കള്ളനും കാമിനിമാരും 1

Kallanum Kaaminimaarum Part 1 | Author : Prince

എൺപതുകളിലെ മധ്യകേരളത്തിലെ ഒരു ഉൾനാടൻ ഗ്രാമം. റബ്ബറും, കാപ്പിയും, ഏലവും, നാടൻ വാറ്റും മനോഹരമാക്കിയ നാട്. അമ്പലവും, പള്ളിയും  സ്ഥിതിചെയ്യുന്നതിൽനിന്നും മതസൗഹാർദത്തിന്റെ ആഴം സ്പഷ്ടം.

അത്യാവശ്യം ചെറുകടകളും, പിന്നെ രാവിലേയും , ഉച്ചക്കും , വൈകുന്നേരവും വന്നുപോകുന്ന ബസ്സുകൾക്കായി ഒരു കാത്തിരുപ്പ് കേന്ദ്രവും ഗ്രാമത്തിന്റെ മുഖമുദ്രകളായി നിലകൊള്ളുന്നു.
കുന്നിൻ ചരുവിലെ ഒറ്റമുറിവീട്ടിൽ കൂർക്കം വലിച്ചുറങ്ങുന്നു കഥാനായകൻ രവീന്ദ്രൻ എന്ന രവി. തലേ ദിവസത്തെ ജോലി കഴിഞ്ഞുള്ള ഉറക്കം.

ആളെക്കുറിച്ച് പറഞ്ഞാൽ - ദൈവം കനിഞ്ഞുനൽകിയ ആകാര സൗഷ്ടവം. ആവശ്യത്തിന് തടി, ഗോതമ്പ് നിറം, ഒത്ത ഉയരം. ക്ളീൻ ഷേവ് ചെയ്ത മുഖം. ഒരൊറ്റ കുഴപ്പം.

പകൽ നീണ്ട ഉറക്കം. ജോലി രാത്രിയിൽ. വൈകുന്നേരമായാൽ ചായയും വയറു നിറയെ ഭക്ഷണവും കഴിച്ച് ചെറിയൊരു ഭാഗമായി സൈക്കിളിൽ ടൗണിലേക്ക് വച്ചുപിടിക്കും. ബാഗിൽ, ഇസ്തിരിയിട്ട ഷർട്ടും മുണ്ടും.

പിന്നെ, പണിയ്ക്കായുള്ള ടൂൾസും അൽപ്പം വേവിച്ച ആട്ടിറച്ചിയും. ഇപ്പോൾ കക്ഷിയുടെ ജോലി എന്തെന്ന് ഒരു ധാരണ ആയല്ലോ? അതെ... മോഷണം!!!

വൈകുന്നേരം സൈക്കിളിൽ കറങ്ങി "പണിക്ക്"  പറ്റിയ വീട് നോട്ടമിടും. ടാർഗറ്റ് ഉറപ്പിച്ചാൽ, പിന്നെ ഒരു സെക്കന്റ് ഷോ കാണൽ. അത്‌ കഴിഞ്ഞ്, ടാർഗറ്റ് ചെയ്ത വീട്ടിനടുത്തെത്തി ഡ്രസ്സ്‌ മാറും. സൈക്കിൾ പറ്റിയ സ്ഥലത്ത്, ഇരുട്ടിന്റെ മറവിൽ ഒളിപ്പിക്കും. ബാഗുമെടുത്ത് മെല്ലെ വീട്ടിലേക്ക് പിൻവശം വഴി കയറും.

പട്ടിയുള്ള വീടോ പട്ടിയെ അഴിച്ചിട്ട വീടോ ആണെങ്കിൽ  വേവിച്ച ആട്ടിറച്ചി കൈയ്യിൽ കരുതും. ആദ്യം അവയുടെ കുര അവസാനിപ്പിച്ച്