Chapter Title : കളഞ്ഞു കിട്ടിയ തങ്കം 3 [Lathika]

തൻ്റെ വീട്ടിൽ കൊണ്ടു വിടുകയെങ്കിലും ചെയ്തേനെ .

കരഞ്ഞു കരഞ്ഞവളുടെ വെളുത്ത മുഖം ചുവന്ന് ചീർത്തിരുന്നു. സോഫയിൽ ചന്ദ്രേട്ടനെ കാണാതായപ്പോൾ ബാത്ത് റൂമിൽ പോയിട്ടുണ്ടാകുമെന്ന് കരുതി. ഒരു കള്ളപ്പുള്ളി പോലെ എഴുന്നേറ്റ് അടുക്കളയിൽ ചെന്ന് കാപ്പി വെച്ച് ഒരു കപ്പ് ഡൈനിങ്ങ് ടേബിളിൽ കൊണ്ടു വെച്ചു. ഇതു വരെ ബാത്ത് റൂമിൽ നിന്നും എണീറ്റില്ലെ എന്നോർത്ത് അവിടെ നോക്കിയപ്പോൾ അതിനുള്ളിൽ ആളില്ല എല്ലാ റൂമിലും പോയി നോക്കി. മുറ്റത്തും നോക്കി അവിടെയെങ്ങും ആളില്ല. അവൾക്ക് എന്തോ അപായസൂചന പോലെ തോന്നി.

അവളാകെ വിയർത്തു. പേടി കൊണ്ടവൾ വിറച്ചു.കരഞ്ഞുകൊണ്ട് ചന്ദ്രേട്ടാ എന്ന് വിളിച്ച് അങ്ങോട്ടുമിങ്ങോട്ടും ഓടി. ബെഡ് റൂമിൽ ചെന്ന് ഒന്നുകൂടി നോക്കി അപ്പോൾ ടേബിളിൽ ഒരു കവറും കാറിൻ്റെ കീയും ഒരു ചെക്ക് ബുക്കും കല്ല്യാണ മോതിരവും വാച്ചും ഏട്ടൻ്റെ മൊബൈലും ഒരുമിച്ചിരിക്കുന്നതവൾ കണ്ടു. തകർന്ന മനസ്സോടെ എന്നെ ഒറ്റക്കാക്കി പോയോ ഏട്ടാ എന്നുറക്കെ കരഞ്ഞുകൊണ്ട് കവറെടുത്ത് അതിനുള്ളിലെ ലെറ്റർ പുറത്തെടുത്തു വായിക്കാൻ തുടങ്ങി.

എൻ്റെ ജീവൻ്റെ ജീവനായ റിയമോളെ ,

ഞാൻ പോകുകയാണ് എങ്ങോട്ടെന്നറിയാതെ. ഈ കത്തും എഴുതണ്ട എന്നു കരുതിയിരുന്നതാണ്. പക്ഷെ മനസ്സനുവദിക്കുന്നില്ല. ഒന്നെനിക്ക് മനസ്സിലായി ഞാൻ തനിക്ക് ഒട്ടും ചേർന്ന ഭർത്താവായിരുന്നില്ലെന്ന്. തന്നെ തൃപ്തിപ്പെടുത്താൻ കഴിവില്ലാത്ത ഷണ്ടനായ ഒരുത്തനാണ് ഞാനെന്ന് ഇന്നലെ എനിക്ക് മനസ്സിലായി. അവൻ്റെ മുഖം കണ്ടില്ലെങ്കിലും കരുത്തനും സുന്ദരനുമായിരിക്കും അവൻ എന്നെനിക്ക് തോന്നുന്നു. അവനെ വിവാഹം ചെയ്ത് സുഖമായി ജീവിക്കുക. ഞാൻ ഒഴിഞ്ഞു തരാൻ സമ്മതമാണെന്നറിയിച്ചു ഒരു കത്തും എൻ്റേയും നിൻ്റേയും വീട്ടുകാരെ കാണിക്കാൻ വേറൊരു കത്തും ഇതോടൊപ്പം വെക്കുന്നു. ഇനി എന്നെ തിരയരുത്.

തൻ്റെ അച്ചൻ എനിക്ക് സമ്മാനിച്ച വിലപിടിച്ച കാറിൻ്റെ താക്കോലും വിവാഹമോതിരവും ഇതോടൊപ്പമുണ്ട്. എല്ലാ ലീഫുകളും ഒപ്പിട്ട ചെക്ക് ബുക്കും ഇതോടൊപ്പമുണ്ട് അത് എടുത്തുപയോഗിച്ചോളു. എനിക്കിനി പണത്തിൻ്റെ യാതൊരാവശ്യവും ഉണ്ടാകില്ല. ഇങ്ങനെ പറഞ്ഞതുകൊണ്ട് ഞാൻ ആത്മഹത്യ ചെയ്യുമെന്ന് കരുതണ്ട ഞാനങ്ങിനെ ചെയ്യില്ല.

തന്നോട്, എൻ്റെ അറിവിൽ ഞാനൊരു തെറ്റെ ചെയ്തിട്ടുള്ളു. മാസങ്ങൾക്ക് മുൻപ് തനിക്കാരുമായോ ബന്ധമുള്ളതായി സംശയം തോന്നി തുടങ്ങിയപ്പോൾ തൻ്റെ മൊബൈലിൽ ഒരു രഹസ്യ ആപ്പ്