കാഞ്ഞിരക്കുറ്റി 11

Kanjirakkutti Part 11 | Author : Luster

[ Previous Part ] [ www.kkstories.com ]

(അദ്ധ്യായം 35)

പാറത്തൊടി തറവാടിന്റെ പഴകി ദ്രവിച്ചു പൊടിപടലങ്ങൾ മൂടിയ അകത്തളങ്ങളിൽ നിശബ്ദത പാരാവാരം പോലെ വിശാലമായി കിടന്നു. ഇടക്ക് ഏതൊക്കെയോ മുറികളിൽ വവ്വാലുകൾ ചിറകിട്ടടിക്കുകയും കരയുകയും ചെയ്യുന്ന ശബ്ദങ്ങൾ ഉയരുന്നുണ്ട്.

തങ്ങൾക്ക് മുന്നിൽ നിശബ്ദരായി ഇരിക്കുന്ന വാഹിദിനെയും ആതിരയെയും കിഷോറിനെയും നോക്കിക്കൊണ്ട് അമ്മുവും രാജനും ആ പഴയ കട്ടിലിൽ കൈവിലങ്ങുകളുമായി ഇരുന്നു.

നിലവറയിലെ പരിശോധന കഴിഞ്ഞ ഉദ്യോഗസ്ഥർ ഇതിനകം അസ്ഥികൂടങ്ങളും ജീർണ്ണിച്ചു തുടങ്ങിയതും അഴുകി തുടങ്ങിയതുമായ ശവശരീരങ്ങളുമായി അവിടെ നിന്ന് പോയിക്കഴിഞ്ഞിരുന്നു. അന്തരീക്ഷത്തിൽ അപ്പോഴും ചെറിയ ദുർഗന്ധം അവശേഷിക്കുന്നുണ്ടായിരുന്നു

"എന്നിട്ട്.? പറയൂ. ശരത്തിനെ എങ്ങിനെയാണ് നിങ്ങൾ ഒഴിവാക്കിയത്.?" കിഷോർ രാജനോട് ചോദ്യം ആവർത്തിച്ചു. രാജനിൽ നിന്ന് ദീർഘമായൊരു നിശ്വാസം ഉയർന്നു. അയാളുടെ ചിന്തകൾ വീണ്ടും തന്റെ ഓർമ്മകളിലേക്ക് തിരിഞ്ഞോടി. അയാൾ വീണ്ടും പറഞ്ഞു തുടങ്ങി.

ശരത്തിനു രാജനോട് ശക്തമായ വൈരാഗ്യം വളർന്നു. താൻ ഇത്രനാളും തന്റെ വ്യക്തിത്വം മറച്ചു പിടിച്ചു ജീവിച്ചത്, അല്ലെങ്കിൽ എല്ലാ സൗഭാഗ്യങ്ങളിൽ നിന്നും ഒളിച്ചോടി ഒളിജീവിതത്തിലേക്ക് പലായനം ചെയ്തത് രാജന്റെ ഉപദേശപ്രകാരമാണ്.

ആ ഉപദേശം ഒരു പരാജയം ആയിരുന്നില്ല എന്നത് സത്യം തന്നെ, താൻ എണ്ണിതിട്ടപ്പെടുത്താൻ കഴിയാത്തത്ര സമ്പന്നതയിലേക്ക് വളർന്നു ശക്തനായി മാറിയിട്ടുണ്ടെങ്കിലും, എല്ലാ രഹസ്യങ്ങളും മനസ്സിലാക്കി തങ്ങൾക്കെതിരെ യുദ്ധത്തിനിറങ്ങിയ വാഹിദ് ഒരു വലിയ വെല്ലുവിളിയായി മാറിയിരിക്കുന്നു.

ഏതു വിധത്തിലും അവൻ ഈ ഉൾക്കളികളുടെ വേരുകൾ തേടിയിറങ്ങി കണ്ടെത്തിക്കഴിഞ്ഞാൽ, താൻ ഒരിക്കലും പുറംലോകം കാണാത്ത വിധം അകത്താകും. മരിച്ചുപ്പോയി എന്ന് ജനങ്ങളെയും നിയമത്തെയും കബളിപ്പിച്ചു കഞ്ചാവു കടത്തലിലൂടെ കോടികൾ സമ്പാദിച്ച പേരിലൂടെ തന്റെ അച്ഛൻ കെട്ടിപ്പടുത്ത സൽപ്പേരുള്ള ബിസിനസ്സ് സാമ്രാജ്യം വരെ തകർന്നു തരിപ്പണമാകും.

അപ്പോൾ രാജനിലേക്ക് മടങ്ങിച്ചെല്ലുകയും തടസ്സങ്ങൾ അയാളിലൂടെ തന്നെ അതിജീവിക്കുകയും ചെയ്യുകയെന്നതാണ് ഏറ്റവും ഉചിതമായ മാർഗ്ഗം എന്ന് ശരത്ത് തീരുമാനിച്ചു.

രജനിയുമായുള്ള തന്റെ ആദ്യകാല ബന്ധത്തിലൂടെ തനിക്ക് എളുപ്പം അത് സാധിച്ചെടുക്കാൻ കഴിയുമെന്ന് അവന് നല്ല ഉറപ്പുണ്ടായിരുന്നു.

അതുകൊണ്ട് ഒരു മുന്നറിയിപ്പും സൂചനയും നൽകാതെ, ഒരു