കൈ വിട്ട ഭാര്യ

Kai Vitta Bharya | Author : Aani

​ഇതു ചെറിയ ഒരു അനുഭവ കഥയാണ് പക്ഷെ സംഗതി അങ്ങനെ എഴുതിയാൽ കുറഞ്ഞു പോകുമെന്ന് തോന്നിയ കൊണ്ട് കുറച്ച് എരിവും പുളി യും ചേർക്കുന്നു… എന്തായാലും ഇപ്പോളത്തെ രീതി അനുസരിച് ലൈക്, കമെന്റ് തീരെ കുറവായിരിക്കും അറിയാം എങ്കിലും എന്റെ സന്തോഷത്തിന് എങ്കിലും എഴുതും ആരെയും ലൈക്കും കമെന്റും ചെയ്യാൻ നിർബന്തിക്കില്ല 👍

നമ്മുടെ ആ യാത്ര ശരിക്കും ഒരു പ്ലാൻ ചെയ്ത ഒന്നായിരുന്നില്ല. കണ്ണൂരിൽ നിന്നും ഋതുവിന്റെ ഒരു അത്യാവശ്യ കാര്യത്തിന് വേണ്ടി മംഗലാപുരത്ത് പോയി തിരിച്ചു വരികയായിരുന്നു ഞങ്ങൾ. നേരം ഇരുട്ടി തുടങ്ങിയിരുന്നു. രാത്രിയുടെ നിശബ്ദതയെ കീറിമുറിച്ചുകൊണ്ട് എന്റെ കാർ റോഡിലൂടെ നീങ്ങുകയാണ്.

​മംഗലാപുരം-കേരള ബോർഡറിൽ എത്തിയപ്പോൾ തന്നെ ദൂരെ ആകാശത്ത് വർണ്ണങ്ങൾ വിരിയുന്നത് കണ്ടു. ആ ഭാഗത്തെ വലിയൊരു അമ്പലത്തിൽ ഉത്സവമാണ്. അമ്പലത്തിന്റെ പേര് ഞാൻ ഓർക്കുന്നില്ലെങ്കിലും, അവിടുത്തെ വെടിക്കെട്ട് ഭയങ്കര ഫേമസ് ആണെന്ന് പണ്ട് ആരോ പറഞ്ഞു കേട്ടിട്ടുണ്ട്.

​സമയം രാത്രി 9 മണി കഴിഞ്ഞു കാണും. റോഡിൽ നല്ല ബ്ലോക്കുണ്ട്. ഉത്സവത്തിന്റെ തിരക്ക് കാരണം വണ്ടികൾ ഇഴഞ്ഞാണ് നീങ്ങുന്നത്. അമ്പലത്തിന്റെ ഒരു വശത്തായി ചെറിയ രീതിയിലുള്ള കരിമരുന്ന് പ്രയോഗം നടക്കുന്നുണ്ടായിരുന്നു.

​മുന്നിലെ ബ്ലോക്ക് എങ്ങനെയെങ്കിലും ഒന്ന് ഒഴിഞ്ഞു കിട്ടാൻ ഞാൻ ഗിയർ മാറ്റി ആഞ്ഞു ശ്രമിക്കുമ്പോഴാണ് പകുതി തുറന്ന വിൻഡോ ഗ്ലാസിലൂടെ പുറത്തേക്ക് നോക്കി ഇരുന്നിരുന്ന ഋതു എന്റെ കൈയിൽ മെല്ലെ തട്ടിയത്.

​"ഏട്ടാ... ഇവിടെ ഒന്ന് ഇറങ്ങിയാലോ? ആ വെടിക്കെട്ട് ഒന്ന് കണ്ടിട്ട് പോകാമെന്നേ..."

​ആ കണ്ണുകളിലെ തിളക്കം കണ്ടപ്പോൾ എനിക്ക് വേണ്ടെന്ന് പറയാൻ തോന്നിയില്ല. ഈ ബ്ലോക്കിൽ കിടന്ന് മടുക്കുന്നതിനേക്കാൾ നല്ലത് അല്പം സമയം ആ ഉത്സവ ലഹരിയിൽ മുഴുകുന്നത് തന്നെയല്ലേ എന്ന് ഞാനും ചിന്തിച്ചു.

​"ശരി, ഭാഗ്യമുണ്ടെങ്കിൽ വണ്ടി പാർക്ക് ചെയ്യാൻ ഒരിടം കിട്ടും,"

ഞാൻ പറഞ്ഞു.

​വളരെ കഷ്ടപ്പെട്ട് റോഡരികിലെ ഒരു ചെറിയ ഗ്യാപ്പിൽ വണ്ടി ഒതുക്കി നിർത്തി. പുറത്തിറങ്ങിയപ്പോൾ തന്നെ ചെണ്ടമേളത്തിന്റെ ഇരമ്പലും കരിമരുന്നിന്റെ ഗന്ധവും ഞങ്ങളെ എതിരേറ്റു. ഋതുവിന്റെ മുഖത്ത് ആ പഴയ കുട്ടിക്കാലത്തെ കൗതുകമായിരുന്നു.

​"വേഗം വാ ഏട്ടാ, അത് തീരുന്നതിന് മുൻപ് നമുക്ക് ആ പറമ്പിന്റെ അടുത്തേക്ക് എത്തണം!"

എന്റെ കൈ പിടിച്ചു വലിച്ചു കൊണ്ട് അവൾ മുന്നോട്ട് നടന്നു.

​ആ ആൾക്കൂട്ടത്തിനിടയിൽ ഋതുവിനെയും കൊണ്ട് നിൽക്കുന്നത് എനിക്ക്