Chapter Title : കാമാനുരാഗം [സ്പൾബർ]

കുറുകെയുള്ള തൂക്കുപാലം കയറി വേണം അങ്ങോട്ടെത്താൻ.
അടുത്തിരിക്കുന്ന നിഷയെ അവനൊന്ന് നോക്കി. അവളിപ്പഴും നല്ല ഉറക്കത്തിൽ തന്നെ. അവളെ ഉണർത്താതെ
പ്രകൃതിയുടെ തണുപ്പാസ്വദിച്ച് മെല്ലെ വണ്ടിഓടിച്ചു. വലത് വശത്ത് കാണുന്ന മിൽമയുടെ പ്ലാൻ്റ് വരെയാണ് ഇടതൂർന്ന വനമുള്ളത്. ഇനി നിലമ്പൂർ ടൗൺ തുടങ്ങുകയാണ്. ഒട്ടും പ്ലാനിംഗില്ലാതെ, ഗതാഗതക്കുരുക്ക് കൊണ്ട് വീർപ്പ്മുട്ടുന്ന ഒരു ചെറിയ ടൗൺ. ഇവിടെ നിന്ന് രണ്ട് കിലോമീറ്റർ അകലെയുള്ള ചന്തക്കുന്നിലേക്ക് വണ്ടിയോടിയെത്താൻ അരമണിക്കൂറെടുത്തു. നിലമ്പൂർ ടൗണിലൂടെ പോകാതെ, ചന്തക്കുന്നും കഴിഞ്ഞ് വെളിയം തോട് വരെയെത്തുന്ന ഒരു ബൈപാസ് പണി തുടങ്ങിയിട്ട് പന്ത്രണ്ട് വർഷമായി. ഇനിയൊരു പന്ത്രണ്ട് വർഷം കൂടി കഴിഞ്ഞാലും അത് തീരുമെന്ന് തോന്നുന്നില്ല. ബൈപാസ് പണി തീർന്നാൽ പൊതുജനത്തിന് സൗകര്യമാകുമല്ലോ… അത് പാടില്ല…

ചന്തക്കുന്ന് കഴിഞ്ഞ് കുറച്ച് മുന്നോട്ട് പോയപ്പോൾ വലതു വശത്ത് മനോഹരമായ ഒരു മതിൽ.
ഗ്രാനേറ്റ് പതിച്ച മതിലിൽ സ്റ്റീലിൻ്റെ വലിയഅക്ഷരത്തിൽ എഴുതിയിരിക്കുന്നു.

‘ തേക്ക് മ്യൂസിയം’
ലോകത്തിലെത്തന്നെ ആദ്യത്തെ തേക്ക് മ്യൂസിയമാണ് ഇത്.

ഇനിയങ്ങോട്ട് വഴിക്കടവ് വരെ റോഡിൽ വലിയ തിരക്കില്ല. സനൂപ് ഇന്നോവ ക്രിസ്റ്റ കത്തിച്ചു വിട്ടു. വഴിക്കടവെത്തി അവൻ വണ്ടി ഒരു കടയുടെ മുൻപിൽ ഒതുക്കി. പുറത്തിറങ്ങി, മിനറൽ വാട്ടറിൻ്റെ നാലഞ്ച് ബോട്ടിലും, കുറച്ച് ലൈസും , മിഠായികളുമൊക്കെ വാങ്ങി. വണ്ടിക്കടുത്തെത്തിയപ്പോൾ നിഷ ഉറക്കമുണർന്ന് ചുറ്റും നോക്കുന്നു.

“ സനൂ… നമ്മൾ എവിടെ എത്തിയെടാ…”

“ വഴിക്കടവ് എത്തി… അതെങ്ങിനാ.. കയറിയപ്പോ തൊട്ട് ഉറക്കമല്ലേ… മതി ഉറങ്ങിയത്. ഇനി ചുരം തുടങ്ങുകയാ… കാഴ്ചയൊക്കെ കണ്ട് പതിയെ പോകാം..”

സനൂപ് വണ്ടിയിൽ കയറി സ്റ്റാർട്ടാക്കി. പിന്നെ നിഷയെ