കണ്ണിലുദിച്ച കിനാവുകൾ

Kanniludicha Kinavukal | Author : Spulber

    ✍️… കാഴ്ചയിൽ അവന് തന്റെ അതേ പ്രായമാണെന്ന് അമ്പിളിക്ക് തോന്നി.. അല്ലെങ്കിൽ തന്നെക്കാൾ ഒന്നോ രണ്ടോ വയസ് പ്രായക്കുറവ്.. ഇപ്പോൾ മൂന്നാം ദിവസമാണവൻ തന്നെയും കാത്തെന്ന പോലെ വഴിയരികിൽ നിൽക്കുന്നത്..

ഇന്നും രാവിലെ ബസ് സ്റ്റോപ്പിനടുത്ത് അവൻ നിൽക്കുന്നത് കണ്ട് അമ്പിളിക്ക് അസ്വസ്ഥത തോന്നി.. അവൾ അവനെ ശ്രദ്ധിക്കാതെ പതിയെ നടന്ന് വന്ന് ബസ് സ്റ്റോപ്പിലേക്ക് കയറി നിന്നു..

വേറേയും ആൾക്കാരുണ്ട് ബസ് കാത്ത് നിൽക്കുന്നവർ.. അമ്പിളി അവനെ ശ്രദ്ധിക്കാതെ ഒരു പരിചയക്കാരിയോട് സംസാരിച്ച് നിന്നു.. ഇടക്ക് ആ സ്ത്രീയുടെ തോളിന് മുകളിലൂടെ അമ്പിളിയൊന്ന് പാളി നോക്കി,.

പെട്ടെന്നവൾ കണ്ണ് പിൻവലിച്ചു.. അവൻ തന്നെത്തന്നെ നോക്കി നിൽക്കുന്നു..പക്ഷേ,തന്നെ വലിച്ച് കീറുന്ന നോട്ടം ഒരുപാട് കണ്ടിട്ടുള്ള അമ്പിളി, അവന്റെ നോട്ടത്തിൽ കണ്ടത് ആരാധനയാണ്..കണ്ണുകളിൽ കണ്ടത് പ്രണയവും..

എന്നാലും അതൊന്നും അസ്വദിക്കാനുള്ള മാനസികാവസ്ഥയിലല്ലായിരുന്നു അമ്പിളി..എത്രയോ ആൾക്കാരെ ഒരു ദിവസം കാണുന്നു.. പലതരത്തിലുള്ള നോട്ടം നോക്കുന്നു.. ഇതും അത് പോലെത്തന്നെ.. ബസ് വരുന്നത് കണ്ട് അമ്പിളി ഇറങ്ങി നിന്നു.. ബസിലേക്ക് കയറും മുമ്പ് അവൾ ഒന്നുകൂടി തിരിഞ്ഞ് നോക്കി.. അവനിപ്പഴും അതേ നോട്ടം തന്നെ..

  ഗ്രാനേറ്റും,ടൈൽസും വിൽക്കുന്ന കടയിൽ അക്കൗണ്ടന്റാണ് അമ്പിളി.. മുപ്പത് വയസ് പ്രായം.. ജീവിക്കാൻ വരുമാനമില്ലാഞ്ഞിട്ടല്ല അമ്പിളി ജോലിക്ക് പോവുന്നത്..നല്ല സമ്പത്തുള്ള കുടുംബത്തിലെ അംഗം തന്നെയാണവൾ..എന്നാലും ഇനിയും വെറുതെയിരുന്നാൽ താൻ വിഷാദ രോഗിയായപ്പോവുമോ എന്ന് തോന്നിയപ്പോഴാണ് അമ്പിളി ഒരു ജോലിക്ക് ശ്രമിച്ചത്..അക്കൗണ്ടിംഗ് പഠിച്ചത് കൊണ്ട് വേഗം തന്നെ അവൾക്ക് ജോലി കിട്ടി.. ഇപ്പോൾ രണ്ട് മാസമായി അവളാ സ്ഥാപനത്തിൽ ജോലി ചെയ്യുന്നു..

അമ്പിളിക്ക് വീട്ടിൽ അമ്മ മാത്രമേ ഉള്ളൂ..അഛൻ മരിച്ചു.. ഒരു ചേച്ചിയുണ്ട്.. അവൾ വിവാഹം കഴിഞ്ഞ് കുറച്ച് ദൂരെയാണ് താമസം..നന്നായി ആലോചിച്ച് തന്നെയാണ് അമ്പിളിയെ വിജയനെക്കൊണ്ട് കെട്ടിച്ചത്.. പക്ഷേ അവനൊരു ദുഷ്ടനായിരുന്നു.. നാല് മാസം കൊണ്ട് അമ്പിളിയുടെ നാൽപത് പവൻ അവൻ വിറ്റ് പുട്ടടിച്ചു.. കല്യാണമാലോചിക്കുമ്പോൾ ബിസിനസാണെന്ന് പറഞ്ഞ വിജയന് ഒരു പണിയുമില്ലെന്ന് കല്യാണത്തിന് ശേഷമാണ് അമ്പിളിക്ക് മനസിലായത്..

അമ്പിളിയുടെ സ്വർണം വിറ്റ് അവൻ ആർഭാടത്തോടെ ജീവിച്ചു..

താലിമാലയിൽ കൈ വെച്ചപ്പോഴാണ് അമ്പിളി എതിർത്തത്..പിന്നെ ക്രൂര മർദ്ദനങ്ങളായിരുന്നു.. കുടിച്ചിട്ട് വരുന്ന വിജയൻ, അമ്പിളിയെ മർദ്ദിച്ചു.. ഇനിയും അവളുടെ വീട്ടിൽ നിന്ന് സ്വർണം കൊണ്ടുവരണം എന്നതായിരുന്നു അവന്റെ ആവശ്യം..അതിന് അമ്പിളി വഴങ്ങിയില്ല..അവന്റെ അടിയും ചവിട്ടും സഹിച്ച് അവൾ അവിടെത്തന്നെ നിന്നു..

പക്ഷേ , അവൾക്ക് തീരെ സഹിക്കാനാവാഞ്ഞത് അവന്റെ ലൈംഗിക വൈകൃതങ്ങളായിരുന്നു.. മൃഗ സമാനമായ ഭോഗം അവൾക്ക് സഹിക്കാനായില്ല… അവന്റെ ക്രൂരമായ ലൈംഗിക പീഢനത്തിൽ തനിക്ക് ജീവൻ പോലും നഷ്ടമാകുമെന്ന് തോന്നിയപ്പോഴാണ് അമ്പിളി അവന്റെ വീട്ടിൽ നിന്നിറങ്ങിയത്..അപ്പോഴേക്കും അവൾ ആറ് മാസം ഗർഭിണിയായിരുന്നു..

എന്നിട്ടും വിജയൻ അവളെ വെറുതെ വിട്ടില്ല.. അവളുടെ വീട്ടിൽ ചെന്ന് അവൻ ബഹളമുണ്ടാക്കി.. അത് അമ്പിളി തിരിച്ച് വരണം എന്ന് പറഞ്ഞായിരുന്നില്ല.. അവളവിടെ നിന്നോട്ടെ, പക്ഷേ തനിക്കിനിയും സ്വർണം വേണമെന്ന വിചിത്രമായ കാര്യമാണ് അവനാവശ്യപ്പെട്ടത്.. തന്റെ വീട്ടിലും സമാധനത്തോടെ ജീവിക്കാൻ പറ്റാതായതോടെയാണ് അമ്പിളി