Chapter Title : ജെസ്സി മിസ്സ് 9 [ദുഷ്യന്തൻ]

തീരുമാനിച്ച് ഒറപ്പിച്ച മട്ടാണല്ലോ ?? പെണ്ണിൻ്റെ വീട്ടുകാർക്ക് സമ്മതമാണോ..അതോ...??

കണ്ണൻ: ഒരു പ്രശ്നവും ഇല്ല. അവൾക്ക് ആകെ ഒരു പ്രായമായ അമ്മ മാത്രേ ഉള്ളൂ. അവരോട് അവള് എല്ലാം പറഞ്ഞിട്ടുണ്ട്. അവർക്ക് വല്യ എതിർപ്പൊന്നും ഇല്ല. മതം വേറെ ആണെന്നുള്ള ഒരു ചെറിയ പ്രേഷ്‌നമേ ഉള്ളൂ. അത് അവള് പറഞ്ഞ് റെഡി ആക്കിക്കോളും.പിന്നെ എൻ്റെ അമ്മ.. അമ്മയ്ക് ജിനിയെ അറിയാം. ഇടക്ക് വിളിക്കുമ്പോ അവള് സംസാരിച്ചിട്ടുണ്ട്. പക്ഷെ ഞങ്ങൾ തമ്മിൽ ഇഷ്ടമാണെന്ന് മാത്രം പറഞ്ഞിട്ടില്ല. പിന്നെ എനിക്കും അമ്മയെ മാത്രം ബോധിപ്പിച്ചാൽ മതി. ഞങ്ങൾ ഒന്ന് വീണപ്പൊ ആരും ഇല്ലാർന്നു. പിന്നെ ആകെപ്പാടെ ഉണ്ടായിരുന്നത് നിൻ്റെ അച്ഛനും അമ്മയുമാ.

ശെരിയാണ്.... കണ്ണൻ ചേട്ടൻ്റെ അച്ഛൻ മരിച്ചപ്പോ അവർക്ക് കൂട്ടിൻ ആരുമില്ലായിരുന്നു. ചേട്ടൻ്റെ അച്ഛനും അമ്മയും സ്നേഹിച്ച് കെട്ടിയതാണ്. അതും വീട്ട് കാരെ എതിർത്തുകൊണ്ട്. പഴയ ഒരു സഖാവിൻ്റെ വിപ്ലവ പ്രണയ കഥയാണ്.

കണ്ണൻ: ഇങ്ങോട്ട് വരുമ്പോ മുഴുവൻ ഞങ്ങൾ ഫുൾ പ്ലാനിംഗ് ആയിരുന്നു.

ഞാൻ: ഓ അപ്പോ രണ്ട് പേരും കൂടെ ഒരുമിച്ചാണ് വന്നത്. അല്ലെ. ?

കണ്ണൻ: അതേ.. എന്താ എന്തെങ്കിലും കുഴപ്പം ഉണ്ടോ..??

ഞാൻ: പോക്ക് വരവ് മാത്രമാണോ ഒരുമിച്ച് അതോ താമസവും ഒരുമിച്ചാണോ????

കണ്ണൻ: എന്താടാ.. നീ എന്നെ കുറിച്ച് അങ്ങനെയാണോ വിചാരിച്ച് വെച്ചേക്കുന്നത്..?

ഞാൻ: ഇവിടുന്ന് പോകുന്നത് വരെയുള്ള ചേട്ടൻ അതായിരുന്നു.. അവിടെ ചെന്ന് മാറിയ കാര്യം ഞാൻ അറിഞ്ഞില്ല.. ങൂം... Descent ആയി..

കണ്ണൻ: പോടാ.. അത്രയ്ക്കൊന്നുമില്ല. ഞാൻ ചോദിച്ചതാ.. but അവള് സമ്മതിച്ചില്ല..

അത് കേട്ട് ഞാനും ചിരിച്ചു. പിന്നെ എന്തൊക്കെയോ സംസാരിച്ച് തിരിച്ച് നടന്ന് വീട്ടിലെത്തി.. മിസ്സ് അത്യാവശ്യം അടുപ്പത്തോടെ തന്നെ ചേട്ടനുമായി പെരുമാറി. ഭാഗ്യത്തിന് ചേട്ടൻ്റെ തനി കൊണം ഒന്നും അവിടിരുന്ന് കാണിച്ചില്ല. അത് കൊണ്ട് മിസ്സും ഓപ്പണായി .

ഒരുപാട് വൈകിയാണ് ചേട്ടൻ പോയത്. എൻ്റെ മനസ്സിനും വല്ലാത്ത ഒരു സന്തോഷം. എത്രയൊക്കെ ആയാലും നമ്മുടെ വൈബിനൊത്ത ആളോട് സംസാരിക്കുമ്പോ അത് ഒരു പ്രത്യേക സുഖമാണ്.

മിസ്സ് കിച്ചണിൽ എന്തോ പരിപാടിയിലാണ്. ഞാനും കൂടെ കിച്ചണിൽ ചെന്നു. ഫ്രിഡ്ജിൽ വെച്ച ബാക്കി ഒരു പാർസൽ ബിരിയാണി ചൂടാക്കുകയാണ് മിസ്സ്. എല്ലാം കഴിഞ്ഞ് അത് ഒരു കണ്ടെയിനറിൽ ആക്കി നോക്കി നിന്ന എൻ്റെ നേരെ നീട്ടി.
ഞാൻ സംശയത്തോടെ മിസ്സിനേ നോക്കി.

മിസ്സ്: ഫ്രിഡ്ജിൽ ഒരു പാർസെൽ കൂടെ ബിരിയാണി