കള്ളനും കാമിനിമാരും 7

Kallanum Kaaminimaarum Part 7 | Author : Prince

[ Previous Part ] [ www.kkstories.com]

രാവിലെ ഇരുവരും ഇടുക്കിയിലേക്ക് യാത്ര തിരിച്ചു. ആ യാത്രയുടെ ഉദ്ദേശ്യം, ക്ലാരയുടെ കൂടെയുള്ള ഒരു സിസ്റ്ററിന്റെ അപ്പനും അമ്മയ്ക്കും മകൾ കൊടുത്തുവിട്ട ചില സാധനങ്ങളും അൽപ്പം പൈസയും കൊടുക്കണമായിരുന്നു. കേട്ടിടത്തോളം പാവങ്ങൾ ആണവർ.

തിരുവനന്തപുരത്തുനിന്ന് ബസ്സിൽ ഇരിക്കാൻ സ്ഥലം കിട്ടിയെങ്കിലും ഉള്ളിൽ നിന്ന്തിരിയാൻ സ്ഥലം ഇല്ലായിരുന്നു. യാത്രയ്ക്ക് അരോചകമായി കനത്ത മഴയും !! ജനറൽ സീറ്റിൽ വിൻ്റോയ്‌ക്ക് അരികിൽ ക്ലാരയും സീറ്റിൻ്റെ അരികിലായി രവിയും ഇരുന്നു.

വൈകാതെ രവി ഒന്ന് മയങ്ങി. ഉണർന്നപ്പോൾ ഒരു സ്ത്രീ കുട്ടിയേയും പിടിച്ച് അരികിൽ നിൽക്കുന്നത് രവി ശ്രദ്ധിച്ചു. അയ്യോപാവം തോന്നിയ രവി അവർക്ക് സ്വന്തം സീറ്റ് നൽകി മനുഷ്യത്വം കാണിച്ചു. അതിൻ്റെ ഗുണവും ഉണ്ടായി. തൻ്റെ ബാഗും മടിയിൽ വച്ച് ക്ലാര അതിൽ തല താഴ്ത്തി ഉറക്കം പിടിച്ചു.

ഷട്ടറുകൾ എല്ലാം താഴ്ത്തിയതിനാൽ ബസ്സിനുള്ളിൽ നേരിയ വെട്ടം മാത്രം. ചുരുക്കത്തിൽ, നിൽക്കുന്നവർക്ക് ഒന്നനങ്ങാൻ കഴിയാത്ത അവസ്ഥ. പുറത്ത് മഴയുണ്ടെങ്കിലും അകത്ത് വല്ലാത്ത പുഴുക്കം.
രവി ഇരുകൈകളും താൻ ഇരുന്ന സീറ്റിൻ്റെ കമ്പിയിലും മുന്നിലെ സീറ്റിൻ്റെ കമ്പിയിലും പിടിച്ച് വിൻ്റോയ്ക്ക് അഭിമുഖമായി നിന്നു. തിരക്കിൻ്റെ ആധിക്യം കാരണം രവി നൽകിയ സീറ്റിൽ ഇരുന്ന സ്ത്രീയുടെ വലത് തോളിനരികിൽ ആയിരുന്നു നിൽപ്പ്. മടിയിൽ ഇരുന്ന കുഞ്ഞിനെ വലത് തോളിലേക്ക് കിടത്തി വലതും ഇടതും കൈകൾകൊണ്ട് കുഞ്ഞിനെ ചുറ്റി ആ സ്ത്രീ ഇടയ്ക്ക് രവിയെ നോക്കുന്നത് രവി ശ്രദ്ധിച്ചു.