Chapter Title : കാമദേവത 3

നല്ല ടെന്‍ഷനുണ്ടായിരുന്നു. രാവിലെ ഒന്‍പതരയോടെ ഒരു ഓട്ടോയില്‍ ഞാന്‍ ഓഫീസിലെത്തി. അത്യാവശ്യം വലിയ ഓഫീസ്. റോസ് നിറമുള്ള ചുരിദാറാണു ഞാന്‍ ധരിച്ചിരുന്നത്. ആറുപേര്‍ ഉണ്ടായിരുന്നു അവിടെ. റിസപ്ഷനില്‍ ഇരുന്ന പെണ്ണ് എന്നെ നോക്കി ചിരിച്ചു. ഞാന്‍ അവളോട് വന്ന കാര്യം പറഞ്ഞപ്പോള്‍ അവളെന്നെ എല്ലാവര്‍ക്കും പരിചയപ്പെടുത്തി. അവളടക്കം മൂന്നു ലേഡി സ്റ്റാഫും ബാക്കി മൂന്നുപേര്‍ പുരുഷന്മാരും. എല്ലാവരും നന്നായിത്തന്നെ എന്നോട് ഇടപെട്ടു. ഞാന്‍ സോഫയിലിരുന്ന് അലസമായി ഒരു മാസിക മറിച്ചുനോക്കിക്കൊണ്ടിരുന്നു.

ശങ്കര്‍ദാസ് & കമ്പനി അക്കാലത്ത് ഒരു അറിയപ്പെടുന്ന ചാര്‍ട്ടേര്‍ഡ് അക്കൌണ്ടിങ് കമ്പനി ആയിരുന്നു. അതിന്‍റെ തലവന്‍ ശങ്കര്‍ദാസ് മേനോനെ കാണാനാണ് അച്‍ഛന്‍ എന്നോട് ആവശ്യപ്പെട്ടിരുന്നത്. പത്തുമണിയോടെ ശങ്കര്‍ദാസ് സാര്‍ ഓഫീസിലെത്തി. തിടുക്കത്തില്‍ അദ്ദേഹം കാബിനിനുള്ളിലേക്കു കയറിപ്പോയി. അറുപതുവയസോളമുള്ള ആരോഗ്യമുള്ള കൃശഗാത്രന്‍. കഷണ്ടികയറിയ തലയും ക്ലീന്‍ ഷേവ് ചെയ്ത മുഖവും. മുഖത്ത് ഗൌരവ ഭാവം. പതിനഞ്ചുമിനിറ്റോളം എടുത്തശേഷം എന്നെ അകത്തേക്കു വിളിപ്പിച്ചു. ഞാന്‍ ഷാള്‍ നേരെ പിടിച്ചിട്ട് എന്‍റെ ഫയലെടുത്ത് അകത്തേക്കു നടന്നു. അകത്ത് അദ്ദേഹത്തെ കൂടാതെ യുവാവായ ഒരാള്‍ കൂടി ഇരിക്കുന്നുണ്ടായിരുന്നു. ഞാന്‍ ശങ്കറങ്കിളിനെ നോക്കി പുഞ്ചിരിച്ചു. ആ യുവാവിനെയും നോക്കി ഒരു പുഞ്ചിരി സമ്മാനിച്ചു. അയാളും എന്നെ നോക്കി മന്ദഹസിച്ചു. അങ്കിളിന്‍റെ മുഖത്ത് സ്ഥായിയായ ഗൌരവഭാവമായിരുന്നു. എന്നാലും എന്നെ നോക്കി ഒന്നു ചിരിച്ചെന്നുവരുത്തി ഇരിക്കാന്‍ ആവശ്യപ്പെട്ടു. ഞാന്‍ മെല്ലെ സീറ്റില്‍ അമര്‍ന്നിരുന്ന് എന്‍റെ വിദ്യാഭ്യാസരേഖകളടങ്ങിയ ഫയല്‍ അങ്കിളിനു നീട്ടി. അദ്ദേഹം അതുവാങ്ങി ഒന്നോടിച്ചുനോക്കിയശേഷം മേശപ്പുറത്തു വെച്ചു. മുന്നോട്ടാഞ്ഞിരുന്ന് എന്നെ ആകമാനം ഒന്നു വീക്ഷിച്ചു. എനിക്ക് ചെറിയ ചമ്മല്‍ തോന്നാതിരുന്നില്ല. ആ ചെറുപ്പക്കാരന്‍റെ മുഖത്ത് അപ്പോഴും കുസൃതികലര്‍ന്ന ഒരു ചിരി കാണാമായിരുന്നു.

“സോ, ശാലിനി.. അല്ലേ?” ഘനഗംഭീരമായ സ്വരം.

“അതെ അങ്കിള്‍”

“ഉം.. വിശ്വനാഥമേനോനു സുഖം തന്നെയല്ലേ?”

“അതെയങ്കിള്‍.. ജോലിയൊക്കെയായി അങ്ങനെ പോകുന്നു..”

“ശരി.. ഞാന്‍ കേരളത്തിലേക്ക് വന്നിട്ട് ഒത്തിരിയായി..”

“അച്‍ഛന്‍ പറയാറുണ്ട് അങ്കിളിനെപ്പറ്റി..”

“ഉം... ബൈ ദ വേ, ദിസ് ഈസ് മൈ സണ്‍ മനു..” അദ്ദേഹം ആ യുവാവിനെ നോക്കി.

“ഹലോ മനു..” ഞാന്‍ വീണ്ടും അയാളെ നോക്കി പുഞ്ചിരിതൂകി.

“ഹലോ ശാലിനി..” കുസൃതിപ്പുഞ്ചിരിയോടെ