Chapter Title : കർമ്മ 2 [Eren Yeager]

ആയതോണ്ടാവാം നിരഞ്ജൻ ഭദ്രന്റെ നേരെ തിരിയാതെ ദേവികക്ക് അടുത്തേക്ക് ഓടിയത് നിലത്തു കരഞ്ഞു തളർന്നു ഇരിക്കുന്ന അവളെ അവൻ ചേർത്ത് പിടിച്ചു എഴുന്നേൽപ്പിച്ചു. സോഫയിൽ ഇരുത്തി....

ഒന്നുമില്ല ദേവു കരയല്ലേ. എല്ലാം നമുക്ക് ശരിയാക്കാം.... വിഷമിക്കല്ലേ....

നിരഞ്ജൻ ദേവികയുടെ കൈയിൽ അമർത്തി പിടിച്ചു ആശ്വസിപ്പിക്കാൻ തുടങ്ങി...

ഭദ്രൻ ഇതെല്ലാം കണ്ട് ചിരിക്കാൻ തുടങ്ങി..... ഒരു തരം ഭ്രാന്തമായ ചിരി.

നിനക്ക് അപ്പോൾ ആശ്വസിപ്പിക്കാനൊക്കെ അറിയാം.. വേണ്ടപെട്ടവർക്ക് വേദനിക്കുമ്പോൾ ഉള്ളു പിടയുന്നുണ്ടല്ലഡാ നായെ...ദേഷ്യത്തോടെ ഭദ്രൻ നിരഞ്ജനെ നോക്കി ചോദിച്ചു...

നിങ്ങൾ ആരാ.. നിങ്ങളെ ഞാൻ കണ്ടിട്ട് പോലുമില്ല പിന്നെ എന്തിനാ ഇങ്ങനെയൊക്കെ ചെയ്യുന്നേ...

നിരഞ്ജന്റെ മറുപടി കേട്ട് ഭദ്രൻ തന്റെ കൈ സഞ്ചി എടുത്ത് അതിൽ നിന്നു ഒരു കേട്ട് ഫോട്ടോസ് എടുത്തു അവന്റെ നേരെ എറിഞ്ഞു.... ഒരു 16 കാരൻ പയ്യന്റെ ഫോട്ടോസ്....

ഇവനെയും നിനക്കറിയില്ല അല്ലേടാ...

അതിലെ ഫോട്ടോ കണ്ട് നിരഞ്ജൻ ഞെട്ടി വിറച്ചു.....തന്റെ ഒപ്പം പഠിച്ചിരുന്ന ഒരു പാവം ബ്രാഹ്മണപയ്യൻ... അല്പം കൂടെ വ്യകതമായി പറഞ്ഞാൽ... ചെറുപ്പത്തിൽ നിരഞ്ജനും കൂട്ടുകാരും കൂടെ റാഗിങ് എന്ന പേരിൽ ഇല്ലാതാക്കിയ ഒരു പയ്യന്റെ ഫോട്ടോ..... ചോലർമഠം ഭദ്രൻ വീര ഭദ്രൻ ആയി പകരം വീട്ടാൻ വന്നതാണെന്ന ചിന്ത. നിരഞ്ജനെ നിശ്ചലൻ ആക്കി മാറ്റി... അത്രയും വലിയ ദ്രോഹം ആണ് അവനോടു ചെയ്തതെന്ന്. നിരഞ്ജന് അറിയാം...

നിരഞ്ജന്റെ പേടിയും വെപ്രാളവും കണ്ടു ദേവിക പിന്നെയും പരിഭ്രാന്തി പിടിച്ച കണക്കെ ആയി... ആരാ ഏട്ടാ ഇയ്യാൾ....

ഏട്ടനും ഇങ്ങേരുമായി എന്താ പ്രശ്നം...

കണ്ണിൽ കത്തുന്ന പ്രതികരവുമായി ഭദ്രൻ ദേവികക്ക് നേരെ തിരിഞ്ഞു..

3 പേരുടെ ജീവിതവും ജീവനും കളഞ്ഞവനാ നിന്റെ ഈ ഭർത്താവ്....

ബന്ധങ്ങളുടെ വില ഇവനെ ഞാൻ അറിയിച്ചു കൊടുക്കും....

ദേവികയുടെ മടിക്കുത്തിനു പിടിച്ചു കൊണ്ട് ഭദ്രൻ അലറി.... അവളുടെ പാവാട ലൂസ് ആയി തുടങ്ങിയത് അവൾ കൃത്യമായി അറിഞ്ഞു... തന്റെ മടിക്കുത്തിനു കേറി പിടിച്ചിട്ടും തല താഴ്ത്തി മൗനം പാലിച്ചു പേടിച്ചിരിക്കുന്ന ഭർത്താവിനെ കണ്ട് ദേവിക അമ്പരന്ന് നിന്നു... ഇതൊന്നും അറിയാതെ... പാവയെ പോലെ നിൽക്കുന്ന സ്വന്തം മോളും...