Chapter Title : കായംകുളം കിംഗ് 🏓 1 [Teena John]

വീട്ടിലെത്തിയപ്പോൾ അച്ഛൻ ചോദിച്ചു, "എന്താടാ നേരത്തെ വന്നത്?"
ഞാൻ: "കടയിൽ ചെറിയൊരു പ്രശ്നം അച്ഛാ. ഞാൻ ആ ജോലി നിർത്തി. അതിലും നല്ലൊരു വരുമാനം എനിക്ക് ഇപ്പോൾ കിട്ടുന്നുണ്ട്."
അച്ഛൻ്റെ കണ്ണുകളിൽ സംശയമുണ്ടായിരുന്നു. പക്ഷേ കയ്യിലുള്ള നോട്ടുകെട്ടുകൾ കണ്ടപ്പോൾ അദ്ദേഹം കൂടുതൽ ചോദ്യങ്ങൾ ചോദിച്ചില്ല.

പണം എല്ലാ സത്യങ്ങളെയും മൂടിവെക്കാൻ പ്രാപ്തിയുള്ളതാണെന്ന് ഞാൻ മനസ്സിലാക്കി.
ജോലി പോയതോടെ എനിക്ക് കൂടുതൽ സമയവും സ്വാതന്ത്ര്യവും ലഭിച്ചു. ജയപ്രഭയെ വിളിച്ച് ഞാൻ പറഞ്ഞു, "ഞാൻ ഇപ്പോൾ ഫ്രീയാണ്. എപ്പോൾ വേണമെങ്കിലും എവിടെ വേണമെങ്കിലും വരാൻ ഞാൻ തയ്യാറാണ്."
അവിടെ തുടങ്ങുകയായിരുന്നു എൻ്റെ പ്രൊഫഷണൽ ജിഗോള ജീവിതം.

ഇനി എനിക്ക് ക്ലയൻ്റുകളെ കാത്തുനിൽക്കേണ്ടി വന്നില്ല, അവർ എന്നെ തേടി വരാൻ തുടങ്ങി.

🏓🏓🏓🏓🏓🏓🏓🏓🏓🏓

തുണിക്കടയിലെ ജോലി നഷ്ടപ്പെട്ട ആ ദിവസം എൻ്റെ ജീവിതത്തിലെ ഒരു വലിയ ഭാരം ഒഴിഞ്ഞുപോയതുപോലെയാണ് എനിക്ക് തോന്നിയത്. അപമാനത്തേക്കാൾ ഉപരി, ഒരുതരം സ്വാതന്ത്ര്യമാണ് ഞാൻ അനുഭവിച്ചത്. നേരെ ജയപ്രഭയുടെ വീട്ടിലേക്കാണ് ഞാൻ പോയത്. അവിടെ എന്നെ കാത്തിരുന്നത് എൻ്റെ ജീവിതത്തിലെ മറ്റൊരു വലിയ വഴിത്തിരിവായിരുന്നു.

ജയപ്രഭചേച്ചി അവരുടെ വീട്ടിലേക്ക് പെട്ടെന്ന് ചെല്ലണം എന്ന് പറഞ്ഞ് വിളിച്ചു.

കാളിംഗ് ബെല്ലടിച്ചപ്പോൾ വാതിൽ തുറന്നത് ജയപ്രഭയായിരുന്നു. എന്നെ കണ്ടതും അവർക്ക് കാര്യം മനസ്സിലായി.

ജയപ്രഭ: "എന്താടാ ഒരു വിഷമം? ജോലിക്ക് പോയില്ലേ?"
ഞാൻ നടന്ന കാര്യങ്ങളെല്ലാം ചുരുക്കത്തിൽ പറഞ്ഞു. സോമൻ ചേട്ടൻ്റെ ശകാരവും ജോലി പോയതുമെല്ലാം കേട്ടപ്പോൾ ജയപ്രഭ ഒന്ന് പൊട്ടിച്ചിരിച്ചു.

ജയപ്രഭ: "സാരമില്ലെടാ. ആ കടയിൽ നീ എന്തിനാ ഇനിയും നിൽക്കുന്നത്? നിനക്ക് ഇതിലും വലിയ ലോകം പുറത്തുണ്ട്. അകത്തേക്ക് വരൂ, നിന്നെ ഒരാളെ പരിചയപ്പെടുത്താനുണ്ട്."

അകത്തെ ഹാളിൽ സോഫയിൽ ലാപ്ടോപ്പും തുറന്നിരുന്ന് ഒരാൾ ഇരിക്കുന്നുണ്ടായിരുന്നു. ഏകദേശം 45 വയസ്സ് പ്രായം. സ്വർണ്ണ ഫ്രെയിമുള്ള കണ്ണടയും, കഴുത്തിൽ ഒരു വലിയ രുദ്രാക്ഷ മാലയും. ഒരു പ്രത്യേക ഗാംഭീര്യം ആ സ്ത്രീക്കുണ്ടായിരുന്നു.

ജയപ്രഭ: "ഇത് ഗീതാ മേനോൻ. പ്രശസ്ത എഴുത്തുകാരിയാണ്. സിനിമയിലും സീരിയലിലുമൊക്കെ നല്ല ബന്ധമുള്ള ആളാണ്."
ഗീത എന്നെ ഒന്ന് അടിമുടി നോക്കി. ഒരു കഥാപാത്രത്തെ പഠിക്കുന്നതുപോലെ ആഴത്തിലുള്ള നോട്ടം.