Chapter Title : കളഞ്ഞു കിട്ടിയ തങ്കം 3 [Lathika]

പോലും സമ്മതിക്കാത്ത അവളെ എനിക്ക് വേണ്ട. എൻ്റെ എല്ലാ സങ്കൽപ്പങ്ങൾക്കും അനുയോജ്യയായ കുട്ടിയുമൊത്താണ് ഞാൻ പോകുന്നത്.

ഞങ്ങളെ ഒരു കാരണവശാലും അന്വേഷിക്കരുത്.
ഈ കത്തും കീറാൻ തുടങ്ങിയെങ്കിലും അത് ചെയ്തില്ല. എൻ്റെ ചന്ദ്രേട്ടാ എന്നെ ഇങ്ങനെ ശിക്ഷിക്കണമായിരുന്നോ, അപ്പോൾ തന്നെ എന്നെ കൊന്നു കളയാമായിരുന്നില്ലെ. അവൾ തൻ്റെ തെറ്റോർത്ത് വാവിട്ടു കരഞ്ഞു. ഉച്ചവരെ അവൾ അവിടെയിരുന്ന് ഓരോന്ന് പറഞ്ഞ് കരഞ്ഞു കൊണ്ടിരുന്നു . പിന്നെ തൻ്റെ അമ്മയെ വിളിച്ച് ചന്ദ്രേട്ടൻ തന്നെ ഉപേക്ഷിച്ചു പോയ കാര്യം അറിയിച്ചിട്ട് അവർ വരുന്ന വരെ സെറ്റിയിൽ പോയി കിടന്നു.

ഒരു മണിക്കൂറിനകം രണ്ട് വീട്ടുകാരുമെത്തി. റിയയുടെ അച്ചൻ ചന്ദ്രൻ്റെ വീട്ടിൽ ഈ വിവരം അറിയിച്ചിരുന്നു. മരണ വീട്ടിലേക്ക് വരുന്ന പോലെ കരഞ്ഞുകൊണ്ടാണ് രണ്ടമ്മമാരും എത്തിയത്. അവർക്കൊന്നും ഈ വാർത്ത വിശ്വസിക്കാനെ കഴിഞ്ഞില്ല. റിയക്കുള്ള ലെറ്റർ അവൾ മാറ്റി വെച്ചിരുന്നു. മറ്റേ കത്താണ് അവരെ കാട്ടിയത്. അത് വായിച്ചിട്ടും രണ്ടു വീട്ടുകാർക്കും അത് വിശ്വസിക്കാനേ കഴിഞ്ഞില്ല. സ്വന്തം വീട്ടിലെത്തിയ അവളോട് ആരും ഒന്നും ചോദിക്കാൻ പോയില്ല.

അവൾ അവളുടെ റൂമിൽ കേറി വാതിലടച്ചു കുറ്റിയിട്ട് കിടക്കയിലേക്ക് കിടന്ന് തൻ്റെ ദുർവിധി ഓർത്ത് കരഞ്ഞു. എന്തു സുന്ദരവും സന്തോഷമുള്ളതുമായിരുന്നു തങ്ങളുടെ കുടുംബ ജീവിതം. വിവാഹം കഴിഞ്ഞ് രണ്ട് വർഷമാകാറായിട്ടും യുവ മിധുനങ്ങളെപ്പോലെയാണ് തങ്ങൾ ജീവിച്ചിരുന്നത്. ഒരിക്കൽ പോലും ചന്ദ്രേട്ടൻ തന്നെ ചീത്ത പറയുകയോ, ഒച്ചയിൽ തന്നോട് സംസാരിക്കുകയോ ചെയ്തിട്ടില്ല. ഏട്ടൻ ഒരിക്കലെങ്കിലും എന്നോട് ദേഷ്യപ്പെട്ട് സംസാരിക്കുവാൻ താൻ കൊതിച്ചിട്ടുണ്ട്. ഒരു ചെറിയ തലവേദന വന്നാൽ പോലും ഏട്ടന് ആധിയാണ്. അത് മാറുന്നവരെ തൻ്റെ