Chapter Title : ഇടനാഴിയിൽ ഒരു കാലൊച്ച [White Bear]

ടീമിലും പാർട്ടി പ്രവർത്തനവും ഒക്കെയായി തകർക്കുന്ന സമയം..

പ്രണയത്തിനേക്കാൾ സൗഹ്രദത്തിന് വില കൊടുത്തു പൂണ്ടു വിളയാടുന്ന സമയം... ഞങ്ങൾ പത്തു പതിനാല് പേര് ഉണ്ടായിരുന്നു ഗാങ്. എന്തിനും ഏതിനും ഒപ്പം. കോളേജ് നു ഉള്ളിലെ കാട്ടിൽ വെള്ളമടിയും കളിയും തമാശയും ഒക്കെയായി തകർക്കുന്ന കാലം. ബെറ്റ് വെച്ച് കോളേജ് ടൈമിൽ വരാന്തയിലൂടെ സിഗരറ്റു വലിച്ചു ഞങ്ങൾ മൂന്ന് പേര് നടന്നത് ഇന്നലെ എന്ന പോലെ ഓർക്കുന്നു...

കോളേജ് വിട്ടാലും ഞങ്ങൾ പിരിയുമ്പോ അഞ്ചര ആറു കഴിയും...കാവ്യാ മാധവൻ തടിച്ചു ഗുണ്ടു ആയി വരുന്ന കാലം... ഇത് എന്താ എന്നല്ലേ വഴിയേ പറയാം..

അങ്ങനെ ഒരു ദിവസം രാവിലെ നേരത്തെ വന്നു വരാന്തയിൽ വർത്താനം പറഞ്ഞു ഇരിക്കുമ്പോ ആണ് ലേഡീസ് ഹോസ്റ്റലിന്റെ സൈഡിലുള്ള വഴിയിലൂടെ ഒരു പെൺകുട്ടി നടന്നു വരുന്നത് ശ്രദ്ധയിൽ പെട്ടത്... ശരിക്കും ആക്കാലത്തെ കാവ്യാ മാധവൻ ലുക്ക്‌.. നേരെ വരാന്തയിൽ കേറി ഞങ്ങളുടെ പിന്നിലൂടെ നടന്നു പോയി.. ഞാൻ അറിയാതെ ശ്രദ്ധിച്ചു പോകുന്നത് ഫിസിക്സ് ഡിപ്പാർട്മെന്റ് ലേക്കാണ്.. കണ്ണിൽ നിന്ന് മറയുന്നത് വരെ ഞാൻ ശ്രദ്ധിച്ചു...

പിന്നീടുള്ള ദിവസങ്ങളിൽ ഇത് പതിവായി.. എപ്പോഴും പുഞ്ചിരിക്കുന്ന മുഖം.. പിന്നെ പിന്നെ രാവിലെ മാത്രമല്ല ഉച്ചക്കും ക്ലാസ്സ്‌ വിട്ട് വൈകുനേരവും ഞാൻ ശ്രദ്ധിക്കാൻ തുടങ്ങി.. കാണുമ്പോൾ മനസ്സിൽ കുളിരു കോരും.. ഹോസ്റ്റലിൽ ആണ് എന്നും ഇടക്ക് മനസ്സിയിലാക്കിയിരുന്നു...

ആയിടക്കാണ് ഒരു വ്യാഴാഴ്ച  അപ്രതീക്ഷിതമായി കോളേജിൽ സമരം വന്നത്... വെള്ളിയാഴ്ചകോളേജ് പൊതു അവധി ആണ്.. ഇന്ന് വിട്ടാൽ പിന്നെ തിങ്കളാഴ്ച ഒള്ളൂ ക്ലാസ്.. നാല് ദിവസം അടുപ്പിച്ചു അവധി... അതെ ദിവസം തന്നെ ഒറ്റപ്പാലത്തു ബസ്കാരും ചുമട്ടു തൊഴിലാളികളും തമ്മിൽ അടി നടന്നു ഒറ്റപ്പാലത്തു ബസ് സ്ട്രൈക്കും... ജീപ്പ് ഓടുന്നും ഉണ്ട്..

കോളേജിൽ സമരം സ്ട്രോങ്ങ്‌ ആയപ്പോ പോലീസ് വരും എന്ന അവസ്ഥ ആയി.. അപ്പൊ വീട്ടിൽ പോയേ പറ്റു എന്ന അവസ്ഥയും..സാധാരണ സമരം ആണെങ്കിൽ ഇരുട്ടാതെ കോളേജ് വിടില്ല ഞങ്ങൾ... അങ്ങനെ തട്ടി തിരിഞ്ഞു നിക്കുമ്പോൾ ആണ്..  Pg യിലെ രമ്യ ചേച്ചി "ഡാ.." ന്ന് പുറകേന്ന് വിളിക്കുന്നത്.. ചേച്ചി