Chapter Title : കണക്കുപുസ്തകം 5 [Wanderlust]

: എന്റെ പൊന്നേ… നീയെന്നെ കുടിപ്പിച്ച് കിടത്താനുള്ള പ്ലാനാണോ. ഇപ്പൊ തന്നെ ഒരുപാടായില്ലേ. മേരി വാ നമുക്ക് കുറച്ചുനേരം പുറത്തിരിക്കാം

മേരിയെയും കൂട്ടി ഹരി പുറത്തേക്കിറങ്ങുമ്പോൾ അന്നാമ്മ കാര്യമായി ആരോടോ ഫോണിൽ സംസാരിച്ചുകൊണ്ടിരിക്കുകയാണ്. മേരിയുടെ കൂടെ പുറത്തേക്കിറങ്ങിവന്ന ഹരിയെ സ്വപ്ന ഇടംകണ്ണിട്ട് നോക്കുന്നുണ്ട്. അവളുടെ മുഖത്തെ ഭാവം കണ്ടാലറിയാം പെണ്ണ് നല്ല കലിപ്പിലാണെന്ന്. ഹരി അവളെനോക്കി പുഞ്ചിരിച്ചെങ്കിലും സ്വപ്നയുടെ കണ്ണുകളിലെ തീയാണ് അവൻ കണ്ടത്. ഫോൺ കട്ടാക്കി വന്ന അന്നാമ്മ മേരിയുമായി സംസാരിച്ച ശേഷം ഹരിയുടെ അടുത്തേക്കാണ് വന്നത്..

: ഹരീ… എന്റെ മേരികുഞ്ഞിനെ വിഷമിപ്പിച്ചു അല്ലെ.. സാരമില്ല, ഹരി പറഞ്ഞപോലെ നമുക്ക് മാത്രമായി നല്ലൊരു രാത്രി വഴിയേ വരുന്നുണ്ടല്ലോ അല്ലെ..

: സോറി അന്നാമ്മേ…. എന്റെ വേണ്ടപ്പെട്ടവർ ചിലർ ഒരു അപകടത്തിൽ മരിച്ച ദിവസമാണ് ഇന്ന്. അതുകൊണ്ട് എനിക്കെന്തോ പഴയ ഓർമ്മകൾ മനസിലേക്ക് വന്നുപോയി… അതാ ഞാൻ മേരിയോട്…

: ഹേയ്… എന്താ ഹരി ഇത്… നമ്മൾ തമ്മിൽ ഇതിന്റെയൊക്കെ ആവശ്യമുണ്ടോ.. ഇന്ന് ഹരിക്ക് മൂഡില്ല. അതിനിപ്പോ എന്താ

: അന്നാമ്മയ്ക്ക് പ്രശ്നമില്ലെങ്കിൽ എനിക്കാണോ… ഇനിയെന്താ നമ്മുടെ പരിപാടി സമയം ഒത്തിരി ആയില്ലേ നമുക്ക് മെല്ലെ മലയിറങ്ങിയാലോ

: ഹരിക്ക് നിർബന്ധമാണെങ്കിൽ പോകാം.. അല്ലെങ്കിൽ ഇവിടെ കൂടിയിട്ട് കാലത്ത് പോകാം

: കാലത്ത് എനിക്ക് കൊച്ചിയിൽ എത്തണം, എന്റെ ഒരു സുഹൃത്ത് വിളിച്ചിരുന്നു ഇപ്പൊ, അവന്റെകൂടെ ഒരു സ്ഥലംവരെ പോകാനുണ്ട്.. ഇപ്പൊ ഇറങ്ങിയാൽ റോഡ് കാലിയായിരിക്കും

: എങ്കിൽ ഞാനായിട്ട് ഇവിടെ നിക്കണോ… ഞങ്ങളും ഇറങ്ങാം

അന്നാമ്മയോട് ചെറിയൊരു കള്ളം പറഞ്ഞശേഷം ഹരി മെല്ലെ അവിടെനിന്നും