Chapter Title : കല്യാണം....പാലുകാച്ചൽ....[പളുങ്കൂസൻ]

ചോദിക്ക്..എന്നിട്ട് അതെടുത്തു സ്റ്റോർ റൂമിൽ കൊണ്ടുപോയി വെക്ക്.''

അമ്മയുടെ ഓഡർ ആണ്.ചെയ്യാതെ നിവൃത്തി ഇല്ല..പക്ഷെ വിദ്യയും ദിവ്യയും ആ റൂമിലാണ്..ഇനി എന്ത് ചെയ്യും? അവൻ ആലോചിച്ചുകൊണ്ടിരിക്കെ ദാ വരുന്നു ദിവ്യച്ചേച്ചി .

അവന്ടെ അടുത്തേക്ക് തന്നെയാണ് ദിവ്യച്ചേച്ചി വരുന്നത്.മുഖം കണ്ടാലറിയാം സംഗതി സീരിയസ് ആയിട്ടുണ്ടെന്ന് .

''എടാ നീ എന്ത് പണിയാ കാണിച്ചേ...ഇങ്ങനെയൊക്കെ ആണോ നീ?''

''അല്ല ദിവ്യെച്ചീ..ഞാൻ...പിന്നെ...അറിയാതെ...''

''എടാ നാളെ അവളുടെ കല്യാണമാണ്...അവൾടേം ഫ്രണ്ട്സിൻറേം സകല മൂടും നീ കളഞ്ഞു...അതൊന്നുമല്ല സങ്കടം ..നീ ഇത്തരക്കാരനാണെന്ന് ഞങ്ങളാരും അറിഞ്ഞിരുന്നില്ല...കുടുംബത്തിന്റെ മനം കളയാൻ''

''അയ്യോ ചേച്ചീ ഞാൻ അങ്ങനത്തെ ഒരാൾ ഒന്നുമല്ല... ഞാൻ ആദ്യായിട്ട ഇങ്ങനെ...''

''എങ്ങനെ''

''അല്ല.. ഇങ്ങനെ...''

''ഉം...ഇനി എനിക്ക് ഇതിനെ പറ്റി ഒന്നും സംസാരിക്കാനില്ല..പോ''

''അമ്മ ആ കലം എവിടെയാണ് എന്ന ചോദിച്ചിരുന്നു ''

''കലം...ആ..സ്റ്റേജിന്റെ പിന്നിലുണ്ട് ''

''ആ''

''സ്റ്റോർ റൂമിൽ കൊണ്ട് വെക്കാനാണോ?''

''ആ''

അവൻ വീണ്ടും ഓടി.ഓടിമറയുകയല്ലാതെ മറ്റൊരു മാർഗവും അവൻ കണ്ടില്ല.സ്റ്റേജിന്റെ പിന്നിൽ കലം ഇരിപ്പുണ്ട്. അവൻ അതെടുത്തു തിരിച്ചുവന്നു. സ്റ്റോർ റൂമിൽ കയറി .ആദ്യം കണ്ട ഒഴിഞ്ഞ തട്ടിൽ കലം വെച്ച് തിരിഞ്ഞപ്പോൾ പുറകിൽ നിന്നൊരു വിളി.

''അപ്പൂ..''

നിലവറയുടെ ഇടുങ്ങിയ ഇടനാഴിയുടെ അങ്ങേ തലക്കലിൽ ഇരുട്ടിൽ നിന്നാണ് ആ പെൺശബ്ദം.

''ആരാ...''

ഒരു സ്ത്രീ രൂപം അടുത്തേക്ക് വന്നു.എവിടെയോ തട്ടിത്തെറിച്ച വെളിച്ചത്തിൽ അവനാ മുഖം കണ്ടു.

'കീർത്തി'

നേരത്തെ കണ്ട മുഖമായിരുന്നില്ല കീർത്തിക്ക്. കുറച്ചുകൂടെ ശാന്തമായ, തന്നോട് എല്ലാം ക്ഷമിച്ചു എന്ന രീതിയിൽ ഒരു തോന്നൽ ഉണ്ടാക്കുന്ന ഭാവം,
അവന്ടെ മുഖത്തേക്ക് ഒന്ന് സൂക്ഷിച്ച നോക്കിയിട്ട് കീർത്തി ചോദിച്ചു

''നിനക്കെത്ര വയസ്സായി?''

''പതിനെട്ട് ''

''അപ്പൊ പ്രായപൂർത്തിയായല്ലേ''

സംസാരം എങ്ങോട്ടാണ് പോകുന്നതെന്ന് അവനു മനസ്സിലായില്ല.കീർത്തി തുടർന്നു.

''പതിനെട്ട് വയസ്സിൽ പ്രായപൂർത്തിയാകും എന്ന് എല്ലാവരും പറയും. പക്ഷെ adult എന്ന അവസ്ഥയിൽ മനുഷ്യൻ എത്തുന്നത് അതും കഴിഞ്ഞ് കുറെ കഴിഞ്ഞിട്ടാണ്.അവിടെ ഓരോരുത്തർക്കും ഒരു ലൈംഗിക വ്യക്തിത്വമുണ്ട്.അത് മരണം വരെ അയാളോടൊപ്പമുണ്ടാകുകയും ചെയ്യും.''

എന്താണ് പറയുന്നതെന്ന് അപ്പുവിന് ഒരു എത്തും പിടിയും കിട്ടുന്നില്ല . കീർത്തി ആചാര്യയുടെ ഭാവത്തിൽ തുടരുകയാണ്