Chapter Title : ജാതകം ചേരുമ്പോൾ 21 [കാവൽക്കാരൻ] [Climax]

വേലികളാൽ അലങ്കരിച്ച്, സർപ്പത്തിന്റെ ശരീരത്തിന്റെ മനോഹര വളവ് പോലെ ഉയർന്ന് നീളുന്നു......

മതിലുകളിലേറ്റിയിരുന്ന ചിത്രങ്ങൾ, കാലത്തിന്റെ മങ്ങിയ സ്പർശം ഏറ്റെടുത്തിട്ടും, അപൂർണമായ കഥകൾ പറഞ്ഞുകൊണ്ടിരുന്നു

എവിടേ നോക്കിയാലും നാഗവുമായിബന്ധപ്പെട്ട എന്തെങ്കിലും കാണാം...

ചുരുക്കി പറഞ്ഞാൽ സൂക്ഷ്മമായി നോക്കിയാൽ തുറന്നുകാട്ടുന്ന ഒരു രഹസ്യലോകമാണ് ഈ ബംഗ്ലാവ്.....

എല്ലാവരും അകത്ത് കയറി എന്ന് ഉറപ്പാക്കിയതും ചേച്ചി ഞങ്ങൾക്കും നേരെയായി തിരിഞ്ഞു നിന്നു....

"ഞാൻ ഈ സ്ഥലം വാങ്ങിയത്, നമ്മൾ എല്ലാവരും ഇവിടേക്ക് വന്നത് എല്ലാതും ആ കാണുന്ന ഒറ്റ സാധനത്തിനു വേണ്ടിയാണ്....."

ചേച്ചി ചുമരിലേക്ക് കൈ ചൂണ്ടിക്കൊണ്ട് പറഞ്ഞു

ഞങ്ങൾ എല്ലാവരും ചേച്ചി കൈ ചൂണ്ടിക്കാട്ടിയ ദിശയിൽ നോക്കി....

അവിടെ, വലിയൊരു പെയിന്റിംഗ് ആയിരുന്നു ഞങ്ങൾ കണ്ടത്....

അതിന്റെ ഭംഗിയും ഭീകരതയും ഒരുമിച്ച് കണ്ണുകൾ പിടിച്ചുപറ്റുന്ന തരത്തിലുള്ളതായിരുന്നു...

ആ ചിത്രത്തിൽ മൂന്ന് സുന്ദരികളെയാണ് വരച്ചിരുന്നത്

മൂന്ന് പേരും ഒന്നിനൊന്ന് മെച്ചം എന്നാൽ നടുവിൽ ഉള്ളവൾ സൗന്ദര്യത്തിന്റെ പൂർണരൂപം തന്നെയായിരുന്നു...

കല്ല്യാണി മായ എന്ന് വേണ്ട സൗന്ദര്യത്തിന്റെ കാര്യത്തിൽആരും അവരുടെ അടുത്തുപോലും എത്തില്ല...

എന്നാൽ സാധാരണ സ്ത്രീകളുടെ രൂപത്തെയല്ല മറിച്ച് ദേവീ സാന്നിധ്യത്തെയോ നാഗകന്യകളെയോ ഓർമ്മിപ്പിക്കും വിധമായിരുന്നു അവരുടെ രൂപം.... പ്രത്യേകിച്ച് ആ കണ്ണുകൾ...

അവർ ഒരുമിച്ച് ഇരിക്കുന്നത് ഒരു ശിവലിംഗത്തിനരികിലാണ്.... ചുറ്റും പൂക്കളുടെയും ദീപങ്ങളുടെയും ഒരു നിര തന്നെ കാണാം....

എന്നാൽ ഇവയൊക്കെ ഉണ്ടായിട്ടും ആ ചിത്രത്തിൽ കാണിക്കുന്നത് അല്ലെങ്കിൽ എടുത്തു കാണുന്നത് ഒരൊറ്റ കാര്യം മാത്രമായിരുന്നു....

ശിവലിംഗത്തിന് മുൻപിൽ, അത്യന്തം തെളിഞ്ഞു നിന്ന ഒരു നീല നിറത്തിലുള്ള വജ്രം......

മൂന്നു സുന്ദരികളും അവരുടെ കൈകൾ നീട്ടി, ഒരുതരം ആരാധനയോടും