചോദിച്ചേക്കാമെന്നു തോന്നി അങ്ങോട്ട് നടന്നു.