Chapter Title : ഹിതയുടെ കന്നംതിരിവുകൾ 3 [സിമോണ]

ഭാര്യയ്ക്ക്, അല്ലേലും ഗസ്റ്റുകളുടെ മുന്നിൽ നൈറ്റിയും ഇട്ടു നടക്കാനാ എന്നും യോഗം..." നിമിഷനേരം കൊണ്ട് സെന്റിയടിച്ച് മുഖം കനപ്പിച്ച് കണ്ണിറുക്കി ചുവപ്പിച്ച് ഞാൻ കണ്ണീരു വരുത്തി...

"......അയ്യോ.. എന്റെ കുഞ്ഞുമോളേ.. സോറീഡീ... അച്ചായന്റെ കുഞ്ഞല്ലേ.. നീ ഇച്ചായനോട് ക്ഷമിക്കില്ലെടി.." എന്റെ താടിക്കു നേരെ നീണ്ട ഇച്ചായന്റെ ഇടം കൈ നിഷ്കരുണം തട്ടിത്തെറിപ്പിച്ച് ഞാൻ തല തിരിച്ചു..

"......ങ്‌ഹും!!!... ഒന്നും പറയണ്ട.. ഇച്ചായൻ ഒരക്ഷരം പറയണ്ട.. ഇച്ചായൻ ഫിറ്റാ.. എന്റെ സാരി നശിപ്പിച്ചു.. ഇനിം മിണ്ടിയാൽ ഞാൻ തുണിയില്ലാണ്ട് നടക്കും... പറഞ്ഞില്ലെന്നു വേണ്ട..." മുഖം കനപ്പിച്ച് ബോംബ് പോലാക്കി ഞാൻ പുറംതിരിഞ്ഞുനിന്നു..

"......എന്റെ കുഞ്ഞുമോളേ... നീ ഇച്ചായനോട് ക്ഷമിക്കെടി... എടി, നീ ഇച്ചായനോട് ക്ഷമിചില്ലേൽ പിന്നെ ഇച്ചായനെന്നാത്തിനാടി ജീവിച്ചിരിക്കുന്നെ.

അല്ലേൽ വേണ്ട!!.. എന്റെ കുഞ്ഞുമോള് ക്ഷമിക്കണ്ട!!.. ഇച്ചായൻ കള്ളുകുടിച്ചു മരിക്കാൻ പോവാ... എല്ലാം അവസാനിക്കട്ടെ... ആ കള്ളു മുഴുവൻ കുടിച്ച് ഇന്നത്തോടെ കുഞ്ഞുമോൾടെ ഇച്ചായൻ തീരട്ടെ..."

പറച്ചിലും, കർട്ടനിൽ തൂങ്ങി ഒറ്റ നടത്തവും... കഴിഞ്ഞു!!!... നല്ല ബെസ്റ്റ് കെട്ട്യോൻ.... ആ കുപ്പി ഇപ്പം തീരും...

എന്തായാലും സംഗതി ഏറ്റു... നമ്മടെ കാര്യം നടന്നല്ലോ... എന്റെ പെര്ഫോമസ് കണ്ട് ചിരിയമർത്തിയിരുന്നിരുന്ന വില്യത്തെ നോക്കി കണ്ണിറുക്കിക്കൊണ്ട് ഞാൻ ബെഡ്റൂമിലേക്ക് ചെന്നു..

കൂർക്കം വലി ഗ്രാൻഡ് സ്ലാം സിംഗ്ൾസിൽ, മാറി മാറി സ്മാഷുകൾ കൈമാറിക്കൊണ്ട് മുന്നേറിക്കൊണ്ടിരുന്ന കുഞ്ഞാനകളെ ഉണർത്താതെ, മെല്ലെ കബോർഡ് തുറന്ന്, എന്റെ കണങ്കാൽ ഇറക്കമുള്ള ഇളംനീല സാറ്റിൻ നൈറ്റി ഞാൻ വലിച്ചെടുത്തു..

ഇത് മതിയാവും... ഇതാവുമ്പം ഓർണമെന്റ്സിനോട് മാച്ചായിരിക്കുകേം, അകത്തുള്ളതൊക്കെ കാണിക്കാതെ കാണിക്കുകേം ചെയ്തോളും.. അല്ലേൽ പിന്നെ വളയും മാലയും