Chapter Title : കള്ളൻ പവിത്രൻ 5 [പവിത്രൻ]

പോവുന്നതാരെലും കണ്ടിരുന്നോ..? "

അവളുടെ മുഖത്ത് ഇത് വരെ കാണാത്ത പരിഭ്രാന്തി.

"ആര് കാണാൻ.. ആരും കണ്ടില്ല. "

അവളുടെ പേടിയകറ്റാൻ അവന്റെ വാക്കുകൾക്കായില്ല.

"നാട്ടിൽ മുഴുവൻ പാട്ടാണ്.. ഞാൻ കള്ളൻ പവിത്രനു കാലകത്തി കൊടുത്തുന്നു.. "

അവൾ കരച്ചിലിന്റെ വക്കിലെത്തി.

"എന്റെ സുഭദ്രേ നാട്ടുകാരങ്ങനെ പലതും പറയും. നീ ഇങ്ങു വന്നേ.. "

അവളെ തന്റെ നെഞ്ചിലേക്കവൻ ചേർത്തു പിടിച്ചു. എന്തായാലും ഇത് പവിത്രന്റെ പേരിലായതിൽ അയാൾ സന്തോഷിച്ചു. ഇരിക്കട്ടെ പവിത്രനു തന്റെ വക ഒരു കുതിര പവൻ. അയാളുടെ നെഞ്ചിൽ ചേർന്നു കിടന്നപ്പോൾ അവളുടെ നെഞ്ചിൽ നിന്നു ഒരു വല്യ ഭാരമിറക്കി വച്ച പോലവൾക് തോന്നി . കണ്ണ് തുടച്ചു. ഒരു ചിരി വരുത്താൻ ശ്രെമിച്ചു കൊണ്ടവൾ തിരിഞ്ഞു നടന്നു.

"അമ്മയും മോളും? "

"അവരെല്ലാം അമ്പലത്തിലാ. ഇന്നും നാടകം ഉണ്ടെന്നാ പറഞ്ഞേ ഉത്സവപ്പറമ്പിൽ. "

വർഷത്തിൽ എല്ലാ ദിവസവും ഉത്സവം നടത്തിയിരുന്നെങ്കിലെന്നു ബാലൻ ആശിച്ചു പോയി.

"മാഷേ നമ്മളീ ചെയുന്നത് തെറ്റല്ലേ.. ഇന്ന് രാവിലെ കാർത്യാനി ചേച്ചിയെ കണ്ടിട്ടും ആ മുഖത്തോട്ട് നോക്കാനാവാതെ ഞാൻ ചൂളി പോയി. "

സുഭദ്രയുടെ മുഖം കുറ്റബോധത്താൽ കുനിഞ്ഞു.

"ആദ്യായിട്ടാണോ ഈ നാട്ടിൽ ഒരാണും പെണ്ണും സ്നേഹിക്കുന്നേ.?

ബാലൻ മാഷ് തത്വങ്ങൾ നിരത്തി.

"പക്ഷേ എല്ലാരേം പോലല്ലല്ലോ ഇത്.. "

അവൾ പറഞ്ഞു വരുന്നതിന്റെ അർത്ഥം ബാലന് മനസിലായി.

"ഞാൻ നിന്റെ സാഹചര്യം ചൂഷണം ചെയ്തുന്നാണോ നീ പറഞ്ഞു വരുന്നേ.. "

ബാലൻ മാഷിന്റെ ചോദ്യത്തിന് മുൻപിൽ ഉത്തരമറിയാത്ത കുട്ടിയെ പോലെ അവൾ നിന്നു വിയർത്തു. അവളുടെ