Chapter Title : ഇത് ഞങ്ങളുടെ കഥ 3 [Sayooj]

പുറത്തേക്ക് വിളിച്ചു..

"നീ വേഗം പൊക്കോ.. ഇനിയും നിന്നാൽ ആരെങ്കിലും ശ്രദ്ധിക്കും..."

പാൽപ്പാത്രം എടുത്ത് അരുണിന് നേരെ നീക്കി ഉഷേച്ചി പറഞ്ഞു..

സത്യം പറഞ്ഞാൽ അവിടെ നിന്നിറങ്ങാൻ അരുണിന്റെ മനസ് സമ്മതിച്ചില്ല..

"നീ ആരെ കാത്തുനിൽക്കാ... പെട്ടെന്ന് ചെല്ല്..വെറുതെ നമ്മൾ ആയിട്ട് ആളുകളെക്കൊണ്ട് അതും ഇതും പറയിക്കേണ്ട.."

അരുൺ മനസ്സില്ലാ മനസോടെ പുറത്തേക്കിറങ്ങി..

"പിന്നെ ഇന്ന് ഇവിടെ നടന്നത് നമ്മൾ രണ്ടുപേരുടെയും രഹസ്യമായി ഒതുങ്ങണം.. കേട്ടല്ലോ...!"

അരുൺ : ചേച്ചിക്ക് എന്നെ വിശ്വസിക്കാം..പക്ഷേ എനിക്ക് മതിയായില്ലെന്നേ..

ഉഷ : "അച്ചോടാ..ഇപ്പോൾ ഇത് മതി.. സ്ഥലം കാലിയാക്ക്.."

അരുൺ : "എന്നുവെച്ചാൽ..?"

ഉഷ : "എന്നുവച്ചാൽ ഒന്നുമില്ല..നീ ആ ഫോൺ ഇങ്ങ് തന്നേ.."

ചേച്ചി അരുണിന്റെ കയ്യിൽ നിന്നും ഫോൺ വാങ്ങി അവരുടെ നമ്പർ സേവ് ചെയ്തു

"നീ ഈ നമ്പറിലേക്ക് ഒരു മിസ്സ്‌ കാൾ ഇട്"

അപ്പോൾ തന്നെ അരുൺ ആ ഉഷേച്ചിയുടെ ഫോണിലേക്ക് മിസ്സ്‌ ഇട്ടു..

"ഞാൻ വിളിക്കാം... നീ ഇപ്പോൾ പോ.."എന്നും പറഞ്ഞു ചേച്ചി അരുണിനെ പറഞ്ഞയച്ചു..

അടക്കാനാവാത്ത സന്തോഷത്തിൽ അരുൺ വീട്ടിലേക്ക് തിരിച്ചു.. വീടെത്തുന്നതുവരെ അവന്റെ മുഖത്തു നിന്ന് പുഞ്ചിരി മാഞ്ഞില്ല..

കോളേജിൽ പോകാൻ വൈകിയതൊന്നും അവനൊരു വിഷയമായി തോന്നിയതേയില്ല..

മുറ്റമടിച്ചുവാരുന്ന ആതിരേച്ചിക്ക് നേരെ കൈവീശി അവൻ വീട്ടിലേക്ക് ഓടിക്കയറി..

പതിവുപോലെ വൈകിയാണ് അരുണും ഉണ്ണിയും കോളേജിൽ എത്തിയത്. ക്ലാസ്സിൽ കയറിയപാടെ ഉണ്ണി പാത്തുവിനെ ഒന്ന് ഇടം കണ്ണിട്ട് നോക്കി.. അവളുടെ ചമ്മൽ ഇതുവരെ മാറിയിട്ടില്ല.. ഇപ്പോൾ മൂന്നുപേരും ഒരുമിച്ചുള്ളപ്പോൾ പഴയതുപോലെ പാത്തു കത്തിയടിക്കാൻ ചെല്ലാറില്ല.. ഉണ്ണിയെ ഫേസ് ചെയ്യാനുള്ള മടി കൊണ്ടാവും..