Chapter Title : ഹൃദയം തിരഞ്ഞ സ്വപ്നങ്ങൾ 5 [സ്പൾബർ]

“” അത് വേണോടീ..?..

നിനക്കത് ബുദ്ധിമുട്ടാവും…””..

അവളുടെ വീട്ടിലേക്ക് പോവാൻ സേതൂന് താൽപര്യമില്ലായിരുന്നു…

“” ഒരു ബുദ്ധിമുട്ടുമില്ല… ഉണ്ടെങ്കിൽ തന്നെ ഞാനത് സഹിച്ചു… അതേ പറ്റി നീ കൂടുതലൊന്നും പറയണ്ട… നമുക്കിപ്പോ ഭക്ഷണം കഴിക്കാം… അമ്മ തന്ന് വിട്ട പൊതിച്ചോറുണ്ട്…””..

ശോഭ എഴുന്നേറ്റ് ബാഗിൽ നിന്നും ചോറ് പൊതിയെടുത്ത് പ്ലേറ്റിലേക്ക് വിളമ്പി.. വീട്ടിലുണ്ടാക്കിയ ഭക്ഷണത്തിന്റെ കൊതിയൂറും ഗന്ധം സേതു ആസ്വതിച്ച് മണത്തു.

വീട്ടിലെ ഭക്ഷണമൊക്കെ അവൻ കഴിച്ചിട്ട് വർഷങ്ങളായിരുന്നു..

ശോഭ ചോറ് വിളമ്പിയ പ്ലേറ്റുമായി ബെഡിൽ വന്നിരുന്നു.. ഒരുരുള ചോറുരുട്ടി സേതുവിന്റെ വായിലേക്ക് നീട്ടി..

“” എടീ… എനിക്ക് കാലിനാ കുഴപ്പം… കൈക്കല്ല… ഇങ്ങ്‌ തന്നേര്… ഞാനൊറ്റക്ക് കഴിച്ചോളാം…””..

അവൾ വാരിത്തരുന്നത് കണ്ട് സേതു പറഞ്ഞു..

“” കുഴപ്പം കയ്യിനായാലും കാലിനായാലും ഞാൻ വാരിത്തരും… നീയങ്ങ് കഴിച്ചാ മതി…””..

വേറെ നിവൃത്തിയില്ലാതെ സേതു വാ തുറന്നു…ശോഭ ഓരോ ഉരുളയാക്കി അവന്റെ വായിലേക്ക് വെച്ച് കൊടുത്തു…

സേതു ആസ്വതിച്ച് കഴിച്ചു..

“” നീ കഴിക്കുന്നില്ലേടീ..?”..

ഒരിറക്ക് വെള്ളം കുടിച്ച് സേതു ചോദിച്ചു…

“” അതിന് നമുക്ക് വാരിത്തരാനൊന്നും ആരുമില്ലല്ലോ…””..

സേതു സ്വന്തം തലക്കിട്ട്‌ ഒന്ന് കിഴുക്കി.. ഞാനൊരു പൂറൻ തന്നെ.. അവളുടെ മനസ് മനസിലാക്കാൻ പറ്റിയില്ലല്ലോ…

അവൻ ചിരിയോടെ ചോറ് വാരി ശോഭക്ക് നേരെ നീട്ടി..അവൾ സന്തോഷത്തോടെ വാ തുറന്നു..

ഒരാൾക്കുള്ള ചോറ് രണ്ടാളും കൂടി ആസ്വതിച്ച് കഴിച്ചു.. വയറ് നിറഞ്ഞില്ലെങ്കിലും അവരുടെ മനസ് നിറഞ്ഞിരുന്നു…

ശോഭയവനെകൈ കഴുകിച്ച് മരുന്നും കൊടുത്ത് ബെഡിലേക്ക് കിടത്തി.. പ്ലേറ്റെല്ലാം കഴുകി വെച്ച് അവളും ബെഡിലേക്ക് കയറി.. മലർന്ന് കിടക്കുന്ന സേതൂനെ കെട്ടിപ്പിച്ച് ശോഭയും കിടന്നു..

“” ഇനി കുറച്ച് നേരം ഉറങ്ങിക്കോട്ടോ സേതൂ… കുരുത്തക്കേടൊന്നും കാണിക്കരുത്… “..

അവന്റെ കവിളിൽ ഒരുമ്മ കൊടുത്ത് അവന്റെ നെഞ്ചിൽ ശോഭ മുഖം പൂഴ്ത്തി.. സേതൂന് ചരിഞ്ഞ് കിടക്കാൻ പറ്റാത്തത് കൊണ്ട് അവന് ശരിക്കവളെ കെട്ടിപ്പിടിക്കാൻ പറ്റിയില്ല..അവളുടെ കഴുത്തിലൂടെ ചുറ്റിപ്പിടിച്ച് സേതു അവളെ നെഞ്ചോട് ചേർത്തു..

നല്ലൊരുറക്കം കഴിഞ്ഞ് നാല് മണിയോടെയാണ് ശോഭ ഉണർന്നത്..അവൾ സേതൂന്റെ നെഞ്ചിൽ ചൂട് പറ്റി പതുങ്ങിക്കിടക്കുകയായിരുന്നു.. അവൾ തലയുയർത്തി സേതൂനെ നോക്കി..