Chapter Title : ജീവിതം നദി പോലെ…6 [Dr.wanderlust]

ഒരു തവണ നീ ഒന്ന് സഹായിക്കണം ..."

" ഇക്ക... ഒന്നും വിചാരിക്കരുത്.. പ്ലീസ് എന്നെ ഇതിൽ നിന്നൊഴിവാക്കിത്തരണം.. എന്നെക്കൊണ്ട് കൂട്ടിയാൽ കൂടില്ല... "

"അജൂ... ഞാൻ ഈ രാവിലെ നിന്നെ വിളിച്ച് ഇത് പറയണമെങ്കിൽ എന്ത് മാത്രം സീരിയസ് ആണെന്ന് മനസ്സിലായിട്ടുണ്ടാവുമല്ലോ.. അത്കൊണ്ട് ഇത്തവണ ഒന്ന് അഡ്ജസ്റ്റ് ചെയ്യണം.. "

"ഇക്ക നിങ്ങളെന്താണ് ഈ പറയുന്നത്? ഇതൊരു നിസ്സാര കാര്യമല്ല smuggling ആണ്.. ഒന്ന് പാളിയാൽ പടം പത്രത്തിൽ വരും.. നാറും.. എനിക്ക് പിന്നെ കുടുംബത്തു കേറാൻ പറ്റില്ല... അച്ഛന്റെ കാര്യമൊക്കെ ഇക്കയ്ക്ക് അറിയാവുന്നതല്ലേ. പെട്ടാൽ പോരാത്തതിന് ജയിലും..."

" അജൂ ഇവിടെ എല്ലാവരും ചെയ്യുന്ന പണിയാണ്.. അതിങ്ങനെ വലിയ കുറ്റമൊന്നുമല്ല.. നീ എത്ര പേര് ഈ കേസിൽ ജയിലിൽ പോയി കണ്ടേക്കുന്നു.. അതൊക്കെ വിട്.. ഞാൻ അവിടെ ഉണ്ടെങ്കിൽ ഇപ്പോൾ നിന്നോട് ഇങ്ങനെ ആവശ്യപ്പെടുമായിരുന്നോ?.. പിന്നെ അജൂ നിനക്ക് ഓരോ സഹായങ്ങൾ ആവശ്യം വന്നപ്പോൾ ഞാനേ ഉണ്ടായിരുന്നുള്ളൂ.. അന്നൊന്നും നീ ഈ പറഞ്ഞ പോലെ ഒരു ബുദ്ധിമുട്ടും ഞാൻ പറഞ്ഞിട്ടില്ല.."

അയാളുടെ സ്വരത്തിലെ നീരസം എനിക്ക് മനസ്സിലായി.. ചെറ്റ... ഫ്ലാറ്റും, വണ്ടിയും ഒക്കെ എടുക്കാൻ ഉള്ള സാമ്പത്തിക സഹായമാണ് നാറി ഉദ്ദേശിച്ചത്...

"ഇക്ക അതൊന്നും ഞാൻ മറന്നിട്ടില്ല.. പക്ഷേ ഇങ്ങനെയൊരു കാര്യം.. ഇക്കയെന്റെ അവസ്ഥയൊന്നു മനസ്സിലാക്കു..."

എന്റെ സ്വരത്തിലെ ദയനീയത കേട്ടപ്പോൾ ഞാൻ അങ്ങേരുടെ വാക്കിൽ വീണെന്ന് പുള്ളിക്ക് മനസ്സിലായി.. പുള്ളിയുടെ ടോൺ മാറി...

"അജൂ... എന്റെ അവസ്ഥ നിനക്കറിയാല്ലോ? ഇത്രയും വിലയുള്ള സാധനം ഞാൻ നിന്നെ വിളിച്ച് ഏൽപ്പിക്കുമ്പോൾ തന്നെ ഞാൻ നിന്നെ എന്തുമാത്രം വിശ്വസിക്കുന്നുവെന്ന് നീ അറിയണം.."

പിന്നെയും പിന്നെയും ഇക്ക എന്തൊക്കെയോ പറഞ്ഞു കൊണ്ടിരുന്നു. അയാളുടെ സഹായം സ്വീകരിച്ചു പോയതിനാൽ, ആ നേരത്തെ എന്റെ അവസ്ഥ വളരെ പരിതാപകരമായിരുന്നു. എന്റെ ദുരഭിമാനം എന്നെ കൊണ്ട് അവസാനം യെസ് പറയിച്ചു.

"ഇക്ക, ഈ ഒരൊറ്റ തവണത്തേക്ക് മാത്രം, ഇനിയൊരിക്കലും എന്നോട് ഇത്തരം കാര്യങ്ങൾ പറയരുത്."

പുതിയൊരു തെറ്റിന്റെ വഴിയിലേക്ക് പോകും മുൻപ് ഏവരും പറയുന്ന ഡയലോഗ് തന്നെ ഞാനും ആവർത്തിച്ചു.

-------------------------------------------------------------

ഫോൺ വച്ചു കഴിഞ്ഞു അരിശത്തോടെ ഞാൻ ഭിത്തിയിൽ ഇടിച്ചു. കൈ വിരലുകൾ ഉടഞ്ഞു പോകേണ്ടതാണ്, പക്ഷേ വേദന പോലും ഞാൻ അറിഞ്ഞില്ല.

ഫ്രഷ് ആയി വേഷം മാറി ഞാൻ ഷോപ്പിലേക്ക് പുറപ്പെട്ടു. നേരത്തെ ആയതിനാൽ ആരുമെത്തിയിരുന്നില്ല. ഷോപ്പിലേക്ക് എത്തിയപ്പോൾ തന്നെ വാതിൽക്കൽ ഞാൻ