Chapter Title : കാജൽ [കമൽ]

ഒടുക്കം ആരെയോ പ്രതീക്ഷിച്ചേട്ടന്ന പോലെ കോൾ ബട്ടൻ അമർത്തി ഫോണ് ചെവിയിലേക്ക് വെച്ചു. "ചെട്ടാ..." മറുതലക്കൽ നിന്നും കേട്ട ശബ്ദത്തിനുടമയെ തിരിച്ചറിയാൻ എനിക്ക് അല്പം പോലും ബുദ്ധിമുട്ടേണ്ടി വന്നില്ല. "കാജൽ" നിറഞ്ഞ പുഞ്ചിരിക്കിടയിലൂടെ എന്റെ ചുണ്ടുകൾ മന്ത്രിച്ചു. എന്റെ കണ്ണുകൾ ഈറനണിഞ്ഞു. കാതങ്ങൾക്കപ്പുറം, മറ്റൊരു നാട്ടിൽ എന്റെ പെണ്ണും, ഞാനവൾക്ക് പകർന്നു കൊടുത്ത ജീവനും സുഖമായിരിക്കുന്നു എന്ന വാർത്ത എന്നെ കുറച്ചൊന്നുമല്ല സന്തോഷിപ്പിച്ചത്. കാണുവാനുള്ള കൊതി, അവളെ എങ്ങിനെ പറഞ്ഞറിയിക്കണം എന്നെനിക്കറിയില്ലായിരുന്നു. അപ്പോഴും ഞാൻ ചിന്തിച്ചു. ഞാനീപ്പെണ്ണിനെ പ്രേമിച്ചിരുന്നോ? അറിയില്ല.