Chapter Title : കാമിനി 2 [SARATH]

വല്ലതും നോക്കുന്നുണ്ടോ... അതോ ഇനിയും പഠിക്കാനാണോ  പ്ലാൻ...?
ഞാൻ : അല്ല ഇനി എന്തെങ്കിലും ജോലി നോക്കണം.
അച്ഛൻ : എന്നാ ഞാൻ ഒരു ജോലി ശെരിയാക്കി തരാം...
ഞാൻ : എന്ത് ജോലി...
അച്ഛൻ : വലിയ പണിയൊന്നുമല്ല....
ഞാൻ : എന്താണ് എന്ന് പറ....
അച്ഛൻ : അതൊക്കെ പറയാം നിനക്ക് താല്പര്യം ഉണ്ടെങ്കിൽ പോയി ഡ്രസ്സ്‌ മാറ്റി വാ.... പിന്നെ അമ്മയോട് ഇപ്പൊ ഒന്നും പറയണ്ട.
അമ്മയോട് പറയണ്ടാന്നു പറഞ്ഞപ്പോൾ തന്നെ എനിക്ക് ഒന്ന് മനസിലായി. ഇതിലെന്തോ വശപ്പിശക് ഉണ്ടെന്ന്.
എന്തെങ്കിലും വരട്ടെ എന്ന് വിചാരിച്ചു ഞാൻ പോയി ഡ്രസ്സ്‌ മാറ്റി വന്ന് അച്ഛന്റെ കൂടെ കാറിൽ കേറി. ടൗണിലേക്കുള്ള റോഡിൽ കേറാതെ വണ്ടി അച്ഛൻ നേരെ വിട്ടു. " ദൈവമേ എന്നെ കൊല്ലാൻ കൊണ്ടവണോ ".
വണ്ടി കൊറച്ചു ദൂരം പോയപ്പോഴാണ് ഇത് ഏത് റൂട്ടാണെന്ന് എനിക്ക് മനസിലായത്. ഇത്  രമേശേട്ടന്റെ വീട്ടിലേക്കുള്ള റോഡ് ആണ്. എനിക്കൊന്നും പിടികിട്ടിയില്ല. അങ്ങനെ വണ്ടി രമേശേട്ടന്റെ വീടിന്റെ മുന്നിൽ നിന്നു. ദൂരെ നിന്ന് ഒരാൾ ഓടിവരുന്നത് കണ്ടു. അയാൾ വന്ന് വേഗം ഗേറ്റ് തുറന്നു തന്നു. അച്ഛൻ വണ്ടി ഉള്ളിലേക്ക് കേറ്റി. വണ്ടി നിർത്തി ഞാനും അച്ഛനും ഇറങ്ങി. ഗേറ്റ് തുറന്നയാൾ ഞങ്ങളുടെ അടുത്തേക്ക് വന്നു.
അയാൾ : മേഡം പറഞ്ഞിരുന്നു സർ വരുമെന്ന്... ഞാൻ അപ്പുറത്ത്‌ പണിയിലായിരുന്നു അതാ ഗേറ്റ് തുറക്കാൻ വൈകിയത്.
അച്ഛൻ : അത് സാരമില്ല... അകത്താളുണ്ടോ..
അയാൾ : മാഡം ഉണ്ട് സാറേ...
അച്ഛൻ : ഹ ശെരി..