Chapter Title : ഇൻസ്റ്റാഗ്രാം ഫോട്ടോഗ്രാഫർ 4 നിവി ഗൗരി 🍑 [ഗില്ലി ബാല]

അവൾ തന്റെ ബാഗ് തുറന്ന് അതിൽ നിന്നും ഒരു ഗുളിക എടുത്തു നിവിയുടെ നേരെ നീട്ടി. "ഇത് കഴിക്ക്. ഗർഭമുണ്ടാകാതിരിക്കാൻ ഉള്ളതാ. അച്ചായൻ നിനക്ക് സുഖം തന്നേക്കും, പക്ഷേ നിന്റെ വയറ്റിൽ ഒന്ന് ഉണ്ടായാൽ അയാൾ നിന്നെ ഏറ്റെടുക്കാനൊന്നും പോകുന്നില്ല. അതുകൊണ്ട് ഇത് ഇപ്പോൾ തന്നെ കഴിച്ചോ," ഗൗരിയുടെ വാക്കുകളിൽ ഒരു മുന്നറിയിപ്പുണ്ടായിരുന്നു. നിവി ഒന്നും മിണ്ടാതെ ആ ഗുളിക വാങ്ങി വെള്ളത്തോടൊപ്പം കഴിച്ചു. പിറ്റേന്ന് ഫോട്ടോ ഷൂട്ടിന്റെ തിരക്കുകളിലായിരുന്നു എല്ലാവരും. ക്യാമറയ്ക്ക് മുന്നിൽ ഗൗരി പതിവുപോലെ സുന്ദരിയായി പോസ് ചെയ്യുമ്പോഴും അച്ചായൻ അവളുടെ അടുത്തു വന്ന് ചെറിയ തമാശകളും സ്പർശനങ്ങളും കൊണ്ട് അവളുടെ പിണക്കം മാറ്റാൻ ശ്രമിക്കുന്നുണ്ടായിരുന്നു. തലേദിവസത്തെ സംഭവത്തിന് ശേഷം ഗൗരി അച്ചായനോട് തീർത്തും പിണക്കത്തിലായിരുന്നു. അവൾ അയാളുടെ മുഖത്തുപോലും നോക്കാതെ ഒഴിഞ്ഞു മാറി നടന്നു. ഇതൊക്കെ കണ്ടിട്ടും താനൊന്നും അറിഞ്ഞില്ല എന്ന ഭാവത്തിൽ നിവി തന്റെ ജോലികളിൽ ശ്രദ്ധിച്ചു. അച്ചായൻ എത്രയൊക്കെ ശ്രമിച്ചിട്ടും ഗൗരിയുടെ പിണക്കം മാറ്റാൻ അയാൾക്ക് കഴിഞ്ഞില്ല. ഒടുവിൽ ഷൂട്ട് ഒക്കെ പൂർത്തിയായ ശേഷം അവർ തിരിച്ച് റിസോർട്ടിലേക്ക് യാത്ര തിരിച്ചു. കാറിലിരിക്കുമ്പോൾ ഗൗരി പുറത്തെ കാഴ്ചകളിലേക്ക് കണ്ണ് നട്ടിരുന്നു. ആരും പരസ്പരം സംസാരിച്ചില്ല. രാത്രിയായി... റിസോർട്ട് മുറിയിലെ ജനാലയ്ക്ക് അപ്പുറം തണുത്ത കാറ്റ് വീശുന്നുണ്ടായിരുന്നു. അച്ചായൻ തന്റെ ബെഡിൽ ഗൗരിയെയും നിവിയെയും കുറിച്ചുള്ള ഓർമ്മകളുമായി കിടന്നു. നിവിയുടെ ആവേശവും ഗൗരിയുടെ പരിഭവവും അയാളുടെ മനസ്സിൽ മാറി മാറി വന്നു. താൻ ചെയ്തത് ശരിയാണോ എന്ന് അയാൾക്ക് തന്നെ ഉറപ്പില്ലായിരുന്നു. പെട്ടെന്നാണ് അയാളുടെ മൊബൈലിൽ ഒരു വാട്സാപ്പ് നോട്ടിഫിക്കേഷൻ വന്നത്.