കല്ല്യാണവീട് [ Aarsha ]

കല്ല്യാണവീട്
Kallyanaveedu | Author : Aarsha

കല്ല്യാണത്തിന് ഇനിയുമൊണ്ട് രണ്ടു ദിവസം കൂടി പക്ഷേ അടുത്ത ബന്ധുക്കൾ ഓരോരുത്തരായി വന്നു തുടങ്ങി ഭയങ്കര ലഹളയാണ് വീട്ടിലാകെ. മൂത്തവരെല്ലാവരും തെക്കും വടക്കും ഓട്ടമാണ്. കല്ല്യാണമല്ലേ നൂറുകൂട്ടം കാര്യങ്ങൾ ചെയ്തതു തീർക്കാനുണ്ട്. മിനിയെ സംബന്ധിച്ചിടത്തോളം ഒരു പരാതിയേ ഒള്ളു. ഈ അമ്മാവന്മാരും ഇളയപ്പന്മാരും അവരുടെ പിള്ളേരെ കൊണ്ടു വരാതെയാണ് എത്തിയിരിക്കുന്നത്. അവരെല്ലാം കല്ല്യാണത്തിന്റെ ദിവസമേ വരുകയുള്ളൂ. പ്രായപൂർത്തി ആയവരെല്ലാം ഓരോ പണി ചെയ്യുമ്പോൾ മിനി മാത്രം ചുമ്മായിരിക്കുന്നു. പതിനഞ്ചു വയസായ മിനിക്ക് പണിയൊന്നും ചെയ്യാൻ പറ്റില്ലാഞ്ഞിട്ടല്ല. ഏറ്റവും ഇളയ മോളായാൽ എന്നും ഒരു കുഞ്ഞു കുഞ്ഞു കൂട്ടിയായിരിക്കും. പിന്നെ മിനിയുടെ സ്കൂൾ അടച്ചിട്ടില്ല. ഒരു മാസം കഴിയുമ്പോൾ പരീക്ഷയാണ്. ഇംഗ്ലീഷും ഹിന്ദിയുമാണ് അവൾക്ക് ഏറ്റവും പാട്. എന്നതെങ്കിലും പണി ചെയ്യാൻ ചെല്ലുമ്പോൾ അമ്മ കണ്ടാൽ ഓടിക്കും.

“പോയിരുന്ന് പരീക്ഷക്കു പഠിക്കടീ” എന്നും പറഞ്ഞ് പിള്ളേരാരെങ്കിലും വന്നിരുന്നെങ്കിൽ അവരുടെ കൂടെ കളിക്കാമായിരുന്നു.
ബോംബെയിൽ നിന്ന് ഇളയപ്പനും കുടുംബവും ഇന്നെത്തുമെന്നാ കേട്ടത്. അവിടെ രണ്ട് പിള്ളേരുണ്ട്. മുത്തവൻ ചെറുക്കൻ ജിതിൻ അവളേക്കാൾ രണ്ട് വയസ് ഇളപ്പമാണ് അവന്റെ ഇളയത് സുമി പതിനൊന്ന് വയസ്. ബോംബെക്കാർ പിള്ളേരല്ലേ. തന്നേക്കാൾ ഇളപ്പമാണെങ്കിവും മിനിക്ക് കടിച്ചാൽ പൊട്ടാത്ത ഇംഗ