Chapter Title : ഇന്നലകളിൽ ഇറങ്ങിയ ഹിബ [ഫ്ലോക്കി കട്ടേക്കാട്]

അതായത് കല്യാണ നിശ്ചയ ദിവസം. ഹിബ നേരത്തെ എഴുന്നേറ്റു എനിക്കുള്ള പ്രാതൽ ഉണ്ടാക്കി തന്നു. 11 മണിക്കാണ് പരിപാടി. ഞാൻ ഇന്ന് വരെ ഇവരുടെ ഒരു പരിപാടിയും കണ്ടിട്ടില്ല അവിടെ എങ്ങനെ ഉണ്ടാകും എന്നൊന്നും എനിക്കറിയില്ല. രാവിലെ സ്റ്റേഷനിൽ പോയി അവിടെ കുറച്ചു കേസുകൾ ഒക്കെ നോക്കി.. 11:30 ആകുമ്പോഴേക്കും തിരിച്ചു ഇവിടെ വരാം . ഇന്നലെ രാത്രി നടന്ന കാര്യങ്ങൾ ഞാൻ ഒന്ന് കൂടി ആലോചിച്ചു. എങ്ങനെ ഹിബ?? 11 ആയപ്പോഴേക്കും ഹിബയുടെ മെസ്സേജ് വന്നു “ഇങ്ങള് വരൂലേ, ഞാൻ അവടെ പോവാണേ” “ഓക്കേ മോളെ, ഞാൻ വന്നോളാം” ഏകദേശം പതിനൊന്നര ആകാറായി. ഹിബ എന്നെ ഫോണിൽ വിളിച്ചു ഞാൻ : ഹലോ പറയ് മോളെ ഹിബ : ഇങ്ങളിത് എവിടാ… ഇവിടെ തുടങ്ങാറായി. ഞാൻ : ഞാൻ ഇതാ വരുന്നു… നിന്നെ പോലെ വെറുതെ ഇരിക്കല്ലടോ പണി ഉണ്ടായിരുന്നു.

ഹിബ : വല്ല്യ പണിക്കാരൻ…. വേഗം വാ എനിക്കൊന്നും മനസ്സിലാകുന്നില്ല. ഇവളെന്തിനാ വീണ്ടും വീണ്ടും വിളിച്ചു എന്നോട് പെട്ടന് അവിടെ എത്താൻ പറയുന്നത് ?. ഞാൻ അവിടെ ഉണ്ടാവണം എന്ന് നിർബന്ധം ഒന്നും ഇല്ലല്ലോ… എന്തായാലും 15 മിനിറ്റോളം എടുത്തു അവിടെ എത്താൻ. ഞാൻ വീട്ടിൽ പോയി ഡ്രസ്സ്‌ എല്ലാം മാറി. സാരീ എടുക്കുന്ന സമയം ഒരു കസവു മുണ്ടും ഷർട്ടും ഞാനും എടുത്തിരുന്നു. അത് തന്നെ എടുത്തിട്ടു. റൂമിൽ നിന്നും ഇറങ്ങിയ ഞാൻ ടേബിളിൽ ഒരു ഗിഫ്റ്റ് ബോക്സ്‌ കണ്ടു. അത്യാവശ്യം വലിയ ഒരു ഗിഫ്റ്റ് ബോക്സ്‌. ചുപ്പും നീലയും കലർന്ന നിറത്തിലുള്ള വർണ കടലാസ് കൊണ്ട് പൊതിഞ്ഞ ആ സമ്മാനപ്പെട്ടിക്ക് മുകളിൽ ഒരു കുറിപ്പ് . “ഫൈസി എല്ലാം എന്നോട് പറഞ്ഞു, ഇതൊഴികെ. നമുക്കൊരുമിച്ചു തുറക്കാം.. രാത്രി വരെ ക്ഷമിക്കുക” എന്റേ മനസ്സ് പല പല കോണുകളിലേക്ക് പാഞ്ഞു ഒരു തരം മരവിപ്പ്. ജീവിതത്തിന്റെ മൂന്നാം ഘട്ടം തീർത്തും ചോദ്യങ്ങൾ കൊണ്ട് നിറയുകയാണ്.ചടങ്ങുകൾ നടക്കുന്ന അവരുടെ വീട്ടിലേക് പോയി. അത്യാവശ്യം ആൾക്കൂട്ടം ഉണ്ട്. ആഗ്രഹാരത്തിലെ ഓരോ വീട്ടിലെയും മുഖ്യ കാരണവന്മാർ മിക്കവരും ഉണ്ട്.