Chapter Title : കാതങ്ങൾ തോറുമേ 1 💙 [Batman]

നടന്നു. ആന്റണി അവിടെ പത്രം വായിക്കുന്നു. അമ്മച്ചി ചായ അവന് കൊടുത്തു.

അമ്മച്ചി :- കുട്ടായി, നീ കവലയിലേക്ക് പോകുമ്പോ അമ്മച്ചിയെ ആ റോസിടെ വീട്ടിൽ ആക്കിയേക്കണേ ഡാ.?

ആന്റണി:- എന്നാ അമ്മച്ചി അവിടെ?

അമ്മച്ചി :- ഓ ഒന്നുല്ലടാ.. കുറച്ചായില്ലേ റോസ്യ കണ്ടിട്ട്..നീ കൃഷി ഓഫീസിൽ പോയേച്ചും തിരിച്ചു വരുമ്പോൾ അമ്മച്ചിയെ കൂട്ടിയമതി എന്നാ..?

ആന്റണി :- അഹ്.. എന്നാ അമ്മച്ചി റെഡിയാവ് ഞാൻ കുളിച്ചേച്ചും വരാം..

തലയിൽ എണ്ണയും തേച്ചു തോർത്തുമെടുത്തു ആന്റണി പുറത്തെ കുളിമുറിയിൽ കയറി.ഉടത്തിരുന്ന കള്ളിമുണ്ട് ഊരി കഴുകി പിഴിഞ്ഞു. പൈപ്പ് തുറന്നു വെള്ളം കോരിയൊഴിച്ഛ് ആന്റണി കുളിച് ഇറങ്ങി. അകത്ത് നല്ല ഒരു അറ്റാച്ഡ് ബാത്റൂം ഉണ്ടെങ്കിലും ആന്റണിക്ക് വര്ഷങ്ങളായി പുറത്തെ കുളിമുറിയാണ് ഇഷ്ടം.

കുളിച് തൂവർത്തി മാറിയുടക്കാനുള്ള മുണ്ടും ഉടുത്ത ആന്റണി പുറത്തേക്ക് ഇറങ്ങി.

കഴുകിയ കള്ളിമുണ്ടും വിരിച്ചിട്ട് അകത്തേക്ക് നടന്നു. ചെവിയിലെ വെള്ളം തോർത്തുകൊണ്ട് തുടച്ചുകൊണ്ട് ആന്റണി അടുക്കളയിലെ മങ്കലത്തിൽ നിന്നും വെള്ളവും കുടിച് തന്റെ മുറിയിലേക്ക് കയറി.

അലമാര തുറന്നു നല്ല ഒരു ഉടുപ്പ് എടുത്തിട്ടു. എന്നും ഇടുന്ന നിറം മങ്ങിയ ഉടുപ്പ് അവൻ എടുത്തില്ല. ഇട്ടി ചേട്ടന്റെ കൂടെ ഒരു സ്ഥലം നോക്കാൻപോകാമെന്ന് പറഞ്ഞിരുന്നു. അവൻ ആ കളം ഷർട്ടും കഞ്ഞിപശ മുക്കിയ വെള്ളമുണ്ടും ഉടുത്തു. തലമുടിയും കോതിയൊതുക്കി പുറത്തേക്ക് ഇറങ്ങി.

ആന്റണി :- അമ്മച്ചി ഇറങ്ങാം..

അന്നമ്മ :- നീ കഴിക്ക് കുട്ടായി.. അമ്മച്ചി ഇപ്പോൾ വരാ..

ആന്റണി കഴിക്കാൻ ഇരുന്നു.പുട്ടും ബീഫ് കറിയും കുഴച്ചു കഴിക്കുമ്പോൾ അമ്മച്ചി പുറത്തേക്ക് ഇറങ്ങി. അവന്റെ വേഷം കണ്ടിട്ട് അമ്മച്ചി ഒന്ന് ചിരിച്ചോ?

അന്നമ്മ :- നീ വേറെ എങ്ങോട്ടേലും പോകുന്നുണ്ടോ കൂട്ടായി?

ആന്റണി ചായ എടുത്ത് കുടിച്ചുകൊണ്ട് പറഞ്ഞു.

:- ഇട്ടി ചേട്ടനോട് ഒരു സ്ഥലം നോക്കാൻ പറഞ്ഞിരുന്ന അമ്മച്ചി അതൊന്നു കാണാൻ പോണം.

അന്നമ്മ :- ഈ തൊഴുത്തും ഏലവും കുരുമുളകും പോരാഞ്ഞിട്ട് അന്നോ നീ വേറെ സ്ഥലം നോക്കുന്നെ കുട്ടായി. എല്ലായിടവും നീ തന്നെ പോയി നോക്കണ്ടേ??

ആന്റണി :- അതിപ്പോ എന്നാ അമ്മച്ചി.. ഇച്ചിരി കോകോ ചെടി കൂടെ വച്ചാൽ എന്നാ ഒണ്ടാകാന..??

അന്നമ്മ :- എന്നന്നുവെച്ച കാണിക്ക്..

അമ്മച്ചി അതും പറഞ്ഞു അകത്തേക്ക് പോയി. ആന്റണി കഴിച്ച പാത്രവും എടുത്ത് അടുക്കളയിലേക്ക് പോയി.. ആന്റണി അകത്ത് നിന്നും അമ്മച്ചി കേൾക്കാൻപാകത്തിനു വിളിച്ചുപറഞ്ഞു.

:-