Chapter Title : കള്ളനും കാമിനിമാരും 13 [Prince] [Updated]

നിൻ്റെ വലം കൈ...." രവി ചുറ്റും നോക്കി ചോദിച്ചു

"അവള് നാട്ടിൽ പോയീ... നിങ്ങളോട് പറയണം എന്ന് പറഞ്ഞു...." പിന്നെമ്മ രവിയെ പുണർന്നു.

"ശരി .. ഞാൻ ഇറങ്ങുന്നു... അപ്പോ നാളെ രാത്രി കാണാം..." രവി ഇറങ്ങി.

മുറിയിൽ എത്തിയപ്പോൾ, ഒരു കത്ത് നിലത്ത് കിടക്കുന്നു. ഫ്രം അഡ്രസ്സ് നോക്കിയപ്പോൾ, അതിൽ ഒരു പ്രത്യേക രീതിയിൽ സിസ്റ്റർ എന്ന് മാത്രം എഴുതിയിരിക്കുന്നു. കത്തിൽ, വരുന്ന മാസം നാട്ടിൽ വരുമെന്നും, ഒരു ദിവസം തമ്മിൽ കാണണമെന്നും ആവശ്യപ്പെട്ടിരിക്കുന്നു. ഒരു ബന്ധുവിൻ്റെ കല്യാണം കൂടലാണ് വരവിൻ്റെ ഉദ്ദേശം. അവർ വരാൻ ഉദ്ദേശിക്കുന്ന സ്ഥലം തൻ്റെ നാടിൻ്റെ അടുത്ത് എന്ന് മനസ്സിലായി. കൂടെ ഉണ്ടാവണം എന്ന് കത്തിൽ പ്രത്യേകം സൂചിപ്പിച്ചിട്ടുണ്ട്.

രവി കട്ടിലിലേക്ക് മറിഞ്ഞു. കുറേ നാളായി ഒരു "ഓപ്പറേഷൻ" പ്ലാൻ ചെയ്തിട്ട്. കൈകളും മനസ്സും പെരുക്കുന്നു. പൊന്നമ്മയ്ക്ക് കൊടുത്ത വാക്ക് പാലിക്കണം. അതിന് കനത്തിൽ എന്തെങ്കിലും തടയണം. രവി മനസ്സിൽ ഓർത്തു.

സന്ധ്യ കഴിഞ്ഞതും, രവി ബൈക്കുമെടുത്ത് പുറത്തേക്ക് ഇറങ്ങി.

വണ്ടി ആദ്യത്തെ ടൗണും രണ്ടാമത്തെ ചെറുടൗണും വിട്ട് ചീറി പഞ്ഞു. വഴിവിളക്കുകൾ പിന്നിലേക്ക് ഓടിമറയുന്നു. പോകുന്നവഴി, കൊള്ളാവുന്ന വീടുകൾ, അതും വെട്ടം ഇല്ലാത്തത്, കാണുമ്പോൾ, രവി വേഗത് കുറച്ച്, അവയെ പ്രത്യേകം ശ്രദ്ധിച്ചു. അവസാനം, ഒരു വീട് "സ്കെച്ച്" ചെയ്ത് വീണ്ടും വണ്ടി മുന്നോട്ട് വിട്ട്, കുറച്ച് കഴിഞ്ഞപ്പോൾ ചെറിയൊരു ജങ്ഷൻ കണ്ണിൽപെട്ടു. ഒഴിഞ്ഞ ഒരിടത്ത് വണ്ടി ഒതുക്കി, മുന്നിൽ കണ്ട കള്ള്ഷാപ്പിലേക്ക് കയറി. ഷാപ്പ്കാരൻ ചേട്ടൻ അരികിൽ വന്നു.

"കുടിക്കാൻ ഒന്നും ഇല്ല... എല്ലാം തീർന്നു .. കഴിക്കാൻ തരാം..."

"എന്താ ഉള്ളത്..?"

"കപ്പയും ബോട്ടിയും.. പിന്നെ മത്തി വറുത്തതും... എടുക്കട്ടെ ..?"

"ഉം ... എടുക്ക്...". അത് കേട്ടതും ചേട്ടൻ മൂന്ന് പ്ലെയ്റ്റിൽ ഭക്ഷണവുമായി പെട്ടെന്ന് എത്തി. അമിതമായ വിശപ്പ് കാരണം, പ്ലേറ്റ് പെട്ടെന്ന് കാലിയായി.

"കച്ചോടം പെട്ടെന്ന് തീർന്നതെന്തെ..." വിരലുകൾ നക്കിക്കൊണ്ട് രവി ചോദിച്ചു.

"പഞ്ചായത്ത് പ്രസിഡൻ്റിൻ്റെ മോളുടെ മനസമ്മതം. അതിൻ്റെ ശാപ്പാട് ഇന്ന് നാട്ടുകാർക്ക് ഉണ്ട്. കുടിക്കുന്നവർക്ക് രണ്ട് ഗ്ലാസ് കള്ള് ഇവിടെനിന്നും കൊടുക്കാൻ പ്രസിഡൻ്റ് പറഞ്ഞായിരുന്നു... അതോണ്ടാ വേഗം തീർന്നത്...". രവിക്ക് കാര്യങ്ങളുടെ കിടപ്പ് മനസ്സിലായി.

"ഇയാള് ഇവിടെ ആദ്യല്ലേ...." കൈകഴുകി, പൈസ കൊടുക്കാൻ നേരം ചേട്ടൻ്റെ ചോദ്യം.

"എനിക്കും കിട്ടി ഒരു ക്ഷണം.. കഴിക്കാൻ വൈകും എന്ന് മനസ്സിലയതുകൊണ്ട്, പശി അടക്കിയെന്നെയുള്ളൂ..." രവി കളവ്