ഇരട്ടിമധുരം IrattyMadhuram | Author : Nemo

ആദ്യായിട്ട് എഴുതുകയാണ്. എങ്ങനെ വരുമെന്നൊന്നും ഒരു പിടിയുമില്ല. നിങ്ങളുടെ അഭിപ്രായങ്ങൾ അറിയിക്കുമല്ലോ.. ഏറെ പ്രിയപ്പെട്ട, ആരാധിക്കുന്ന സ്മിതാമ്മ, അൻസിയ, മന്ദൻ രാജ, സിമോണ, അച്ചു രാജ് എന്നിവരോട് എന്റെ നന്ദി അറിയിച്ചുകൊള്ളുന്നു. എന്തെങ്കിലുമൊക്കെ ഇവിടെ കുത്തിക്കുറിക്കാൻ എന്നെക്കൊണ്ട് തോന്നിച്ചതിന്.. നിഖിൽ നിന്ന നിൽപ്പിൽ വിയർത്തു കുളിച്ചു. തൊണ്ടയിലെ വെള്ളം വറ്റി. കയ്യും കാലും വിറയ്ക്കുന്നതുപോലെ. നെഞ്ച് പടപടാ അടിയാണ്. എന്താ കാര്യമെന്നല്ലേ? നിസ്സാരം!!! നല്ല ഒന്നാംതരം തേൻ വരിക്കച്ചക്ക നാലെണ്ണം കൊയ്ത്തു വച്ചിട്ടുണ്ട്. അതിൽ ഒരെണ്ണം കുറച്ചപ്പുറത്തെ വീട്ടിൽ കൊണ്ട് കൊടുക്കാൻ മാതാശ്രീ ഉത്തരവിട്ടതാണ്. ഇതിനാണോ ഇജ്ജാതി ബിൽഡ് അപ്പെന്നല്ലേ? സംഗതി കാര്യം വേറെയാണ്. കൊണ്ടുപോവുന്ന സ്ഥലമാണ് വിഷയം: കിഴക്കേടത്ത് വീട്. ചെറിയൊരു ഫ്ലാഷ് ബാക്കുണ്ടേ. വിശദായിട്ടു പറയാം. നമ്മടെ കഥാനായകൻ നിഖിലിന്റെ (അതായത് നാട്ടുകാർ സ്നേഹത്തോടെ കുട്ടൻ, കുട്ടേട്ടൻ, കുട്ടു എന്നൊക്കെ വിളിക്കുന്ന 28 വയസ്സ് തികഞ്ഞ അഞ്ചടി ആറിഞ്ചു പൊക്കം വരുന്ന പാവത്താനും തികഞ്ഞ സൽസ്വഭാവിയും അധ്യാപകനും സർവോപരി പച്ചപ്പാവവുമായ അവിവാഹിതൻ) അച്ഛന്റെ സഹോദരിയുടെ ഭർത്താവിന്റെ അനുജൻ താമസിക്കുന്ന കുടുംബസമേതം വീടാണ് സ്ഥലം. നാട്ടിൽ അവർക്ക് അടുത്ത ബന്ധുക്കൾ വേറെയില്ല. കുടുംബമെന്നു പറഞ്ഞാൽ അങ്ങേരും (രാമകൃഷ്ണൻ) ഭാര്യയും (രമ) പിന്നെ രണ്ടു പെൺമക്കൾ - ഇരട്ടകളാണ്, ശ്യാമ, ശാരി - വയസ്സ് 19, കോളേജ് വിദ്യാർത്‌ഥിനികൾ ഒരാൾ ബി.എ. ഇംഗ്ലീഷ് രണ്ടാം വർഷം, മറ്റെയാൾ ബി.എസ്.സി. ഫിസിക്സ് രണ്ടാം വർഷം, ഒരേ കോളേജിൽ പഠിക്കുന്നു. ഇരട്ടകൾ എന്ന് പറഞ്ഞാൽ പോരാ.. പക്കാ ക്ലോൺ ചെയ്ത പോലെ.