Chapter Title : ഇളക്കങ്ങൾ [ANA]

അടുത്തുചെന്ന് രണ്ടു പേരെയും വീട്ടിൽ നിന്ന് ചവിട്ടി പുറത്താക്കണമെന്ന് ചിന്തിച്ചതാണ് പക്ഷെ ഭാര്യയോടുള്ള അമിത സ്നേഹം കൊണ്ട് തനിക്കതിന് കഴിഞ്ഞില്ല. ഒരു പക്ഷെ തനിക്കവളെ നഷ്ടപ്പെട്ടാലോ എന്ന പേടിയായിരുന്നു മനസ്സിൽ.

പള്ളിയിൽ നിന്നും വന്ന് കാപ്പി കുടി കഴിഞ്ഞാൽ ഉച്ച ഭക്ഷണം കഴിക്കുന്നത് വരെ അടുക്കളയിൽ തന്നെ ചുറ്റിപറ്റി നിൽക്കാറുള്ള അച്ചായൻ നേരം കുറെയായി എന്തോ ആലോചിച്ച് ഒരേ ഇരിപ്പിരിക്കുന്നതവൾ കണ്ടു. എന്താണ് കാരണം? അവളുടെ ഉള്ളിൽ തീയാളി. തങ്ങളുടെ കളിക്കിടയിൽ അച്ചായനെങ്ങാനും വന്നോ? ഏയ് ഇല്ല. അങ്ങനെയെങ്കിൽ കാറിൻ്റെ സൌണ്ട് കേൾക്കാതിരിക്കില്ല. ഈ ഇരിപ്പ് ഒരിക്കലും പതിവില്ലാത്തതാണ്. ചോദിക്കാനാണെങ്കിൽ അവൾക്ക് മുൻപില്ലാത്ത വിധം ഒരു പേടി തോന്നി. ഉച്ചഭക്ഷണം കഴിക്കാൻ വിളിച്ചപ്പോൾ വേഗം എഴുന്നേറ്റു വന്നു താൻ ഇരിക്കുന്നുണ്ടോ എന്നു പോലും നോക്കാതെ തല കുനിച്ചിരുന്ന് ഭക്ഷണം കഴിച്ചു തുടങ്ങി.

ഇതല്ല പതിവ്, രണ്ടു പേരും ഒരുമിച്ചിരുന്ന് തമാശകൾ പറഞ്ഞ് പരസ്പരം അങ്ങോട്ടുമിങ്ങോട്ടും വായിൽ വെച്ചു കൊടുത്താണ് കഴിക്കാറ്. സൂസനും ഒപ്പം നീറുകയായിരുന്നു. ചോദിക്കാൻ കുറ്റബോധം കൊണ്ടൊരു പേടി. എന്താ അച്ചായാ വന്നപ്പോൾ മുതൽ എന്തോ വിഷമമുള്ളതുപോലെ? അവൾ രണ്ടും കൽപ്പിച്ച് ചോദിച്ചു. ഒന്നുമില്ല നിനക്ക് തോന്നുന്നതാണ് എന്നു പറഞ്ഞ് പെട്ടന്ന് ഏഴുന്നേറ്റു പോയി. അവൾക്കത് കണ്ട് സഹിക്കാനായില്ല. അവളവിടെ ഇരുന്ന് കരഞ്ഞു. അച്ചായൻ ഭക്ഷണം ഒന്നും കഴിച്ചില്ലല്ലോ എന്നോർത്തവളുടെ മനസ്സുനീറി. ഭക്ഷണം കഴിഞ്ഞാലുടൻ ഞായറാഴ്ചകളിലുള്ള ഉച്ച ഉറക്കത്തിനു ബെഡ് റൂമിലേക്ക് പോകാറുള്ള അച്ചായൻ നേരെ സിറ്റൗട്ടിലേക്ക് തന്നെ പോകുന്നതവൾ കണ്ടു.

നോക്കുമ്പോൾ സിറ്റൗട്ടിലെ ജനലക്കരികിൽ പുറത്തേക്ക് നോക്കി നിൽക്കുന്നത് കണ്ടു. പാത്രങ്ങളെല്ലാം കഴുകി അടുക്കള