Chapter Title : ഇത് ഫൈസിയുടെ ലോകം ഇനി ഫൈസിയുടെ കളികൾ 2 [ഏകൻ]

ഉമ്മാക്ക് ഇവനെ എവിടുന്ന് കിട്ടി..?"

"അത് ഫൈസി ഇന്ന് വീട്ടിൽ വന്നിരുന്നെടി. ഫൈസിയുടെ ഉമ്മൂമ്മക്ക് നല്ല സുഖമില്ല. കുറച്ചു ദിവസം അവിടെ വന്നു നിൽക്കാമോ എന്ന് ചോദിച്ചു. ഞാൻ എന്തായാലും അവിടെ തനിച്ചല്ലേ അതുകൊണ്ട് നിൽക്കാം എന്ന് ഞാൻ സമ്മതിച്ചു. ഇനി എന്നെ കാണാൻ നീ ഇടയ്ക്ക് അങ്ങോട്ട് വാ. ഞാൻ ഇനി ഫൈസിയുടെ വീട്ടിൽ കാണും. "

അത് കേട്ട് ഷകീനാ ഫൈസിയെ ചുഴിഞ്ഞോന്ന് നോക്കിയിട്ട് ചിരിച്ചു. എന്നിട്ട് പറഞ്ഞു.

"അത് ഞാൻ വന്നോളാം. അല്ലേലും ഇവന്റെ ഉമ്മൂമ്മയെ കണ്ടിട്ട് കുറച്ചു നാളായി. ഉമ്മയുടെ കൂടെ എനിക്കും കുറച്ചു നാൾ അവിടെ വന്നു താമസിക്കണം എന്നുണ്ട്. പക്ഷെ ഇക്ക വിളിച്ചിരുന്നു. ഒന്ന് രണ്ട് മാസം കഴിഞ്ഞാൽ വിസിറ്റിംഗ് വിസ അയച്ചു തരാം എന്നാ പറഞ്ഞത്. ഇങ്ങോട്ട് വരാൻ ലീവ് കിട്ടില്ലെന്ന്‌. അതുകൊണ്ട് എന്നോട് അങ്ങോട്ട് ചെല്ലാൻ. എന്തായാലും പോകുന്നതിനു മുൻപ് ഞാൻ കുറച്ചു നാൾ അവിടെ വന്നു താമസിക്കാം. "

"മോള് ഉറങ്ങിയോ ഷകീ. " അപ്പോൾ കൈയിൽ രണ്ട് ഓറഞ്ചു ജ്യൂസുമായി അങ്ങോട്ട് വന്ന ആസിയ ഷക്കീനയോട് ചോദിച്ചു.

"ഇല്ല ഇത്താത്ത. മോള് ഉറങ്ങാൻ തുടങ്ങുകയായിരുന്നു അപ്പോഴാ എന്തോ ശബ്ദം കേട്ടത്‌. അത് ആരാണെന്നു നോക്കാൻ വേണ്ടി ഞാൻ ഇങ്ങോട്ട് വന്നതാ. മോള് റൂമിൽ ഇരുന്ന് കളിക്കുന്ന.. . നിങ്ങള് വാ ഉമ്മാ മോളെ കാണാം. ഞാൻ റൂമിന്റെ വാതിൽ ചാരിയിട്ട താഴോട്ട് വന്നത്.. നീയും വാടാ ഫൈസി. നിനക്ക് എന്റെ മോളെ കാണേണ്ടേ..? നീ ആദ്യമായിട്ടല്ലേ ഇവിടെ വരുന്നത്. വാ മുകളിലാ എന്റെ റൂം. "

ഷകീന പറയുന്നത് കേട്ട് ഫൈസിയും സാഹിനയും ഉള്ളിൽ ചിരിച്ചു.

" വാ ഫൈസി. നമുക്ക് എന്തായാലും മോളേയും കണ്ടിട്ട് വേഗം പോകാം. " സാഹിന പറഞ്ഞു.

അവർ ആ ജ്യൂസ് എടുത്തുകൊണ്ട് തന്നെ മുകളിലേക്ക് നടന്നു.

മുകളിൽ എത്തിയപ്പോൾ ഷകീനയുടെ മോള് ഫൗസിയ നിലത്ത് ഇരുന്ന് കളിക്കുകയായിരുന്നു. അവരെ കണ്ടപ്പോൾ മോള് അവർക്ക് നേരെ ഒന്ന് നോക്കി. പിന്നെ സാഹിനയെ നോക്കി ചിരിച്ചശേഷം സാഹിനയുടെ നേരെ മുട്ട്