Chapter Title : ഇശലിന്റെ കുളിർക്കാറ്റ് [സ്പൾബർ]

ഹാളിലെത്തിയപ്പഴേ ഉപ്പയും ഉമ്മയും സിറ്റൗട്ടിലിരുന്ന് പത്രം വായിക്കുന്നത് കണ്ടു..അതേകദേശം ഒരു മണിക്കൂർ നീളും.. മക്കളും അവിടെ കളിക്കുന്നുണ്ട്..കബീർ അവരുടെ അടുത്തേക്ക് ചെന്നു..

“ഉമ്മാ… ഞാനിന്ന് കടയിൽ പോകുന്നില്ല… ഇന്നലെ ഉറക്കൊഴിച്ചിട്ടാണെന്ന് തോന്നുന്നു, ഭയങ്കര തലവേദന… മാറിയാ ഉച്ചക്ക് പോകാം…”..

അവശതയഭിനയിച്ച് കബീർ പറഞ്ഞു..

“ എന്നാ പിന്നെ എന്തിനാ കബീറേ എണീറ്റ് പോന്നത്… അവിടെ കിടന്നൂടായിരുന്നോ… ?”..

പത്രത്തിൽ നിന്ന് തലയുയർത്തി ഉമ്മ ചോദിച്ചു..

“എനിക്കൊരു ചായ വേണം ഉമ്മാ… പിന്നെ ഇത്താന്റടുത്ത് തലവേദനക്കുള്ള ഗുളികയുണ്ടോന്ന് ചോദിക്കണം…”..

“എന്നാ ചെല്ല്… അവളടുക്കളയിൽ കാണും… ചായ കുടിച്ചിട്ട് ഒരു ഗുളികയും കഴിക്ക്… മാറിക്കോളും…”..

ഉപ്പ ഒന്നും മിണ്ടാതെ പത്രപാരായണത്തിലാണ്..

“അല്ല മൻഷ്യാ… നമുക്കെന്നാ ഇന്ന് കുഞ്ഞോളുടെ വീട്ടിലൊന്ന് പോയി വന്നാലോ… ?..

ദേ, മോളെ ഹോസ്പിറ്റലിൽ നിന്ന് കൊണ്ടുവന്നിട്ട് ദിവസം കുറച്ചായി… ഇനീം പോകാതിരിക്കുന്നത് മോശാ… ഇന്നേതായാലും കബീർ

വീട്ടിലുണ്ടല്ലോ… “..

ഹുസൈൻ ഹാജി പത്രത്തിൽ നിന്ന് തലയുയർത്തി കെട്ട്യോളെ നോക്കി..പിന്നെ കബീറിനേയും..

കുറേ നാളായി ഇവളുടെ അനിയത്തിയുടെ വീട്ടിലേക്കൊന്ന് പോണം എന്ന് പറയുന്നു.. അവിടെ അനിയത്തിയുടെ മകൾ പ്രസവിച്ച് കിടക്കുകയാണ്.. വീടടച്ചിട്ട് ഹാജി എങ്ങോട്ടും പോവില്ല..നദീറ വരുന്നില്ലെന്ന് ആദ്യമേ പറഞ്ഞതാണ്..

അവളെ തനിച്ചാക്കി പോകാനും ഒരു മടി..ഇന്നിപ്പോ ഇവിടെ കബീറുണ്ടല്ലോ..

“നിനക്ക് ഉച്ചക്ക് കടയിൽ പോണോടാ…?”..

ഹാജി മോനോട് ചോദിച്ചു..

“ അത്… തലവേദന സുഖായാൽ പോണം…”..

“ എന്നാ ഇന്നിനി പോണ്ട… ഞങ്ങള് പോയാ എന്തായാലും തിരിച്ചെത്തുമ്പോ രാത്രിയാവും… നീ ഇന്നിവിടെ വീട്ടിൽ നിൽക്ക്… ചായ കുടി കഴിഞ്ഞിട്ട് പോകാം… അല്ലേടീ… ? “..

അവസരം