Chapter Title : ഇത് ഞങ്ങളുടെ ലോകം 11 [Ameerali]

അവരെപറ്റിയൊന്നും പറഞ്ഞില്ലല്ലോ. കഷ്ടമുണ്ട്. അവരെപറ്റിയറിയാതെ എനിക്ക് അവരെ കാണാൻ താല്പര്യമില്ല. നാളെ അവർ വന്നാൽ ഞാൻ കിടക്കുന്ന മുറിയിലേക്ക് അവരെ കയറ്റരുത്. എനിക്ക് ആരെയും പരിചയപ്പെടുകയും വേണ്ട. എനിക്ക് അവര് വല്യ പെരുന്നാൾ ആയിരിക്കും എന്നൊക്കെ പറഞ്ഞ് എന്നെ പറ്റിക്കേണ്ടായിരുന്നു " അമീർ നസിയെ പരീക്ഷിക്കാനായി വിഷമത്തോടെ പറഞ്ഞു.

അവന്റെ ആ അഭിനയത്തിൽ നസി ഫ്ലാറ്റായി.

അവൾക്കും അത്‌ കേട്ട് സങ്കടം തോന്നി. ശരിയാണ് അമീർ പറഞ്ഞത്. അവൾ അവന് അവരെപ്പറ്റി ഒരു വിവരണവും കൊടുക്കാൻ കഴിഞ്ഞിട്ടില്ല.

"സോറി ഇക്കാ, ഞാൻ അവരെ പറ്റി മനസ്സിലാക്കിയത് പറയാം." നസി മുംതാസിനെ പറ്റി പറഞ്ഞു തുടങ്ങി.

" മുംതാസിത്തക്ക്‌ ഇപ്പോൾ ഒരു 38 വയസ്സ് പ്രായം ഉണ്ടാകും. അവരുടെ ഭർത്താവിന് 50 വയസ്സിനു മുകളിലും. അവർ മെഡിസിൻ ഫസ്റ്റ് ഇയർ  പഠിച്ചുകൊണ്ടിരിക്കുമ്പോൾ ആണ് അവരുടെ ഉപ്പ മരിച്ചത്.  ഉമ്മയ്ക്ക് അതിനുശേഷം അവരെ പഠിപ്പിക്കാൻ വേറെ മാർഗ്ഗമൊന്നുമില്ലാത്തതിനാൽ അപ്പോൾ മുംതാസിത്തക്ക്‌ വന്ന ഒരു സമ്പന്നന്റെ വിവാഹ ആലോചന മറ്റൊന്നും ചിന്തിക്കാതെ അങ്ങ് നടത്തി കൊടുത്തു.

അയാൾക്ക് ആണെങ്കിൽ മരിച്ചുപോയ ഭാര്യയിൽ മൂന്നുവയസ്സും ഒരുവയസ്സും പ്രായമുള്ള രണ്ട് പെൺകുട്ടികൾ ഉണ്ടായിരുന്നു . എന്നാൽ ഇതിന്റെ അനന്തരഫലങ്ങൾ ഒന്നും ആലോചിക്കാതെയാണ് കഷ്ടി 18 വയസ്സായ മുംതാസിനെ അവരുടെ കാർന്നോന്മാർ 32 വയസ്സുള്ള ആ പുനർവിവാഹക്കാരന് നിക്കാഹ് നടത്തികൊടുത്ത് ബാധ്യതയൊഴുവാക്കിയത്.

വളരെ പ്രതീക്ഷയോടെ ദാമ്പത്യ ജീവിതത്തിലേക്ക് കടന്ന ഇത്ത വളരെ വൈകിയത് അവർക്ക് മനസ്സിലായത് അവരുടെ ഭർത്താവിനെ ലിംഗ ഉദ്ധാരണശക്തിയില്ലെന്ന്. ഇയാൾക്ക് ഒരിക്കൽപോലും സ്വന്തം ഭാര്യയെ പ്രാപിക്കാൻ ആയില്ല. പ്രവാസിയായ അയാൾക്ക് വേണ്ടത് കേവലം പിള്ളേരെ നോക്കാനായി ഒരു പെണ്ണിനെ മാത്രമായിരുന്നു. എങ്കിലും അന്നൊക്കെ കൂടുതൽ ശ്രദ്ധ അവരുടെ വിദ്യാഭ്യാസത്തിന് ആയതിനാൽ ഇങ്ങനെയുള്ള കാര്യങ്ങൾ ഒന്നും ഒരു പരിധിവരെ അവരുടെ ജീവിതത്തെ ബാധിച്ചില്ല.

എന്നാൽ എം. ബി. ബി. എസ് പഠിച്ച് കഴിഞ്ഞതിനുശേഷം മുംതസിത്തയും അയാളും ഏതാനും മാസം ഒന്നിച്ച് കഴിഞ്ഞപ്പോൾ ആണ് ബന്ധുക്കളുടെയും മിത്രങ്ങളുടെയും ചോദ്യങ്ങൾ വന്നത് "വിശേഷം ഒന്നുമായില്ലേ" എന്ന്. എന്നാൽ സ്വന്തം കെട്ടിയവന് ഉദ്ധാരണ ശേഷിയില്ലെന്ന് പറയാൻ ഇവർക്കായില്ല. അത് അവരുടെ