Chapter Title : ജാതകം ചേരുമ്പോൾ 21 [കാവൽക്കാരൻ] [Climax]

നീയേ... നീ ശരിയാവില്ല... മതി കഥ പറച്ചിൽ ഒക്കെ കിടന്നോ...."

കല്ല്യാണി ദേഷ്യത്തിൽ പറഞ്ഞുകൊണ്ട് എന്നിൽ നിന്നും മാറി കിടന്നു...

അപ്പോ ഇത്തവൾടെ അമ്മയല്ലേ.... 🤔

ഞാൻ വീണ്ടും അവളുടെ അടുത്തേക്ക് പോയി വയറിൽ ചുറ്റിപ്പിടിച്ചു എന്നിലേക്ക് വീണ്ടും ചേർത്തു.....

"സോറി... ഇനി ഞാൻ വായ തുറക്കില്ല.. എന്റെ പൊന്നല്ലേ... പറ...."

"സിദ്ധു ഇനി നീ വായ തുറന്നാൽ സത്യായിട്ടും എന്റെ കയ്യീന്ന് കിട്ടും...."

"ഇനി സത്യായിട്ടും ഞാൻ വായ തുറക്കില്ല... നീ ബാക്കി പറ...."

കല്ല്യാണി വീണ്ടും പറയാൻ തുടങ്ങി....

""""""അമ്മ എന്നു പറഞ്ഞതിനു ശേഷം അവളെന്റെ മുഖം കോരിയെടുത്തു.... എന്റെ കണ്ണിൽ നിന്നും ഞാൻപോലുമറിയാതെ കണ്ണു നീർ ചാടാൻ തുടങ്ങി....

ഞാൻ കരയുകയാണ് പക്ഷേ അത് ഞാനല്ല... എന്റെ ഉള്ളിൽ കിടന്ന് ആരോ വിഷമിക്കുകയാണ് അപ്പോഴാണ് ദേവി ഇപ്പോഴും എന്റെ ഉള്ളിൽ തന്നെയാണെന്ന കാര്യം ഞാൻ തിരിച്ചറിഞ്ഞത്.....

ആ ആത്മാവിന്റെ മറുപടി എന്നോടായിരുന്നില്ല അത് ദേവിയോടായിരുന്നു... അവളുടെ അമ്മയായിരുന്നു അത്, അതായത് മാധവ്യ...

ആ ബുക്കിൽ പറഞ്ഞ രണ്ട് ആത്മാവിന്റെ കാര്യം എന്റെ മനസ്സിലേക്ക് വന്നു....

മായയുടെ കണ്ണിൽ നിന്നും കണ്ണു നീർ പൊഴിയാൻ തുടങ്ങി. ഒരു പക്ഷേ എന്റെ അതേ അവസ്ഥ തന്നെയായിരിക്കുമോ അവളും അനുഭവിക്കുന്നുണ്ടാവുക... ഒരു വേള ഞാൻ ചിന്തിച്ചു......

"എല്ലാം പ്രശ്നങ്ങളും കഴിഞ്ഞു എന്റെ കുട്ടി അമ്മയുടെ അടുത്തേക്ക് വാ" എന്ന് മാധവ്യ പറഞ്ഞതും എന്റെ ശരീരം ചൂട് പിടിക്കാൻ തുടങ്ങി... ശരീരം ഭാരം കുറയുന്നത് പോലേ.....

കുറച്ചു കഴിഞ്ഞതും ഒരു നിഴലുപോലെയെന്തോ എന്റെ ഉള്ളിൽ നിന്നും പുറത്തു കടക്കാൻ ശ്രമിച്ചു... എന്റെ ശരീരങ്ങളിലേ എല്ലാ എല്ലുകളും പൊട്ടുന്ന വേദനയായിരുന്നു അപ്പോളെനിക്ക്... ഒന്ന് മരിക്കാൻ പോലും ഞാൻ കൊതിച്ചു... കുറച്ചു നിമിഷങ്ങൾ കഴിഞ്ഞതും എന്റെ ശരീരത്തിൽ നിന്നും ആ നിഴൽ പൂർണമായും പുറത്തേക്ക് വന്നു.

ഞാൻ ആകേ തളർന്നിട്ടുണ്ടായിരുന്നു......എന്റെ ശരീരത്തിൽ നിന്നും പോയിട്ടുണ്ടായിരുന്നെങ്കിലും അതെന്റെ അടുത്ത് തന്നെയുണ്ടായിരുന്നു... പക്ഷേ അങ്ങോട്ട് നോക്കാൻ എന്റെ ഉള്ളിലെ ഭയം അതിന് സമ്മതിച്ചില്ല.....

പെട്ടെന്നാണ് മായയുടെ ശരീരം എന്റെ മുന്നിൽ നിന്നും എണീച്ചത്...

ഞാൻ അവളേ