Chapter Title : ഹരികാണ്ഡം 5 [സീയാൻ രവി]

ഇഷ്ടപ്പെട്ടു എന്ന് തോന്നി. വലിയ കുഴപ്പമില്ലാതെ പറഞ്ഞതൊക്കെ അവർ അംഗീകരിച്ചു. ഒരു ബാനർ എഴുതി സ്കൂൾ ഗേറ്റിൽ തൂക്കാനും പറഞ്ഞു. അതൊരു നല്ല ഐഡിയ ആയിത്തോന്നിയതു കൊണ്ട് ചെയ്യാമെന്നേറ്റു. പിന്നെ ഒരു PTA മീറ്റിംഗ് വിളിച്ച് കുട്ടികളുടെ മാതാപിതാക്കളോട് ശ്രമദാനം ആയി സഹായത്തിനു വരാൻ പറയണമെന്നും പറഞ്ഞു. വൈകിട്ട് സോമൻ സാറിനെ കണ്ട് കാര്യങ്ങളൊക്കെ പറഞ്ഞു, ബാനറിന് സാർ ആരെയോ ഏർപ്പാടാക്കാം എന്നേറ്റു. PTA മീറ്റിംഗ് വെള്ളിയാഴ്ച വിളിക്കാൻ തീരുമാനിച്ചു. കാര്യങ്ങളൊക്കെ എടുപിടീന്ന് റെഡിയായി. PTA മീറ്റിംഗ് കഴിഞ്ഞു. അത്യാവശ്യം ആളുകളൊക്കെ ഉണ്ടാകുമെന്ന് തോന്നി. അങ്ങിനെ വലിയ കുഴപ്പമില്ലാതെ ഒരുക്കങ്ങളൊക്കെ റെഡി. അടുത്ത ആഴ്ച മുതൽ പരീക്ഷ ആണ്, ഒരാഴ്ച കഴിഞ്ഞാൽ വക്കേഷൻ തുടങ്ങുവായി. ബാനർ റെഡിയായി വന്നു, രക്ഷാധികാരിയായി വസുമതി ടീച്ചറിൻ്റെ പേര് വെക്കാൻ മറന്നില്ല. അത് കണ്ടപ്പോൾ ആ മുഖം ഒന്ന് തെളിഞ്ഞെന്ന് തോന്നി. രാജപ്പനെയും കൂട്ടി സ്കൂൾ ഗേറ്റിൻ്റെ സൈഡിൽ വലിച്ചു കെട്ടിച്ചു. എല്ലാ ദിവസങ്ങളുമുള്ള പിരിവും പിന്നെ ക്യാമ്പിനുള്ള ഒരുക്കങ്ങളുമായി ആഴ്ച പെട്ടെന്ന് കടന്നു പോയി. അടുത്തയാഴ്ച വലിയ തിരക്കില്ല, പരീക്ഷ ഡ്യൂട്ടി ഉണ്ട് എല്ലാ ദിവസവും. പിരിവിനി സ്കൂൾ തുറന്നിട്ട മതിയെന്ന് ധാരണയായി. വീട്ടിൽ എത്തുമ്പോൾ വൈകിയിരുന്നു, മുകളിലേക്ക് പോയില്ല, താഴെ തന്നെ ഇരുന്ന് ചായ കുടിച്ചു. അഞ്ജനയാണിപ്പോൾ എനിക്ക് ചായ ഒക്കെ എടുത്തു തരുന്നത്. ചേച്ചി കൂടെയിരുന്ന് ചായ കുടിച്ചു.

ഇവളുടെ കല്യാണം എന്നത്തേക്കാ ചേച്ചി, വെറുതെ ചോദിച്ചു. മാർച്ചിലേക്കടാ മുഹൂർത്തം വന്നിരിക്കുന്നെ. ഇവളെന്താ വീട്ടിൽ പോകാത്തത്, എന്നിട്ട് വേണം നമുക്കൊന്ന് ശെരിക്ക് കൂടാൻ, എത്ര ദിവസമായി, ഞാൻ മനസ്സിൽ തോന്നിയത് പറഞ്ഞു. ഇവളിനി കല്യാണമായിട്ടേ പോകുന്നുള്ളൂ കണ്ണാ, അവൾ അടുത്തില്ല എന്നുറപ്പാക്കി ചേച്ചി പറഞ്ഞു. അവളുടെ വീടിൻ്റെ അടുത്തൊരുത്തൻ ഉണ്ട്, വലിയ ശല്യമാ ഇവൾക്ക്. ഇവളെ കല്യാണം കഴിക്കണം എന്നും പറഞ്ഞ് ബഹളമാ, അത് ഇവൾക്കാണെ ഇഷ്ടമല്ല താനും. ആർക്കും ഇഷ്ടമല്ല കേട്ടോ, ഒരു താന്തോന്നി. കൈയിൽ കാശുണ്ടെന്നേ ഉള്ളൂ, തനി പോക്കിരി. കള്ളും കുടിച്ചും കൊണ്ട് നാട്ടിൽ നടപ്പാണ് പണി. അപ്പോപ്പിന്നെ ഞാനാ പറഞ്ഞെ, കല്യാണം ആകുന്നവരെ