Chapter Title : കാവ്യ ഭംഗി [Tjzad]

പരിചയപ്പെടാനാ?

ശരിയാ. പക്ഷെ റഫീഖ് ഇക്കയെ എല്ലാരും അറിയും. എല്ലാരും ഇക്കാക്ക എന്നല്ലേ വിളിക്കുന്നത്. ആമ്പിള്ളേർ എല്ലാരും വളരെ ബഹുമാനത്തോടെ നിൽക്കുന്നത് ഞാൻ കണ്ടിട്ടുണ്ട്. ഞങ്ങൾ പെമ്പിള്ളേർക്കും വല്ല്യ ബഹുമാനം ആണ്.

ഇതെല്ലാം സംസാരിച്ചു ഞാൻ നടക്കുന്ന വഴിയേ തന്നെ അവൾ നടന്നു.

ഇവിടെ അടുത്താണോ തന്റെ വീട്? സോറി പേര് ചോദിക്കാൻ മറന്നു. എന്താ പേര്?

എന്റേ പേര് കാർത്തിക. ഇവിടെ അടുത്താണ് വീട്. ആ കാണുന്ന പടത്തിനു ചേർന്ന റോഡിലൂടെ പോകണം.

പടച്ചവനെ.. എന്റെ നാട്ടിൽ തന്നെ ഇത്ര സുന്ദരിയായ കുട്ടി ഉണ്ടായിരുന്നോ? ഞാൻ മനസ്സിൽ വിചാരിച്ചു.

ആഹാ ഇവിടെ ആണോ വീട്. എന്നാൽ ഇനി എല്ലായിപ്പോഴും ഒരുമിച്ചു പോകാലോ.

അതിനു നമ്മൾ എന്നും ഒരുമിച്ചു തന്നെയാണ് പോകാറുള്ളത്. 6. 30 നുള്ള കെ എസ് ആർ ടി സി കുട്ടു ഇക്കാക്ക കയറുമ്പോൾ ഞാനും ഉണ്ടാകാറുണ്ട്. ഇക്കാക്ക ശ്രദ്ധിക്കാറില്ല.

പലരും എന്നെ ഇക്കാക്ക എന്ന് വിളിക്കാറുണ്ടേലും അവളുടെ ആ വിളി എന്നെ ഒരുപാട് സന്തോഷവാനാക്കി.

അവൾക് തിരിയാൻ ഉള്ള വഴിയെത്തി. അവൾ ബൈ പറഞ്ഞു റോഡ് ക്രോസ്സ് ചെയ്തു. പോകാൻ നേരം ഒരു ബൈ കൂടി തന്നു. ഞാൻ നോക്കി നിന്നും. അപ്പോൾ അവൾ എന്തോ മറന്ന പോലെ തിരികെ വന്നു എന്നെ കൈ കൊണ്ട് അടുത്തേക്ക് വിളിച്ചു. ഞാൻ റോഡ് മുറിച്ചു അവളുടെ അടുത്തേക്ക് പോയി.

ഇക്കാക്കടെ നമ്പർ തരുമോ? ഞാൻ ആദ്യമായിട്ടാ ഇത്ര ദൂരം ഒക്കെ പോയി വരാനുള്ളത്. അമ്മക്ക് കൊടുക്കാൻ ആണ്. അമ്മയോട് ഞാൻ പറഞ്ഞിട്ടുണ്ട് ഇക്കാക്കയെ കുറിച്.