Chapter Title : ഇറച്ചി കോഴികൾ വിൽക്കപ്പെടും [ഉർവശി മനോജ്]

വിദഗ്ധമായി താൻ ഒഴിഞ്ഞു മാറി .. എന്തോ അവനെ കാണുന്നത് ഇപ്പോൾ ഒരു ഭയം ആയി മാറിയിരിക്കുന്നു.

പെട്ടെന്ന് കോളിംഗ് ബെൽ മുഴങ്ങുന്ന ശബ്ദം കേട്ടു ... വാഷിംഗ് മെഷീൻ ഓൺ ആക്കി പുറത്തേക്കു വന്ന് കതക് തുറന്ന് സുമ ഒന്ന് ഞെട്ടി. തൊട്ടു മുന്നിൽ ഷാനവാസ് ...!!

ഒരു സിനിമയിലെന്ന പോലെ തലേ രാത്രിയിലെ കാഴ്ചകൾ സുമയുടെ മുന്നിൽ കൂടി പാഞ്ഞു പോയി. സുമയുടെ മുഖത്തു നിന്നും കാര്യങ്ങൾ വായിച്ചിട്ട് എന്ന പോലെ ഷാനവാസ് പറഞ്ഞു ,

"ഞാൻ ചേച്ചിയെ ഒന്ന് കാണുന്നതിന് വേണ്ടി വന്നതാണ് .. അനന്തു ട്യൂഷന് പോകുന്നതിനു വേണ്ടി കാത്തിരിക്കുകയായിരുന്നു , എനിക്ക് ചേച്ചിയോട് കുറച്ചു കാര്യങ്ങൾ സംസാരിക്കണം എന്നുണ്ടായിരുന്നു "

"ഷാനവാസിന് എന്താണ് പറയാനുള്ളത് എന്ന് വച്ചാൽ പറഞ്ഞോളൂ ..." സ്വരം അല്പം കടുപ്പിച്ച് തന്നെയാണ് സുമ അങ്ങനെ പറഞ്ഞത്.

"എനിക്കറിയാം ചേച്ചിയുടെ മനസ്സിൽ ഇപ്പോൾ ഉമ്മയോടും എന്നോടും ഒക്കെ വെറുപ്പ് ആയിരിക്കുമെന്ന് .. ഉമ്മയുടെ ഇങ്ങനെയൊരു ബന്ധത്തെ ലോകത്ത് ഒരു മകനും ന്യായീകരിക്കില്ല .. വളരെ കുഞ്ഞായിരിക്കുമ്പോൾ എന്നെയും ഉമ്മയേയും ഉപേക്ഷിച്ചു പോയ എന്റെ ബാപ്പയെ നിങ്ങൾക്കറിയാം അതിനു ശേഷം മറ്റൊരു വിവാഹം പോലും കഴിക്കാതെ എന്നെ പൊന്നു പോലെ സംരക്ഷിച്ചു വളർത്തിയ ഉമ്മയെയും നിങ്ങൾക്കറിയാം ... പക്ഷേ ഒരു സ്ത്രീ എന്ന നിലയിൽ ഉമ്മയുടെ മനസ്സ് വഴിവിട്ട് സഞ്ചരിച്ചു തുടങ്ങിയപ്പോഴാണ് ഞാനും വഴി തെറ്റി പോയി തുടങ്ങിയത് "

"ഷാനവാസ് ... എനിക്ക് ആരോടും ഒരു വെറുപ്പുമില്ല ... കോഴി കടയിലെ പയ്യനെ രാത്രിയിൽ ഇവിടെ കാണാതായപ്പോൾ ആ വിവരം റഷീദയോട് ഒന്ന് പറയുന്നതിന് വേണ്ടിയാണ് ഞാൻ അവിടെ വന്നത് , അപ്പോൾ ഒരിക്കലും കാണാൻ പാടില്ലാത്ത കാഴ്ച അവിടെ കണ്ടു .. ആ ഒരു കാര്യം ഞാൻ അപ്പോഴേ മറന്നു , ഞാനായിട്ട് ആരോടും അത് പറയില്ല ... ഷാനവാസ് പൊയ്ക്കോളൂ " മനസ്സ് ഒട്ടും അലിയാത്ത പോലെ സ്വരം കടുപ്പിച്ചു തന്നെ സുമ പറഞ്ഞു.

"എനിക്കറിയാം ചേച്ചി .. ഉമ്മയ്ക്ക് എന്റെ പല കൂട്ടുകാരുമായി പോലും