Chapter Title : ഹരികാണ്ഡം 6 [സീയാൻ രവി]

നേരം ഇരുന്നു, നന്നായി ഇരുട്ടിയപ്പോൾ വീട്ടിലേക്ക് നടന്നു. ആരെയും കണ്ടില്ല, അകത്തു കയറി ഒന്ന് കുളിച്ചു. വിശന്നു തുടങ്ങിയിരിക്കുന്നു, താഴെയാണേൽ വിരുന്ന് കാരുണ്ടല്ലോ, നമ്മുടെ കാര്യം ചേച്ചി മറന്നു കാണുമോ എന്നൊക്കെ ചിന്തകൾ കാട് കയറാൻ തുടങ്ങിയപ്പോൾ പുറത്തിറങ്ങി ഒരു സിഗരെറ്റിനു തീ കൊടുത്തു. പുകയെടുത്ത സന്തോഷത്തിൽ വീണ്ടും സോഫയിലേക്ക് വീണു, അല്പം കഴിഞ്ഞപ്പോൾ ആരോ കതകിൽ തട്ടിയപോലെ, നോക്കിയപ്പോൾ അഞ്ജനയാണ്, എന്താ പെണ്ണേ, അവളുടെ കണ്ണുകൾ പെട്ടെന്ന് നിറഞ്ഞ പോലെ തോന്നി. ഞാൻ കണ്ടെന്നു തോന്നിയപ്പോഴാകണം അവൾ തിരിഞ്ഞ് നടന്നു കൊണ്ട് പറഞ്ഞു, ഉണ്ണാൻ വരാൻ പറഞ്ഞു അമ്മായി, ഞാൻ എന്തെങ്കിലും പറയുന്നതിന് മുമ്പേ അവൾ നടന്നു നീങ്ങി. എന്തോ ഒരു വിഷമം മനസ്സിൽ, കല്യാണം ഉറപ്പിച്ച പെണ്ണിനെ പ്രേമിക്കുന്നത് ഒരു ആഗോള വഞ്ചനയാകും എന്ന് മനസ് വീണ്ടും വീണ്ടും ഓര്മിപ്പിച്ചപ്പോൾ വിഷമം അല്പം കുറവുള്ള പോലെ, എന്തായാലും താഴെപ്പോയി ഉണ്ട് വന്നു. ഉറക്കമെഴുന്നേറ്റപ്പോൾ വൈകി, ശെനിയാഴ്ച അല്ലേ, അങ്ങിനെ മടി പിടിച്ചിരുന്നു. ബ്രേക്ക് ഫാസ്റ്റ് കഴിക്കാൻ പോയില്ല, ചേച്ചി വിളിച്ചപ്പോൾ ചായ കൊടുത്തുവിട്ടാൽ മതി എന്നും പറഞ്ഞ് ഒന്നുകൂടി കിടന്നു. അല്പം കഴിഞ്ഞപ്പോൾ കമല ചായ കൊണ്ട് വന്നു. വന്നതും എന്നെ കെട്ടിപ്പിടിച്ചിട്ട് ചോദിച്ചു, ചേച്ചിയെ വളച്ചല്ലേ മാഷേ, മിടുക്കൻ, എൻ്റെ സഹായം വേണ്ടി വന്നില്ലല്ലോ. ഞാൻ അങ്ങിനെ ഒന്നുമില്ലെന്ന ഒരു മുഖഭാവം വരുത്തി നിഷ്കളങ്കനാകാൻ ശ്രമിച്ചു. ഇന്നലെ തേങ്ങ എടുക്കാൻ പോകാൻ വെകിളി കാണിച്ചപ്പോളേ എനിക്ക് സംശയമായതാ, പുറകെ വന്നു നോക്കണമെന്ന് ഉണ്ടായിരുന്നു, പിന്നെ വേണ്ടെന്ന് വെച്ചു. ചേച്ചി തിരികെ വന്നപ്പോ നിൻ്റെ