കാടുവെട്ട് [K B N]

കാടുവെട്ട്
Kaaduvettu | Author : K B N

“ ടാ… നിന്നെ ആരാണ്ട് അന്വേഷിച്ചു വന്നേക്കുന്നു…… പണിക്കാണെന്ന് തോന്നുന്നു… “

സുമലത അഴിഞ്ഞ മുടി പിന്നിലേക്ക് വാരി ചുറ്റി അജുവിനെ കുലുക്കി വിളിച്ചു……

പുതപ്പു വലിച്ചു മാറ്റി, അവൻ ചാടിയെഴുന്നേറ്റു..

“ ആരാ… ?””

“” എനിക്കറിയാൻ മേല… നീ ചെന്ന് നോക്ക്… “”

അജു വീടിനകത്തു നിന്നും മുറ്റത്തേക്കിറങ്ങി ചെന്നു…

ഡേവിഡ് സർ…… ..!

കാറിൽ ചാരി ഫോണിൽ തോണ്ടി നിൽക്കുന്ന ആളെ ഒറ്റ നോട്ടത്തിൽ മനസ്സിലായി……

അവനെ കണ്ടതും അയാൾ ഫോൺ മാറ്റി നിവർന്നു……

“” അജൂ… നമ്മുടെ പറമ്പിലെ കാടൊക്കെ ഒന്ന് വെട്ടി വൃത്തിയാക്കണം.. രണ്ടു മഴ കൊണ്ടു തന്നെ ഏതാണ്ട് വനം പോലെയായി…… “

“” അതിനെന്താ സാറേ… “”

അജു എളിമ ഭാവിച്ചു……

“” എന്ന് വരാൻ പറ്റും..? “”

“” ഇന്ന് വരണോ… ?

“” നിന്റെ ഒഴിവു പോലെ പോര്… ഞാൻ വീട്ടിൽ കാണത്തില്ല… “

“” ആയിക്കോട്ടെ സാറേ… “

“ എത്രയാ നിന്റെ ചാർജ്ജ്……… ?””

തിരികെ കാറിലേക്ക് കയറാൻ നേരം ഡേവിഡ് തിരിഞ്ഞു കൊണ്ടു ചോദിച്ചു……

അജു , നിന്നു തല ചൊറിഞ്ഞു…

“” ആ… എത്രയായാലും അവളോട് പറഞ്ഞാൽ മതി…… “

ഡേവിഡ് കാറിൽക്കയറി സ്ഥലം വിട്ടു……

ആമസോൺ മൊത്തം മിഷ്യൻ ഉപയോഗിച്ച് വെട്ടാൻ കരാർ കിട്ടിയ സന്തോഷത്തിൽ അജു ഒരു നിമിഷം വണ്ടറടിച്ചു നിന്നു..

അജു …

അജീഷ്…

സുന്ദരൻ.. സുമുഖൻ.. ആരോഗ്യമുള്ള ഇരുപത്തിരണ്ടുകാരൻ…

അപ്പന്റെ മുടിഞ്ഞ കുടി കാരണം കൂലിപ്പണിക്കിറങ്ങിയവൻ…

അ