Chapter Title : കണ്ണന്റെ അനുപമ 5 [Kannan]

പറഞ്ഞത്...

"എനിക്കൊരു ഷെയറും വേണ്ടാ... ഈ മൊതലിനെ മുഴുവനായിട്ട് തന്നാൽ മതി...

അവളെന്റെ നെഞ്ചിൽ കയ്യെത്തിച്ച് തടവിക്കൊണ്ട് എന്നെ മുറുക്കെ കെട്ടിപിടിച്ചു.

"അയ്യ എന്താ ഒലിപ്പീര്... അതിന് മാത്രം ഒരു കുറവും ഇല്ലാ...

"ഒലിപ്പീരൊന്നും അല്ലാ എനിക്കിപ്പോ എന്നേക്കാൾ ഇഷ്ടാണ്.. !

അവൾ ചേർന്നിരുന്ന് എന്റെ പിന്കഴുത്തിൽ ഉമ്മ വെച്ച് എന്നെ കെട്ടിപിടിച്ചു.തോളിൽ തലവെച്ച് കിടന്നു കൊണ്ടാണത് പറഞ്ഞത്.
അടുത്ത നിമിഷം അവളുടെ ഫോൺ ശബ്ദിച്ചു...

"അയ്യോ ഉണ്ണിയേട്ടനാ... ഒന്ന് നിർത്തിക്കെ..

അവൾ പരിഭ്രമത്തോടെ എന്റെ തോളിൽ തട്ടി കൊണ്ട് പറഞ്ഞപ്പോൾ ഞാൻ വണ്ടി റോഡിന്റെ വശം ചേർന്ന് നിർത്തി.

"നീയെന്തിനാ അതിന് പേടിക്കുന്നെ ഫോൺ എടുക്ക് എന്നിട്ട് ധൈര്യത്തോടെ സംസാരിക്ക്... "

ഞാനവളുടെ കയ്യിൽ മുറുകെ പിടിച്ചു ധൈര്യം നൽകി..

ഹലോ....

"ആരോട് ചോദിച്ചിട്ടാടീ ആ തള്ളയെ അവടെ നിർത്തിയെ..?

മറുതലക്കൽ നിന്ന് മുരൾച്ച കേട്ടതും അവളൊന്നു വിരണ്ടു...

"ഞാനൊന്നും പറഞ്ഞില്ല. അമ്മയാണ് അവിടെ നിക്കാണെന്ന് പറഞ്ഞെ... "

അവൾ പേടിച്ചുകൊണ്ട് ഉത്തരം നൽകി.

"ആ അതിനെ അവടെ നിർത്തിയാ പിന്നെ നിന്റെ കാര്യങ്ങൾ ഒക്കെ നടക്കുവല്ലോ? "

അയാൾ അർത്ഥം വെച്ചു കൊണ്ട് പറഞ്ഞു...

എനിക്കത് കേട്ടിട്ട് തരിച്ചു വരുന്നുണ്ടായിരുന്നു. ഫോൺ മേടിച്ചു രണ്ട് തെറി പറഞ്ഞാലോ എന്ന് വരെ എനിക്ക് തോന്നി..

"അതിപ്പോ അല്ലെങ്കിലും നടക്കും... "

എന്നെ അമ്പരപ്പിച്ചു കൊണ്ട് അമ്മു ദൃഢമായ സ്വരത്തിൽ പറഞ്ഞു...

"എന്താടി പിഴച്ചവളെ പറഞ്ഞെ...?

മറുതലക്കൽ നിന്നും ശബ്ദം ഉയർന്നു..

"കേട്ടില്ലേ എന്റെ കാര്യങ്ങളൊക്കെ അമ്മ ഉണ്ടെങ്കിലും നടക്കും എന്ന്.. "

അമ്മു അതും പറഞ്ഞു