Chapter Title : കാമലീല [Master]

മൂന്നോ ദിവസങ്ങള്‍ കഴിഞ്ഞപ്പോള്‍ സാഹചര്യം ഒത്തുകിട്ടി. അന്ന് അവള്‍ മാത്രമേ ഉള്ളായിരുന്നു അവിടെ. മുറിയില്‍ എന്തോ ചെയ്ത് കൊണ്ടിരുന്ന ഷെറിനെ മുരടനക്കി അബു ശ്രദ്ധ ആകര്‍ഷിച്ചു. അവള്‍ നിര്‍വികാരതയോടെ അവനെ നോക്കി.

“എനിക്ക് ഒരല്‍പം സംസാരിക്കണം...” അബു മുറിയുടെ വാതില്‍ക്കല്‍ നിന്നുകൊണ്ട് പറഞ്ഞു.

“എന്താന്നു വച്ചാല്‍ പറഞ്ഞിട്ട് പോ” അവള്‍ മുഖം വെട്ടിച്ചു പറഞ്ഞു. അബുവിന് കോപം ഇരച്ചുകയറി എങ്കിലും അവന്‍ നിയന്ത്രിച്ചു.

“അത്..ഷെറിന്‍..എന്നോട് വളരെ മോശമായാണ് പെരുമാറുന്നത്. ഞാന്‍ എന്ത് ചെയ്തിട്ടാണ് ഇത്? അന്ന്, നിങ്ങളുടെ കല്യാണത്തിനും മുന്‍പ് എനിക്ക് ഒരു തെറ്റ് പറ്റി. എന്റെ മനസിലെ ആഗ്രഹം അറിയാതെ ഒന്ന് പറഞ്ഞുപോയി..എങ്കിലും അത് ഞാന്‍ അന്നേ മറന്നു. ഇപ്പോള്‍ ഷെറിനെ ഞാനെന്റെ ചേട്ടത്തി ആയിത്തന്നെ ആണ് കാണുന്നത്. കുറേക്കൂടി മനുഷ്യത്വത്തോടെ പെരുമാറിക്കൂടെ? ഞാനൊരു പണമില്ലാത്ത ആളാണ് എന്നുകരുതി..” അവന്‍ ഒരുവിധത്തില്‍ അത്രയും പറഞ്ഞൊപ്പിച്ചു.

“കഴിഞ്ഞോ?’ അവള്‍ ചോദിച്ചു.

അബു ഉത്തരമില്ലാതെ ചമ്മി. പെട്ടെന്ന് അവളുടെ മൊബൈല്‍ ശബ്ദിച്ചു. അവള്‍ ഫോണെടുത്ത് ചെവിയോടു ചേര്‍ത്തപ്പോള്‍ അവന്‍ അവിടെ നിന്നും മാറിക്കളഞ്ഞു.

“ഹായ് ഇക്ക..ഹ്മം എന്താ വിളിക്കാന്‍ താമസിച്ചത്...എത്ര നേരമായി ഞാന്‍ കാത്തിരിക്കുന്നു...കള്ളന്‍..ങാ പിന്നെ ഇക്കാ, നിങ്ങളുടെ അനുജന്‍ വന്നു എന്നെ സ്വാധീനിക്കാന്‍ ശ്രമിക്കുന്നു..എന്റെ പെരുമാറ്റം മോശമാണത്രെ..ഇക്കാ നിങ്ങള്‍ അവനെ വിളിച്ചു മര്യാദയ്ക്ക് സ്വന്തം കാര്യം നോക്കി നടക്കാന്‍ പറഞ്ഞേക്കണം..ഞാന്‍ അന്നേ പറഞ്ഞതല്ലേ എന്റെ വീട്ടില്‍ നിന്നോളാം എന്ന്..ഇതൊക്കെ വല്യ ശല്യമാ..ങേ..(ചിരിക്കുന്നു)..ശരി ഇക്ക..രാത്രി വിളിക്ക് കേട്ടോ..ഹ്മം....ശരി..” അവള്‍ ഫോണ്‍ വച്ചു.

തന്നോട് പറയാനുള്ളത് അവള്‍ ഫോണിലൂടെ ഉറക്കെ അവനോട് പറഞ്ഞു കൊടുത്തത് കേട്ട അബു തകര്‍ന്ന മനസോടെ