Chapter Title : ഇത് ഫൈസിയുടെ ലോകം ഇനി ഫൈസിയുടെ കളികൾ 2 [ഏകൻ]

കുറച്ചു ദൂരെയാ. "

"അവര് രണ്ടാളും. മാത്രമേ പോയുള്ളൂ.?"

"ആ. അതേ. ഞാൻ ഷകീനയോടും കൂടെ പോയിക്കോ എന്ന് പറഞ്ഞതാ. എന്നിട്ട് ഓള് പോയില്ല. മറ്റേത് രണ്ടും പോകുന്നില്ലെന്ന് ആദ്യമേ പറഞ്ഞു."

"ആണോ!!? എന്നിട്ട് എന്റെ മോള് എവിടെ..?"

"ഓഹ്! ഞാൻ മറന്നു. ഷക്കീന മുറിയിൽ ഉണ്ട്. മോളെ ഉറക്കുകയാണെന്ന് തോനുന്നു. നിങ്ങള് ഓളെ കാണുമ്പോഴേക്കും ഞാൻ നിങ്ങൾക്ക് കുടിക്കാൻ എന്തെങ്കിലും എടുക്കാം. "

അതും പറഞ്ഞു ആസിയ അടുക്കളയിലേക്ക് നടന്നു. അപ്പോഴാണ് അവിടെ മുഹ്‌സീനയും മുഷീറയും വന്നത്. അവരെ കണ്ട ഉടനെ സാഹിന ചോദിച്ചു.

"നിങ്ങൾ ഇവിടെ ഉണ്ടായിരുന്നോ..? ഞാൻ കരുതി രണ്ടാളും കേട്യോൻ മാരുടെ വീട്ടിൽ ആയിരിക്കും എന്ന്."

"ഏയ്‌! ഞങ്ങൾ ഇവിടെ തന്നെ ഉണ്ട്. ഇടയ്ക്ക് കുറച്ചു ദിവസം അവിടേയും പോയി നിൽക്കും. അത്രയേ ഉള്ളൂ."

സാത്താറിന്റെ നേരെ ഇളയതായ മുഷീറ പറഞ്ഞു. . മുഹ്‌സീന ഫൈസിയെ നോക്കി ചിരിച്ചു. രണ്ടാളും സുന്ദരിമാർ തന്നെ. മുഷീറയ്ക്ക് ഇരുപതിനാലും മുഹ്‌സീനയ്ക്ക് ഇരുപത്തി രണ്ടും ആണ് പ്രായം. മുഷീറയ്ക്ക് ഒരു കുഞ്ഞ് ഉണ്ട്. നേഴ്സറിയിൽ പഠിക്കുന്നു. നാല് വയസ്സ് പ്രായം.. മുഹ്‌സീനക്ക് കുഞ്ഞുങ്ങൾ ഒന്നും ആയിട്ടില്ല.

ഫൈസി അവരെ രണ്ട് പേരേയും നോക്കി ചിരിച്ചു. അവർ ഫൈസിയേയും.

"സാഹിന ഉമ്മ കുറേ ആയല്ലോ ഇതുവഴിയൊക്കെ വന്നിട്ട്.. നാട്ടിൽ ഉണ്ടായിരുന്നില്ലേ..? " മുഷീറ ചോദിച്ചു.

"ഞാൻ എവിടെ പോകാനാ. പിന്നെ പറയാനാണെങ്കിൽ ഞാൻ കുറച്ചു നാൾ എന്റെ സുബൈദയുടെ വീട്ടിൽ ആയിരുന്നു. ഇപ്പോൾ ഫൈസിയുടെ വീട്ടിലേക്ക് പോകുന്ന വഴിയാ. ഇനി കുറച്ചു നാൾ അവിടെ കാണും. സുബൈദയും അവിടെയാ ഉള്ളത്. "

"ഇതല്ലേ ഫൈസി..? എനിക്ക് അറിയാം."

മുഹ്‌സീന പറഞ്ഞു. അത് കേട്ട് സാഹിന ഒന്ന് ഞെട്ടി.

"ഫൈസിക്ക് ചിലപ്പോൾ ഓർമ്മ കാണില്ല. ഞങ്ങൾ ഒരുമിച്ചു പഠിച്ചതാ. ഫൈസിക്ക് ഓർമ്മയുണ്ടോ എന്നെ.? ഞാൻ മുഹ്‌സീനയാണ്." മുഹ്‌സീന പറഞ്ഞു.

"ആഹ്! എവിടെയോ കണ്ടത് പോലെ ഉണ്ട്...?" ഫൈസി പറഞ്ഞു.

"അത് കള്ളം. ഫൈസിക്ക് എന്നെയൊന്നും ഓർമ്മ കാണില്ല. ഇന്നാളു ഞാൻ ഫൈസിയുടെ തുണികടയിൽ വന്നിട്ട് എന്നെ ഒന്ന് ശ്രദ്ധിച്ചത് പോലും ഇല്ല. "

"അത് ഞാൻ എന്തെങ്കിലും തിരക്കിൽ ആയത് കൊണ്ടായിരിക്കും. അല്ലാതെ.. ഇനി വന്നാൽ എന്തായാലും ശ്രദ്ധിക്കാം. ഇല്ലെങ്കിൽ എന്നെ ഒന്ന് വിളിച്ചിട്ട് വന്നാലും മതി.."

അപ്പോഴേക്കും എന്തോ ശബ്‍ദം കേട്ട് മുകളിലെ നിലയിൽ നിന്നും ഷക്കീന അങ്ങോട്ട് വന്നു. അവൾ