Chapter Title : കടൽക്ഷോഭം 1 [അപ്പു]

കൂടെ കിഴക്ക് ഭാഗത്തുള്ള വീടുകളിൽ ആൾക്കാർ അഭയം തേടാൻ തുടങ്ങി... കടൽക്ഷോഭം വരുമ്പോൾ ബന്ധുക്കളുടെയോ കൂട്ടുകാരുടെയോ വീടുകളിൽ ഇത്തരത്തിൽ പോയി നിൽക്കുന്നത് പുതിയ കാര്യമല്ല... പക്ഷെ ഇപ്പ്രാവശ്യം ഒന്നും എടുക്കാനോ കൊണ്ടുപോകാനോ സമയമില്ലായിരുന്നു... ഞങ്ങൾ അമ്മാവന്റെ വീട്ടിലേക്ക് പോകാൻ തീരുമാനിച്ചു... ജേക്കബ് ചേട്ടനും ഷൈനിച്ചേച്ചിയും പിള്ളാരും ആദ്യം ചേച്ചിയുടെ വീട്ടിലേക്ക് മാറാം എന്ന് ആലോചിച്ചെങ്കിലും സമയം കുറവായിരുന്നു... കിട്ടിയ സാധനങ്ങൾ വാരിക്കൂട്ടി ഞാൻ ഇറങ്ങിയപ്പോൾ അപ്പൻ ജേക്കബ് ചേട്ടനെയും കൂടെ വിളിച്ചു പോന്നോളാൻ പറഞ്ഞു... ഞാൻ നേരെ ചെന്ന് അവരോടും വരാൻ പറഞ്ഞു.. ചേട്ടൻ ആദ്യം വേണ്ടന്നൊക്കെ പറഞ്ഞെങ്കിലും സമയം കുറവായത് കൊണ്ട് വരാം എന്ന് പറഞ്ഞു.. അങ്ങനെ ഞങ്ങൾ എല്ലാവരും അങ്ങോട്ട് പോയി..

ഏകദേശം 5 മണി കഴിഞ്ഞപ്പോ ഞങ്ങൾ അമ്മാവന്റെ വീട്ടിൽ എത്താറായി... അപ്പോഴാണ് ചേച്ചി ഓർത്തത് കുഞ്ഞിന്റെ മരുന്ന് എടുത്തില്ല.. അല്ലെങ്കിലേ ശ്വാസം മുട്ടലുള്ള കുഞ്ഞിന് മഴക്കാലത്തു കൂടുതലാണ് അതില്ലാതെ പറ്റില്ല... ചേട്ടനോട് പറഞ്ഞപ്പോൾ ചേട്ടൻ കൂടെ പോകാമെന്നു പറഞ്ഞു പക്ഷെ മഴയത്തു കുഞ്ഞുങ്ങളെയും കൊണ്ട് തിരികെ പോകൽ നടക്കില്ല... എന്നെ ഏൽപ്പിക്കാനും പറ്റില്ല... അവിടെ ചെന്നിട്ട് എന്തേലും ചെയ്യാം എന്ന് പറഞ്ഞു ചേട്ടൻ നടന്നു.... എന്തോ തോന്നി ഞാൻ പറഞ്ഞു അവിടെ ചെന്നിട്ട് നടക്കില്ല ഇപ്പൊ പോയാൽ ഇങ്ങു പോരാം വലിയ കുഴപ്പമില്ല ഞാനും ചേച്ചിയും കൂടെ പോകാം ചേട്ടൻ പിള്ളാരേം കൊണ്ട് അങ്ങ് പൊക്കോ.... ചേച്ചിക്കും അതാണ് നല്ലതെന്ന് തോന്നി... ബെഡ്റൂമിന് മുകളിലുള്ള കാബോർഡിൽ ആണ് മരുന്ന് വെള്ളം അവിടെ വരെയെത്തിയാൽ പിന്നെ പോയിട്ടും കാര്യമില്ല... എന്നാ നിങ്ങളു പോയിട്ട്